Filipai 4:9 - Urat New Testament

⁹ Taꞌe luku pe, yende junde ŋaimune ŋaiye ŋam si mana yip, topoꞌe ŋam si yal yip. Pa yende junde wusyep ŋaiye ŋam si mana yip, topoꞌe yende junde ŋaimune ŋaiye yip si yetekeꞌe ŋam mende. Taꞌe luku pe, Got tikin ŋoihmbwaip ŋumwaiye ka orp topoꞌme yip.

Filipai 4:9 ပူးပေါင်းရင်းမြစ်များ

Matyu 1:23

Tesimbihyeꞌ ende ta talahe pe, ta waraꞌe lahmiyeꞌ ende. Talah uku ka jilme naŋ kin Emanuel. Tehei ŋaiye naŋ uku pe, ki taꞌe leꞌe, Got kin narp topoꞌe poi.

Matyu 28:20

Pe pa yininge yasamb lenge wusyep lalme ŋaiye ŋam si mana yip pe, ka junde wusyep ŋam. O yip pa sisyeme nange ŋam ma murp motop yip nye nyermbe mil tutume ŋaiye ŋup eꞌe ka miꞌe.”

Matyu 7:21

“Yukur lenge miyeꞌ tuweinge lalme ŋaiye tinge jal ŋam, ‘Lahmborenge, Lahmborenge’ pe, ka yil yoto lemame tikin moihlaꞌ, pakai. Kom lahmende ilyeh ŋaiye ŋende ŋaiꞌe ŋaiꞌe gande ŋasande tikin Yai ŋam ŋaiye narp nanah moihlaꞌ pe, kin ilyeh ka el oto lemame luku.

Wusyep bwore tikin Luk 6:46

“Detaꞌe lai ti yip jalme ŋam Lahmborenge yip, kom yukur yip jande wusyep ŋam?

Wusyep bwore tikin Luk 8:21

Kom Jisas ŋana lenge mitiŋ lalme na, “Yip lahmende ŋaiye si yasande wusyep tikin Got no, yip yende jande pe, yip mam topoꞌe toꞌ yuwon ŋam.”

Wusyep bwore tikin Jon 13:17

Tukwini yip si sisyeme wusyep tehei ŋaiye wusyep ŋam pe, ŋaiye pa junde bworerme pe, pa hriphrip!

Wusyep bwore tikin Jon 15:14

Taꞌe luku pe, ŋaiye pa yende ŋaiꞌe ŋaiꞌe junde wusyep ŋaiye ŋam mana yip pe, yip ŋimei ŋam.

Wusyep bwore tikin Jon 2:5

Taꞌe luku pe, mam Jisas wana lenge miyeꞌ wah na, “Yende ŋaimune junde ŋaiye kin ŋana yip.”

Aposel 9:6

Kom tuhur e oto moi embere Damaskus pe, miyeꞌ ende ka ini nin ŋaimune ŋaiye na ende.”

Pol nainge tup nal lenge Rom 15:33

Got kin miyeꞌ ŋaiye pwal poi ŋoihmbwaip ŋumwaiye pe, kin ka orp topoꞌme yip lalme. Bwore mise.

Pol nainge tup nal lenge Rom 16:20

Topoꞌe sehei woh, Got poi ŋaiye pwal poi ŋoihmbwaip ŋumwaiye topoꞌe ŋaiꞌe ŋaiꞌe bwore bwore pe, ka ende yumbune bongol tikin Satan pe, ka orp tuwihme yip. Ŋoih miꞌmiꞌ tikin Lahmborenge Jisas Krais ka si topoꞌme yip.

1 Korin 10:31

Taꞌe luku pe, ŋai ŋaiye na ono, lakai pinip ŋaiye na onoꞌe, lakai ŋaiꞌe ŋaiꞌe ŋaiye na ende pe, ende ŋaiye na ahraꞌe naŋ tikin Got.

1 Korin 14:33

Detale, Got kin ŋende ŋaiꞌe ŋaiꞌe bwore bwarme lalme pe, kin garnge ŋaiye lenge miyeꞌ tuweinge yukur ka yeseperhme ŋaiye miyeꞌ ende ka ininge wusyep kin ka miꞌe. Kin ŋasande lenge miyeꞌ tuweinge kitikin ka yurp ŋoihmbwaip ŋumwaiye, topoꞌe ŋoihmbwaip ilyeh tuꞌe luku yi yoto sios lalme.

1 Korin 4:16

Taꞌe luku pe, ŋam misilih yip ŋaiye pa junde ŋihip wutuꞌ ŋam.

2 Korin 13:11

Lenge toꞌ tatai, leꞌe ŋam manange wusyep yuwo ŋam pe, yusyunde wusyep ŋam bworerme pe, pa yende junde wusyep ŋaiye ŋam si mana yip no, pa yurp ŋoihmbwaip ilyeh. Pe Got ka ende nihararme yip no, pa yurp topoꞌe ŋoihmbwaip ŋumwaiye no, ka orp topoꞌme yip.

Filipai 3:17

Lenge toꞌ tatai ŋam, yip pa lalme junde wutuꞌ ŋam. Topoꞌe yip pa junde ŋoihmbwaip bwore lenge miyeꞌ tuweinge ŋaiye jande ŋoihmbwaip poi.

Filipai 4:7

Ŋaiye pa yende tuꞌe luku pe, Got ka ende ŋoihmbwaip yip ka si ŋumwaiye pe, ŋoihmbwaip ŋumwaiye kin nengelyembe ŋoiheryembe yip. Ŋoihmbwaip ŋumwaiye kin ka bepeteme ŋoihmbwaip yip, topoꞌe ŋoiheryembe yip, ŋupe ŋaiye pa tongorꞌ yil Krais Jisas.

1 Tesalonaika 1:6

Yip si yambaꞌe wusyep tikin Got pe, yip jande. Pe lenge miyeꞌ yende yumbune yip pe, yip yambaꞌe nihe syohe embere embere. Kom yip jande ŋihip wutuꞌ poi topoꞌe ŋihip wutuꞌ Lahmborenge Jisas. Pe Yohe Yirise ŋahraꞌe ŋoihmbwaip ŋaiye yukur yip ŋoih mane, kom yip hriphrip.

1 Tesalonaika 2:14

Lenge toꞌ tatai poi, pa ŋoiheryembe lenge Kristen miyeꞌ tuweinge Judia ŋaiye ŋoihmbwaip tinge teŋeime Krais Jisas. Somohon lenge miyeꞌ syeꞌ Judia yende wachaihme tinge. Ki ŋahilyeh taꞌe lenge Tesalonaika syeꞌ ŋaiye yende yumbune yip.

1 Tesalonaika 5:23

Got, kin tehei ŋaiye yip yarp ŋoihmbwaip ŋumwaiye, topoꞌe kin nongohe hwap yip pe, kin ŋende yip tahar bwore prihe. Pe Got nalaŋatme yip kitikin. Bwore mise, kin bepeteme yipihinge, topoꞌe wahriꞌ yip, ŋaiye pa yurp bwore bwarme supule yil ŋembep kin ŋupe ŋaiye Lahmborenge Jisas Krais ka ot.

2 Tesalonaika 3:4

O nato naŋ tikin Lahmborenge pe, poi sisyeme nange yip pa junde wusyep mise ŋaiye poi malaŋatme ŋahilyeh taꞌe somohon ŋaiye yip yende.

2 Timoti 4:22

Lahmborenge ka ende bongolme yipihinge bwore nin, topoꞌe ŋoih miꞌmiꞌ tikin Got ka si topoꞌe yip lalme.

Jems 1:22

Pa ŋoiheryembe wusyep eꞌe bworere no, pa junde. Yukur pa yusyunde ŋilyehme. Ŋaiye yukur pa junde wusyep pe, yip homboꞌe yehme yip tip.

2 Pita 1:10

Taꞌe luku pe, lenge toꞌ tatai ŋam, yende wah nihe ŋaiye ka asambe nange Got si nalaŋatme yip. Pa yende tuꞌe luku, nange yukur pa tumbe no, pa talai, pakai.

1 Jon 3:22

Ŋupe ŋaiye poi misilihme kin ŋainde pe, kin pwal poi. Detale, poi mende ŋaiꞌe ŋaiꞌe gwande wusyep erŋeme kin pe, ŋende kin hriphrip.