Hibru 10:38 - Urat New Testament

³⁸ Miyeꞌ bwore bwarme ŋam ŋaiye ŋoihmbwaip kin ka teŋei bongol me Got pe, ka orp laip. Kom ŋaiye lahende ka plihe bunjenge ŋoihmbwaip pe, ŋam yukur ma se hriphrip me kin.

Hibru 10:38 ပူးပေါင်းရင်းမြစ်များ

Matyu 12:18

Leꞌe miyeꞌ wah ŋam ŋaiye ŋam si malaŋatme. Ŋam mende nihararme kin pe, ŋoihmbwaip ŋam hriphrip me kin supule. Ŋam ma member Yohe Yirise ŋam ka ote guhunuhme kin. Pe kin ka ininge alaŋatme wusyep me yaŋah ŋaiye Got ka iyarꞌe lenge miyeꞌ tuweinge lalme ŋaiye yarp kekep pe, luku ki bwore bwarme.

Matyu 13:21

Kom wusyep uku yukur kin nangah tahaiꞌ ŋoihmbwaip bumbe kin, topoꞌe yukur ki tahaiꞌ gwaingwai. Ŋoihmbwaip kin yukur teŋeime Got bongol pe, lenge wachaih titinge Kristen yaŋaꞌe nihe syohe pe, ka ende yumbune kin. Taꞌe luku pe, nilyehe sai kin tambe.

Pol nainge tup nal lenge Rom 1:17

Wusyep bwore mise luku ki ŋanange nate tas halhale me yaŋah ŋaiye Got ka ember lenge miyeꞌ tuweinge ka yurp bwore bwarme yil ŋembep kin. Ŋoihmbwaip poi lenge miyeꞌ tuweinge lalme ka teŋeime Krais bongol pe, Got ka gilme poi nange poi si bwore bwarme mal ŋembep kin. Ki ŋahilyeh taꞌe wusyep Got ŋaiye ŋanange na, Lenge miyeꞌ tuweinge ŋaiye ŋoihmbwaip tinge teŋeime Got bongol pe, Got ka gil lenge nange tinge bwore bwarme pe, ka yurp laip.

Galesia 3:11

Yukur miyeꞌ ende ka se ininge na, “Ŋam si bwore bwarme mal ŋembep tikin Got. Detale, ŋam si gwande wusyep erŋeme lalme.” Miyeꞌ ŋaiye ŋasande wusyep Got no, ŋoihmbwaip kin teŋeime pe, kin si bwore bwarme nal ŋembep tikin Got pe, ka orp bwore nye nyermbe.

1 Tesalonaika 2:15

Lenge Juta, tinge yonombe Lahmborenge Jisas Krais, topoꞌ lenge profet, topoꞌe tinge yende wachaihme poi. Tinge yaŋaꞌe ŋoihmbwaip syohe yalme Got, topoꞌe tinge yende wachaihme mitiŋ lalme.

Hibru 10:39

Poi yukur lenge miyeꞌ tuweinge ŋaiye ya se bunjenge ŋoihmbwaip poi no, ya talai, pakai. Poi miyeꞌ tuweinge ŋaiye ŋoihmbwaip poi teŋeime Got bongol pe, ya mambaꞌe laip bwore.

Jems 5:6

Yip si yineiꞌ lenge miyeꞌ ŋaiye bwore bwarme, topoꞌe yip yongomb lenge pe, tinge yule. Pe tinge yukur tatame ka yengelyembe bongol yip, topoꞌe ka yungwisme louser yip, pakai.

1 Jon 2:19

Lenge mitiŋ uku somohonme tinge yarp ya yoto sios, kom ŋoihmbwaip tinge yukur teŋeime Jisas Krais ŋahilyeh taꞌe poi, pakai. Somohonme tinge ka yurp topoꞌe poi, kom tinge yasme poi pe, luku ki sasambe nange tinge yukur ŋahilyeh taꞌe poi, pakai.