Kolosi 1:18 - Urat New Testament

¹⁸ Krais kin ŋondoh, kut lenge Kristen miyeꞌ tuweinge wahriꞌ orope. Kin Talah miyeꞌ endehei, ŋaiye tahar nasme nule. Taꞌe luku pe, kin ka orp miyeꞌ ondoh me ŋaiꞌe ŋaiꞌe lalme.

Kolosi 1:18 ပူးပေါင်းရင်းမြစ်များ

Matyu 23:8

Kom yip lenge miyeꞌ tuweinge ŋam pe, yip lalme toꞌtataiye. Taꞌe luku pe, yukur ka jil yip nange jetmam. Kut miyeꞌ esep ilyeh kin jetmam yip.

Matyu 28:18

Jisas nat sehei me tinge pe, kin ŋana lenge na, “Got si pwale naŋ embere topoꞌe bongol ŋaiye ma bepteme ŋaiꞌe ŋaiꞌe lalme nanah moihlaꞌ topoꞌe gah kekep.

Wusyep bwore tikin Jon 1:1

Ŋendeheiyeh kin ŋaiye Got yukur ŋende ŋaiꞌe ŋaiꞌe lalme pe, Wusyep si narp yer. Kin narp topoꞌe Got, topoꞌe kin ŋahilyeh taꞌe Got.

Wusyep bwore tikin Jon 1:16

Ŋoih miꞌmiꞌ pe, kin paparar supulme miyeꞌ uku. Pe ŋaiye ŋoih miꞌmiꞌ kin uku pe, kin ŋende bworerme poi lalme.

Wusyep bwore tikin Jon 1:27

Kin miyeꞌ ilyeh uku ŋaiye nat gande ŋam. Kom ŋam yukur bwore tatame ŋaiye ma mesembele mwah ŋaiye ŋihip hiꞌ kin.”

Aposel 26:23

Tinge yanange wusyep me Miyeꞌ alaŋatme, Krais, ŋaiye mindemboi ka ambaꞌe nihe syohe no, ka ole. Kom kin ka miyeꞌ ŋendehei ŋaiye ka plihe tuhur. Pe kin ka tuꞌe ŋaiye yirise el lenge bamtihei kin Juta topoꞌe lenge haiten.”

Pol nainge tup nal lenge Rom 8:29

Lenge miyeꞌ tuweinge ŋaiye Got somohon nalaŋatme tinge pe, tinge ka yurp ŋahilyeh tuꞌe talah kitikin. Taꞌe luku pe, lenge talah wula wula ka yurp topoꞌe pe, Krais ka orp tuꞌe ŋaiye tatai tinge.

1 Korin 11:3

Kom ŋam masande yip pa sisyeme tuꞌe leꞌe, Krais kin ŋondoh me lenge miyeꞌ lalme, o miyeꞌ kin ŋondoh me tuwei kin, kut Got kin ŋondoh me Krais.

1 Korin 12:27

Yip ilyeh ilyeh tongonose yarp ya yoto wahriꞌ tikin Krais, topoꞌe yip ilyeh ilyeh tongonose yip lalme wahriꞌ ilyeh uku.

1 Korin 15:25

Pe Krais ka embepteme e tutume ŋaiye kin ka engelyembe lenge wachaih no, ka ember e oto ŋihip tuwihe kitikin.

Efesus 1:10

Ŋup kitikin uku ka ot pe, Got ka uwilꞌe ember ŋoihmbwaip tase kitikin ŋaiye kin si ŋoiheryembe sai. Kin ka enge ŋaiꞌe ŋaiꞌe lalme ŋaiye sai nanah moihlaꞌ, topoꞌe nate gah kekep ote guhilyeh pe, Krais ka orp tuꞌe miyeꞌ ondoh.

Efesus 5:23

Ki taꞌe ŋaiye miyeꞌ kin ŋondoh me tuwei kin, ŋahilyeh taꞌe Krais kin ŋondoh me sios. Pe sios wahriꞌ tikin Krais, kut Krais kin nule nungwisme sios.

Kolosi 1:24

Tukwini ŋam hriphrip ŋaiye ma mikirh mande mungwisme yip. Detale, ŋam da mungwisme sios tikin Krais ŋaiye wahriꞌ kin. Nihe syohe ŋaiye Krais nambaꞌe nungwisme sios pe, yukur ki miꞌe. Taꞌe luku pe, nihe syohe ŋaiye ŋam mambaꞌ me wahriꞌ ŋam pe, ŋam da mambaꞌe tutume syohe ŋaiye Krais nambaꞌe.

Kolosi 2:19

Taꞌe luku pe, tinge yukur tongorꞌ yal Krais ŋaiye kin narp miyeꞌ ondoh poi. Poi si tongorꞌ mal wahriꞌ kin pe, taꞌe ŋaiye mwah wahriꞌ si neŋelꞌe gahilyeh. Pe bongol tikin Got ŋende wahriꞌ uku ki tahar embere.

1 Jon 1:1

Poi lenge aposel da mini yip malaŋatme Wusyep Laip ŋaiye somohonme ŋendeheiyeh kin narp. Poi si masande metekeꞌe topoꞌe ŋembep potopoi. Hei, bwore mise, poi si metekeꞌe topoꞌe poi musuwaꞌe kili.

Revelesen 1:18

Ŋam miyeꞌ, ŋaiye marp laip nye nyermbe. Ŋam si mule, kom ŋam plihe tahar pe, ma murp laip nye nyermbe! Ŋam ilyehe sai, ŋam menge lousikan ŋaiye nule, topoꞌe moi titinge lenge miyeꞌ tuweinge ŋaiye si yule.

Revelesen 1:5

Jisas Krais, kin miyeꞌ mise, ŋaiye ŋanange ŋoiheryembe tikin Got nal halhale, topoꞌe kin miyeꞌ endehei, ŋaiye tahar nasme nule, topoꞌe kin miyeꞌ ondoh embere me lenge miyeꞌ ondoh embere lalme tikin kekep eꞌe. Jisas Krais ŋende nihararme poi miyeꞌ tuweinge kin ti, kin nule nal loutungwarmbe pe, wim kin turuꞌ, ŋaiye ka ongohe pupwa poi.

Revelesen 1:8

Got Lahmborenge ŋaiye bongol sekete ŋanange na, “Ŋam miyeꞌ endehei, topoꞌe ŋam miyeꞌ yuwo. Ŋam Got ŋaiye somohonme yerkeime marp, tukwini dindiꞌe leꞌe ŋam marp, topoꞌe mindemboi ma mut.”

Revelesen 11:15

Miꞌe pe, ŋam masande walip hlaꞌ syepumbur hoi ŋunduhulꞌe ŋoih kin pe, ŋam masande lenge walip hlaꞌ, ŋaiye yarp moihlaꞌ yohe timbiya jah yanange na, Got poi, topoꞌe miyeꞌ ŋaiye somohonme kin nalaŋatme, ŋaiye ka ungwisme lenge miyeꞌ tuweinge kin, tinge hindi bongol sekete tatame ka bepyeteme kekep lalme miꞌe pe, tinge hindi ka bepeteme ŋaiꞌe ŋaiꞌe lalme nye nyermbe.

Revelesen 21:6

Topoꞌe ki plihe ŋanange na, “Ŋaiꞌe ŋaiꞌe lalme, ŋaiye ŋam mende pe, ki miꞌe ko. Ŋam miyeꞌ endehei, ŋaiye mende ŋaiꞌe ŋaiꞌe lalme, topoꞌe ŋam plihe miyeꞌ yuwo, ŋaiye gwase ŋaiꞌe ŋaiꞌe, ŋaiye ŋam mende. O miyeꞌ ende, ŋaiye ka usyunde wonge salah pe, ŋam ma minime, ŋaiye ka onoꞌe pinip laip e guh pinip ŋeheh. Pe yukur ka iche wuhyau ambaꞌe. Kin ka ambaꞌe pakaiye.

Revelesen 22:13

Ŋam ilyeh miyeꞌ endehei, ŋaiye ŋam mende ŋaiꞌe ŋaiꞌe tetehei lalme, topoꞌe ŋam miyeꞌ yuwo, ŋaiye gwase ŋaiꞌe ŋaiꞌe lalme.”

Revelesen 3:14

Miꞌe pe, kin ŋana ŋam na, “Inge wusyep eꞌe elme walip hlaꞌ tikin Got, ŋaiye bepteme sios, ŋaiye sai ŋoto Laodisia. Wusyep eꞌe ŋam member malme yip pe, ki taꞌe leꞌe: Ŋam miyeꞌ mise. Pe nye nyermbe ŋam manange malaŋatme wusyep mise tikin Got. Ŋam tehei tikin ŋaiꞌe ŋaiꞌe tetehei lalme ŋaiye somohonme Got ŋende.