Hibru 9:14 - Urat New Testament

¹⁴ Kom wim tikin Krais pe, ki nengelyembe luku. Krais yukur miyeꞌ ŋaiye ŋende hwap, pakai. Kom bongol tikin Yipihinge tikin Got ŋaiye narp nye nyermbe pe, kin naŋaꞌe laip kitikin uku nalme Got taꞌe ofa. Ki ŋonombe ŋinise hwap pupwa poi ŋaiye mende luku pe, poi sisyeme nange poi marp bwore miꞌ supule mal ŋembep tikin Got. Topoꞌe poi ya mahraꞌe naŋ tikin Got ŋaiye narp laip nye nyermbe.

Hibru 9:14 ပူးပေါင်းရင်းမြစ်များ

Matyu 12:28

Leꞌe Yohe Yirise tikin Got ŋaiye pwale bongol no, ŋam gwinyenme lenge yipihinge pupwa tikin Satan. Topoꞌe ki yasamb yip nange lemame tikin Got si nate sai topoꞌme yip.

Matyu 16:16

Saimon Pita nungwisme wusyep kin na, “Nin Krais, Talah tikin Got ŋaiye narp nye nyermbe.”

Matyu 20:28

Ki ŋahilyeh taꞌe Talah tikin Miyeꞌ ŋaiye nat pe, yukur kin nat ŋaiye lenge miyeꞌ ka yende wah ŋaiye yungwisme kin, pakai. Kin nat ŋaiye ka ungwisme lenge miyeꞌ tuweinge, topoꞌe ka aŋaꞌe laip kitikin ŋaiye ka osme hwap tinge lalme.”

Matyu 7:11

Yip lenge yai yende hwap sekete, kom yip sisyeme ŋaiye yangange ŋaiꞌe ŋaiꞌe bwore bwore yalme talah yip. Yai yip ŋaiye narp nanah moihlaꞌ pe, kin nengelyembe yip pe, se ka angange ŋaiꞌe ŋaiꞌe bwore bwore el lenge lahmende ŋaiye yisilihme kin.

Wusyep bwore tikin Luk 1:74

Kin si ŋanange wusyep mise nal lenge loumwah poi nange ka ungwisme poi osme syep lenge wachaih. Taꞌe luku pe, nyermbe nyermbe ŋupe ŋaiye poi ya murp kekep eꞌe pe, poi ya murp holi bwore mise supule, topoꞌe ya murp bwore bwarme mil ŋembep kin.

Wusyep bwore tikin Luk 12:24

Ŋoihyeryembe lenge ŋinjet. Tinge yukur worsyep wah yekene topoꞌe yiche ŋai yember yokoh hau, pakai. Kom Got nangange lenge ŋai. O nal embep tikin Got pe, yip lalme yengelyembe lenge ŋinjet.

Wusyep bwore tikin Luk 12:28

Ŋaiye Got si dendeꞌme syipsyap topoꞌe yuhurnge taꞌe luku pe, ka dendeꞌme wahriꞌ yip tuꞌe la? Nato embep tikin Got pe, yip yengelyembe syipsyap ŋaiye lenge miyeꞌ tuweinge yihir wah pe, tinge yesekeh. Taꞌe luku pe, detale ti ŋoihmbwaip yip teŋeime Got sikirp manaiꞌe? Kin tatame ŋaiye se ka ungwis yip ŋaimune ŋaiye yip seheiꞌe.

Wusyep bwore tikin Luk 4:18

“Yohe Yirise tikin Lahmborenge narp topoꞌe ŋam, taꞌe luku pe, kin si nalaŋatme ŋam nange ma mininge wusyep bwore mil lenge ŋaipwa ŋiꞌ. Kin nember ŋam ŋaiye ma musme lenge miyeꞌ tuweinge ŋaiye yarp mwahupwaiꞌe no, ka yurp hlaininge, topoꞌe ma mende lenge mitiŋ ŋaiye ŋembep tinge tangar ka plihe yetekeꞌe, topoꞌe ma monombe mane ŋaiye lenge miyeꞌ yangange yalme lenge mitiŋ syeꞌ,

Wusyep bwore tikin Jon 3:34

Miyeꞌ ŋaiye Got nember nat pe, miyeꞌ uku ŋanange nalaŋatme wusyep Got. Detale, Got si nuwilꞌe Yohe Yirise nate gahanahme kin supule.

Aposel 1:2

Bongol tikin Yohe Yirise sai topoꞌe kin pe, kin ŋana lenge aposel ŋaiye kin nalaŋatme ŋaimune ŋaiye kin nasande ŋaiye ka yende. Miꞌe pe, Got nambaꞌe kin nenge nanah moihlaꞌ.

Aposel 10:38

Got ŋuruꞌe Yohe Yirise topoꞌe bongol kin gahanahme Jisas tikin Nasaret. Taꞌe luku pe, Got narp topoꞌme kin ti, kin nalꞌe nalꞌe ŋende wah bwore, topoꞌe ŋende miꞌme wahriꞌ epwa lenge miyeꞌ tuweinge ŋaiye Satan si ŋende yumbune tinge.

Aposel 14:15

“Detaꞌe lai ti yip yende taꞌe leꞌe? Poi miyeꞌ ŋahilyeh taꞌe yip! Poi mat eꞌe ŋaiye ya mini yip wusyep bwore mise nange yip pa yusme got homboꞌe ŋaiye yip yisarꞌe ŋembep yahraꞌe naŋ tinge, kut pa bunjenge ŋoihmbwaip yip yilme Got ilyeh ŋaiye narp nye nyermbe. Kin Got ŋilyeh ŋaiye ŋende moihlaꞌ topoꞌe kekep, topoꞌe ŋoloh pinip, topoꞌe ŋaiꞌe ŋaiꞌe lalme ŋaiye sai eꞌe.

Aposel 15:9

Nal ŋembep tikin Got, poi Juta topoꞌe lenge haiten ŋahilyeh. Ŋupe ŋaiye ŋoihmbwaip tinge teŋeime kin pe, kin plihe nungurhme ŋoihmbwaip tinge taꞌe ŋaiye kin si ŋende me poi.

Pol nainge tup nal lenge Rom 1:20

Ŋendeheiyeh kin ŋaiye Got ŋende ŋaiꞌe ŋaiꞌe nate gere tukwini pe, lenge miyeꞌ tuweinge lalme si yetekeꞌe ŋaiꞌe ŋaiꞌe lalme ŋaiye Got ŋende sai kekep, topoꞌe nanah ŋaitem pe, ki si sasambe ŋoihmbwaip tase bwore tikin Got, topoꞌe bongol embere tikin Got ŋaiye sai nye nyermbe. Taꞌe luku pe, yukur ka se yininge nange tinge yukur sisyeme Got, liki pakai supule.

Pol nainge tup nal lenge Rom 1:4

Ŋupe ŋaiye Got ŋahraꞌe kin tahar nasme ŋeheh pe, Yohe Yirise tikin Got pasam poi nange kin Talah bongol tikin Got ŋaiye kin Lahmborenge poi Krais Jisas.

Pol nainge tup nal lenge Rom 11:12

Ŋupe ŋaiye lenge Israel miyeꞌ tuweinge yasme yaŋah bwore tikin Got ya yoto yende hwap pe, Got nangange ŋaiꞌe ŋaiꞌe bwore bwore nal lenge miyeꞌ tuweinge lalme ŋaiye yarp kekep. Topoꞌe lenge Israel yaŋaꞌe teket yalme Got pe, Got nangange ŋaiꞌe ŋaiꞌe bwore bwore nalme lenge haiten miyeꞌ tuweinge. Taꞌe luku pe, ŋaiye lenge Israel miyeꞌ tuweinge lalme ka plihe yaŋaꞌe ŋoihmbwaip tinge yilme Got pe, kin se ka uwilꞌe ŋoih miꞌmiꞌ embere kin el lenge mitiŋ lalme.

Pol nainge tup nal lenge Rom 11:24

Yip haiten, yip sisyeme, somohon yip yarp taꞌe lou lombo tikin lou olip ŋaiye gere sai nal syipsyap tinginde. Kom Got kin ŋotombo yip pe, kin neŋelꞌe yip nal lou olip ŋaiye sai wah. Lou olip luku yukur yip iki, pakai. Taꞌe luku pe, ŋam mana yip. Got se ka plihe ambaꞌe lou lombo tikin Juta, ŋaiye lou olip lombo tikin wah uku ŋaiye somohon kin ŋotombo ŋiche nal uku plihe eŋelꞌe el luh kitikin ŋaiye somohon sai.

Pol nainge tup nal lenge Rom 6:13

Yip yukur pa yaŋaꞌe wahriꞌ orope yip syeꞌ yil ŋaiye pa yende hwap, na pakai. Kut yaŋaꞌe wahriꞌ yip supule yilme Got. Yip taꞌe lenge miyeꞌ tuweinge ŋaiye si tahar yasme yule pe, yip yambaꞌe laip bwore. Taꞌe luku pe, pa yaŋaꞌe wahriꞌ orope yip lalme luku yilme Got no, pa yende ŋaiꞌe ŋaiꞌe bwore junde ŋoihmbwaip ŋaiye bwore bwarme.

Pol nainge tup nal lenge Rom 6:22

Kom tukwini Got si nenge yip tupwaihme bongol tikin ŋoihmbwaip pupwa pe, yip yarp miyeꞌ wah kitikin. Taꞌe luku pe, pa yende ŋaiꞌe ŋaiꞌe junde ŋoihmbwaip bwore kitikin pe, yip pa yurp bwore bwarme, topoꞌe pa yambaꞌe laip bwore ŋaiye sai nye nyermbe.

1 Korin 15:45

Ki taꞌe Tup tikin Got ŋanange na, Miyeꞌ ŋendehei Adam pe, Got ŋende kin miꞌe pe, ki ŋunduhulꞌe yohe nato kin pe, ki tahar narp. Adam hoi kin pe, Jisas Krais. Ki taꞌe ŋaiye yipihinge ŋaiye nangange laip nal lenge miyeꞌ tuweinge.

2 Korin 5:21

Krais kin yukur ŋende hwap pupwa, pakai supule. Kom Got de ka ungwisme poi pe, kin nenge hwap pupwa poi lalme nate nikil nanah Krais pe, taꞌe ŋaiye kin miyeꞌ pupwa supule. Nato Krais pe, poi bwore bwarme mal ŋembep tikin Got.

2 Korin 6:16

Tatame ŋaiye na ambaꞌe yipihinge got homboꞌe enge el yukoh yirise tikin Got, lakai? Pakai lalme. Poi yukoh yirise tikin Got, taꞌe ŋaiye Got kitikin ŋanange, Ŋam ma murp motop tinge, topoꞌe ma mile mut murp bumbe me tinge. Ŋam ma Got tinge, topoꞌe tinge ka miyeꞌ tuweinge ŋam.

Galesia 2:19

O ŋupe ŋaiye ŋam mala gunde wusyep erŋeme pe, ŋam sisyeme nange ŋam yukur miyeꞌ bwore bwarme mal ŋembep tikin Got. Wusyep erŋeme luku pwambe pe, ŋam mule. Taꞌe luku pe, ŋam si mule mal loutungwarmbe topoꞌe Krais ŋaiye ma maŋaꞌe laip ŋam milme Got.

Efesus 2:5

Poi mengelyembe wusyep kin pe, hwap pupwa ŋaiye poi mende luku pe, ki si pwamb poi pe, poi mule. Kom Got nungwisme poi pe, poi marp laip topoꞌe Krais. Detale, Got kin ŋoihginirme poi.

Efesus 5:2

Yarp yip pe, ŋoihmbwaip yip ka ende niharar lenge mitiŋ tuꞌe ŋaiye Krais ŋende nihararme poi. Kin naŋaꞌe wahriꞌ kin ŋaiye nungwisme poi lalme. Wahriꞌ kin ŋaiye kin naŋaꞌe taꞌe ofa pe, kin naihe sengehrepe miꞌ supule pe, ki ŋende Got hriphrip.

1 Tesalonaika 1:9

Lenge mitiŋ nalꞌe nalꞌe yanange wusyep me yip ŋupe ŋaiye poi si mate metekeꞌe yip, topoꞌe yaŋah ŋaiye yip yasme got homboꞌe, kut yip yate yahraꞌe naŋ Got mise ŋaiye narp nye nyermbe.

1 Timoti 1:17

Poi lalme hriphrip, mirisukwarme kin, topoꞌe maŋaꞌe naŋ embere malme kin, Got esep ilyeh ŋaiye yukur tatame ya metekeꞌ kin, pakai. Kin kiŋ ŋaiye narp nyermbe nyermbe, topoꞌe ŋaiye yukur tatame ka ole. Poi mahraꞌe naŋ mirisukwarme kin nyermbe nyermbe! Mise.

1 Timoti 3:15

Kom ŋaiye ma mende gwaingwaiye pe, wusyep ŋaiye sai tup eꞌe ka ini yip gondoume yaŋah ŋaiye poi Kristen ya mende gunde tuꞌe bamtihei tikin Got ŋaiye narp nye nyermbe. Sios tikin Got kin tumwange ŋaiye nikirh wusyep mise.

Taitus 2:14

Kin nate nule berme pupwa poi nal loutungwarmbe ŋaiye ka ungwisme poi lalme. Ka ende poi miyeꞌ tuweinge ya tuhur ambaran tuꞌe kitikin no, ya hriphrip ŋaiye mende ŋaiꞌe ŋaiꞌe bwore bwore.

Hibru 1:3

Pe Talah uku ki pasam poi yirise embere tikin Got ŋaiye ki naŋarꞌe nate gahme poi. Pe ki ŋahilyeh taꞌe kitikin Got. Wusyep kin pe, ki bongol sekete, topoꞌe wusyep uku pe, ki ŋende ŋaiꞌe ŋaiꞌe lalme ki sai bongol. Kin si ŋende wah kin miꞌe ŋaiye nongohe hwap lenge miyeꞌ tuweinge ŋaiye yende pe, tinge tahar yarp bwore miꞌ supule. Krais, kin narp nanah syep non tikin Got ŋaiye narp kiŋ, miyeꞌ ondoh nanah hlaꞌ.

Hibru 10:10

Jisas Krais gande ŋoihmbwaip tikin Got pe, kin naŋaꞌe wahriꞌ kitikin taꞌe ofa ŋaiye kin nule nilyeh nal loutungwarmbe. Kin ŋende yaŋah uku pe, poi lalme marp miyeꞌ tuweinge tikin Got pe, poi marp holi, bwore mise supule.

Hibru 10:12

Kom ofa ŋilyeh Krais pe, ki nongohe hwap lalme pe, ofa luku se ka si nye nyermbe. Kin ŋende taꞌe luku miꞌe pe, kin nal narp syep non tikin Got.

Hibru 10:2

Lenge miyeꞌ tuweinge ŋaiye yirisukwarme Got pe, ofa lenge pris yukur ŋende tinge tahar bwore prihe yasme hwap pupwa ŋaiye tinge yende luku pe, yukur tinge ŋoihsipe hwap ŋaiye tinge si yende. Taꞌe luku pe, yaŋah ŋaiye yende ofa yukur ka miꞌe.

Hibru 10:22

Kin nangalai wim kin nate ŋanah ŋoihmbwaip poi pe, kin nongohe hwap pupwa poi ŋaiye mende pe, tinge pangaih poi pinip. Taꞌe luku pe, poi sisyeme nange poi marp bwore miꞌ supule mal ŋembep tikin Got. Pe ŋoihmbwaip poi ka prihe supule no, ka teŋeime Got bongol pe, ya mil sehei me kin.

Hibru 11:21

Ŋoihmbwaip Jekop teŋeime Got bongol pe, kin ŋoiheryembe ŋaiye sehei kin de ole pe, kin ŋende miꞌ me lenge talah hoi tikin Josep no, kin narpe lou tase kin pe, kin ŋirisukwarme Got.

Hibru 13:12

Taꞌe luku pe, Jisas topoꞌe nambaꞌe nihe syohe pe, kin nule nal tas lem wicherꞌ Jerusalem ŋaiye wim kin turuꞌ na gah ŋende lenge miyeꞌ tuweinge ka tuhur prihe yil ŋembep tikin Got.

Hibru 3:12

Lenge Kristen toꞌ tatai ŋam, ŋoihme ŋaiye lahende yip iki, ŋoihmbwaip kin ka pupwa supule, topoꞌe ka osme ŋoihmbwaip mise kin ŋaiye teŋeime Got no, ka el wohme Got ŋaiye narp laip nye nyermbe.

Hibru 6:1

Taꞌe luku pe, yukur ya bunje bunjenge mininge wusyep sep ilyeh ŋaiye somohon poi mambaꞌe matme wusyep tikin Krais. Ŋaiye ya mende tuꞌe luku pe, ki taꞌe ŋaiye poi plihe manange malaŋatme yip wusyep tikin Got taꞌe ŋaiye ŋendeheiyeh poi si manange. Taꞌe luku pe, yukur ya tepeli tepelihme wusyep wula wula me yaŋah ŋaiye yimbilme ŋoihmbwaip tahar Kristen, kut angange teket elme ŋaiꞌe ŋaiꞌe ŋaiye nenge yip yal wohme Got pe, ŋoihmbwaip yip ka teŋeime Got. Topoꞌe yambaꞌe sande tekeꞌe me pinip baptais, topoꞌe yaŋah ŋaiye yikil syep ya yanah lenge miyeꞌ. Topoꞌe poi yukur ya mininge wusyep wula wula me mitiŋ ŋaiye si yule. Tinge ka plihe tuhur pe, poi lalme ya gwin wusyep kot mil ŋembep Got. Pe kin ka ini poi ŋaiye ya mambaꞌe yitini bwore lakai pupwa ŋaiye ka si nye nyermbe. Wusyep lalme luku poi si sisyeme. Taꞌe luku pe, poi mambaꞌe sande tekeꞌe tikin Got ŋaiye ya tuhur bworenge.

Hibru 7:16

Wusyep erŋeme ki ŋanange taꞌe leꞌe, lenge miyeꞌ ŋaiye bamtihei Livai pe, tinge ka yende wah tuꞌe pris. Kom Jisas yukur bamtihei ilyeh lenge Livai, kut bongol tikin laip ŋaiye ka si nye nyermbe ŋende kin tahar pris.

Hibru 7:27

Kin yukur plihe taꞌe lenge pris ondoh yer no, ŋup ilyeh ilyeh ka ende ofa me hwap kitikin yer ti, ka se ende ofa me hwap lenge miyeꞌ tuweinge gunde. Kom Jisas yukur ende taꞌe luku. Detale, kin yukur miyeꞌ ŋaiye ŋende hwap. Taꞌe luku pe, kin ŋende ofa nilyehe sai ŋaiye tinge yuluwei kin yal loutungwarmbe ŋaiye nungwisme lenge mitiŋ lalme.

Hibru 9:12

Krais yukur nenge wim yowor meme topoꞌe wim yowor kau talah ŋende ofa nato yukoh sel uku, pakai. Kin ŋende ofa me wim kitikin pe, kin nato Luh ŋaiye tikin Holi Supule nato Yokoh lotu sel nilyehe sai. Pe kin nungwisme poi nye nyermbe.

Hibru 9:26

Ŋaiye ka ende ni wula wula pe, se ka ambaꞌe nihe syohe ni wula wula nal ŋendeheiyeh kin ŋaiye Got ŋende ŋaiꞌe ŋaiꞌe lalme nate gere tukwini. Kom pakai. Tukwini sehei ŋaiye ŋup yuwo pe, Krais nate gah kekep nilyehe sai ŋaiye naŋaꞌe kitikin nalme Got taꞌe ofa ŋaiye nongohe pupwa lalme.

Hibru 9:7

Kom pris ondoh ilyeh tatame ŋaiye ka el oto Luh Holi ŋaiye tikin Holi Supule nilyeh ŋaiye wahtaip ilyeh ilyeh. Kin nenge wim topoꞌe nato luh uku ŋaiye ka ende ofa me hwap kitikin, topoꞌe hwap lenge miyeꞌ tuweinge lalme, ŋaiye yukur tinge sisyeme nange tinge yende hwap.

Hibru 9:9

Wutuꞌ uku ki pasam poi nat ŋaiye tukwini ŋup eꞌe. Ki taꞌe leꞌe, ŋai topoꞌe yowor ŋaiye yende ofa yaŋaꞌe Got pe, yukur ka ende ŋoiheryembe lenge miyeꞌ tuweinge ka bwore miꞌ supule.

1 Pita 1:19

Kin nenge wim bwore tikin Jisas Krais ŋaiye kin nungwisme yip. Wim tikin Jisas, Worsip Talah tikin Got pe, wim uku yukur ŋainde pupwa sai nato.

1 Pita 2:22

Kin yukur ŋende pupwa ŋainde, lakai ŋanange wusyep molohe, pakai yohoꞌ supule.

1 Pita 2:24

Jisas Krais nule berme pupwa poi lalme nanah loutungwarmbe. Kin ŋende taꞌe luku no, poi ya murp wohme pupwa pe, ya murp bwore bwarme tuꞌe ŋaiye Got ŋasande. Nihe syohe ŋaiye kin nambaꞌe luku pe, Jisas nungwisme poi pe, poi si tahar ŋambaran.

1 Pita 3:18

Krais kin nule nilyehe sai me pupwa poi. Tinge yonombe no, kin nule pe, Yipihinge tikin Got plihe nahraꞌe kin narp laip. Kin miyeꞌ bwore bwarme supule, kom kin nule nanah loutungwarmbe me poi mitiŋ lalme ŋaiye mende pupwa no, ka enge poi otme Got.

1 Pita 4:2

Taꞌe luku pe, tukwini dindiꞌ leꞌe ŋaiye yip yarp kekep eꞌe pe, yukur pa junde ŋoihmbwaip miyeꞌ tikin kekep eꞌe, na pakai. Pa junde ŋoihmbwaip bwore tikin Got ŋilyehe si.

1 Jon 1:7

Kom ŋaiye ya murp mi moto yirise tuꞌe ŋaiye kin si narp yirise pe, poi menge ŋoihmbwaip poi lalme mate gwah ilyeh topoꞌme lenge Kristen miyeꞌ tuweinge. Pe wim tikin Jisas, talah tikin Got si nungurhme pupwa poi lalme.

1 Jon 3:5

Yip lalme si sisyeme nange pupwa ende yukur sai nato Krais, pakai supule. Kom kin nate gah kekep eꞌe ŋaiye ka ongohe pupwa lenge miyeꞌ tuweinge lalme.

Revelesen 1:5

Jisas Krais, kin miyeꞌ mise, ŋaiye ŋanange ŋoiheryembe tikin Got nal halhale, topoꞌe kin miyeꞌ endehei, ŋaiye tahar nasme nule, topoꞌe kin miyeꞌ ondoh embere me lenge miyeꞌ ondoh embere lalme tikin kekep eꞌe. Jisas Krais ŋende nihararme poi miyeꞌ tuweinge kin ti, kin nule nal loutungwarmbe pe, wim kin turuꞌ, ŋaiye ka ongohe pupwa poi.