Hibru 5:11 - Urat New Testament

¹¹ Wusyep wula wula sekete ŋaiye ma mini yip, kom ki nihe supule ŋaiye ma mininge moworꞌe wusyep tehei kin milme yip. Detale, yip yenge mungwim pakaiye yisande wusyep, o ŋoihmbwaip yip yukur pa sisyeme wusyep.

Hibru 5:11 ပူးပေါင်းရင်းမြစ်များ

Matyu 13:15

Ŋoihmbwaip lenge miyeꞌ tuweinge luku si susukut miꞌe, topoꞌe mungwim tinge garnge ŋaiye ka yisyunde, topoꞌe tinge si yupwaiꞌe ŋembep tinge ŋaiye yukur ka yetekeꞌe, topoꞌe mungwim tinge yukur ka yisyunde, topoꞌe ŋoihmbwaip tinge yukur ka owor tirtatar. Yukur ka yimbilme ŋoihmbwaip yutme ŋam ŋaiye ma mende miꞌme tinge, pakai.

Wusyep bwore tikin Mak 8:21

Pe kin ŋana lenge na, “Taꞌe yip teter jinjame lakai?”

Wusyep bwore tikin Luk 24:25

Pe Jisas ŋana lenge na, “Ŋoihmbwaip yip tutuhe, topoꞌe ŋoiheryembe yip seheiꞌe pe, kin gwaingwaiye ŋaiye pa yenerme wusyep ŋaiye somohonme lenge profet yainge sai tup.

Wusyep bwore tikin Jon 16:12

Wusyep ŋam wula ŋaiye ŋam mala mini yip. Kom se ka wula sekete ŋaiye pa yisyunde.

Wusyep bwore tikin Jon 6:6

Jisas ŋanange wusyep eꞌe ŋaiye kin da ondolꞌme Filip. Kut kin si sisyeme ŋaimune ŋaiye kin da ende.

Aposel 28:27

Tehei kin taꞌe leꞌe, ŋoihmbwaip tinge si tingis pe, mungwim tinge si kwot, topoꞌe ŋembep tinge si tangar. Ŋoihmbwaip tinge yukur ka sisyeme, topoꞌe yukur ka bunjenge no, ka yimbilme yutme ŋam ŋaiye ma mende miꞌme tinge, pakai.

Hibru 5:10

Taꞌe luku pe, Got nalaŋatme kin ŋaiye ka orp pris ondoh ŋahilyeh tuꞌe Melkisedek.

Hibru 5:12

Yip yarp ya yoto Kristen laip somohonme yenge yat pe, yip tatame ŋaiye pa yalaŋatme wusyep Got bworerme yil lenge mitiŋ syeꞌ, kom pakai. Yip teter seheiꞌe ŋoihmbwaip bwore pe, lenge miyeꞌ syeꞌ ka plihe yute yalaŋatme yip wusyep tikin Got tuꞌe ŋaiye ŋendeheiyeh. Taꞌe luku pe, yip yukur yende miꞌmiꞌ ŋaiye pa yono ŋai bongol, pakai. Yip teter yonoꞌe ŋimbirip mwaꞌ.

2 Pita 3:16

Leꞌe wusyep kin ŋaiye kin nainge sai tup kin lalme. Wusyep kin syeꞌ ki pyenge pe, lenge mitiŋ syeꞌ ŋaiye bermbur tinge yukur sisyeme pe, tinge yuhyulme wusyep tehei kin yenge yal mwan. Ki ŋahilyeh taꞌe ŋaiye tinge yuhyulme wusyep syeꞌ ŋaiye sai nato Tup tikin Got. Taꞌe luku pe, tinge yende yumbune tititinge.