Kolosi 1:20 - Urat New Testament

²⁰ O Got ŋasande ŋaiye kin de ka plihe enge ŋaiꞌe ŋaiꞌe lalme ŋaiye sai kekep, topoꞌe nanah moihlaꞌ ote guhilyeh ŋaiye ka lalme yahraꞌe ŋoihmbwaip ilyeh. Wim tikin Jisas turuꞌ nase loutungwarmbe gah pe, Got kin ŋonombe ŋinise yaŋah ŋaiye ya mende wachaih mile mut me potopoi topoꞌe Got.

Kolosi 1:20 ပူးပေါင်းရင်းမြစ်များ

Matyu 1:21

Ti ta waraꞌe talah miyeꞌ ende pe, na gilme naŋ kin Jisas. Tehei kin taꞌe leꞌe, kin ka ongohe hwap pupwa lenge miyeꞌ tuweinge ŋaiye yende pe, ka ungwisme tinge.”

Wusyep bwore tikin Luk 2:14

“Yirisukwarme Got nanah moihlaꞌ! Kin ka angange ŋoihmbwaip michukor el lenge miyeꞌ tuweinge na gah kekep ŋaiye ki hriphrip me tinge.”

Aposel 10:30

Kornilius nungwisme na, “Ŋup hoye hoye si nal dindiꞌ ŋaiye ŋau nambaꞌe hun yungwiris pe, ŋam misilihme Got marp yokoh ŋam. Nilyehe sai ŋam metekeꞌe miyeꞌ dendeꞌ hihyilih yirise supule nate gan ŋembep ŋam.

Pol nainge tup nal lenge Rom 5:1

Taꞌe luku pe, ŋoihmbwaip poi teŋeime Got pe, kin gal poi miyeꞌ tuweinge ŋaiye bwore bwarme. Pe Lahmborenge poi Jisas Krais ŋende poi ŋaiye ya murp ŋoihmbwaip ilyeh topoꞌe Got.

Efesus 1:10

Ŋup kitikin uku ka ot pe, Got ka uwilꞌe ember ŋoihmbwaip tase kitikin ŋaiye kin si ŋoiheryembe sai. Kin ka enge ŋaiꞌe ŋaiꞌe lalme ŋaiye sai nanah moihlaꞌ, topoꞌe nate gah kekep ote guhilyeh pe, Krais ka orp tuꞌe miyeꞌ ondoh.

Filipai 2:10

Topoꞌe nato naŋ Jisas pe, lenge mitiŋ lalme ŋaiye yarp ya yanah moihlaꞌ, gah kekep, topoꞌe ŋaiye yarp moi lenge miyeꞌ tuweinge ŋaiye si yule ka yasarꞌe ŋimbep me kin.

Kolosi 1:16

Nato Krais ti, Got ŋende ŋaiꞌe ŋaiꞌe lalme ŋaiye sai nanah moihlaꞌ, topoꞌe nate gah kekep. Ŋaimune ŋaiye poi menge ŋembep poi metekeꞌe, topoꞌe ŋaimune ŋaiye yukur tatame ya metekeꞌe. Ŋaiꞌe ŋaiꞌe luku taꞌe walip hlaꞌ bongol, topoꞌe yipihinge bongol, topoꞌe ŋaiꞌe ŋaiꞌe lalme ŋaiye bongol supule. Kin nangange bongol nal lenge miyeꞌ syeꞌ ŋaiye ka bepteme lenge mitiŋ lalme. Got ŋende ŋaiꞌe ŋaiꞌe lalme luku nato Krais pe, ŋaiꞌe ŋaiꞌe lalme luku tikin Krais.

Hibru 2:17

Taꞌe luku pe, Jisas topoꞌe, ka orp ŋahilyeh tuꞌe lenge miyeꞌ tuweinge tikin kekep pe, kin ka orp pris ondoh tinge pe, ka ende wah tikin Got. Kin ka ŋoihginirme lenge miyeꞌ tuweinge tikin kekep, topoꞌe ka gunde wusyep lalme tikin Got. Topoꞌe ka ende ofa elme Got ŋaiye ka ongohe pupwa lenge miyeꞌ tuweinge lalme.