Hibru 10:30 - Urat New Testament

³⁰ Poi sisyeme ŋaiye Got ŋanange taꞌe leꞌe, Tuwaꞌe hwap pe, luku wah ŋam. Hwap ŋaiye tinge yende, ma mende tuwaꞌe milme tinge pe, ma mende yumbune tinge. Topoꞌe kin plihe ŋanange na, Lahmborenge ka iyarꞌe ŋaimune ŋaiye tinge yende el kot.

Hibru 10:30 ပူးပေါင်းရင်းမြစ်များ

Pol nainge tup nal lenge Rom 12:19

Hei, lenge ŋimei bwore ŋam! Yip yukur pa plihe tungwisme wachaih yilme lahmende ŋaiye yende wachaih yalme yip, na pakai. Pa yusme Got ka ungwisme wachaih uku elme tinge. Wusyep tikin Got ŋaiye sai nato tup ŋanange taꞌe leꞌe, Ŋaiye pa plihe tungwisme wachaih yilme lahmende luku ŋaiye yende wachaih yatme yip pe, luku wah ŋam tanam. Ŋam ma plihe mende wachaih uku milme tinge tuwaꞌe pe, ma mende yumbune tinge. Leꞌe wusyep ŋaiye Lahmborenge ŋanange sai nato tup kin.

Pol nainge tup nal lenge Rom 13:4

Got nember gavman nat ŋaiye ka ungwisme yip pe, yip pa hiꞌjirnge ŋaiye pa yende hwap. Detale, gavman yukur nenge ŋim ŋombor pakaiye. Got nember gavman ŋaiye ka angange nihe syohe el lenge lahmende miyeꞌ tuweinge ŋaiye yende bwiliꞌe bwulaꞌe topoꞌe yende hwap.

2 Korin 5:10

Taꞌe luku pe, poi lalme ya gwin ŋembep Krais ŋaiye ka iyarꞌe poi lalme. Miꞌe pe, poi lalme ya mambaꞌe yitini gunde ŋaimune bwore lakai pupwa ŋaiye poi si mende, ŋupe ŋaiye poi marp topoꞌe wahriꞌ tikin kekep eꞌe.