Filipai 3:12 - Urat New Testament

¹² Ŋam yukur ŋoiheryembe nange ŋam si bwore taꞌe Krais no, ŋam miyeꞌ bwore bwarme, pakai. Nye nyermbe ŋam mende wah nihe ŋaiye ma gunde nasande tikin Krais. Tehei kin taꞌe leꞌe, Krais Jisas kin nalaŋatme ŋam ŋaiye ŋam kitikin.

Filipai 3:12 ပူးပေါင်းရင်းမြစ်များ

Matyu 5:48

Yip pa yurp bwore bwarme miꞌ supule tuꞌe Yai yip ŋaiye narp bwore bwarme miꞌ supule nanah moihlaꞌ.”

Aposel 9:15

Lahmborenge ŋaname Ananaias na, “Ni el! Ŋam si malaŋatme kin ŋaiye ka ende wah me ŋam, topoꞌe ka ininge naŋ ŋam alaŋatme el lenge haiten, topoꞌe lenge miyeꞌ ondoh tinge, topoꞌe lenge miyeꞌ tuweinge Israel.

Pol nainge tup nal lenge Rom 8:39

Ŋaimune ŋaiye sai nanah hlaꞌ, lakai ŋaimune ŋaiye na gah kekep mondom, lakai ŋaiꞌe ŋaiꞌe syeꞌ ŋaiye sai nalꞌe nalꞌe kekep lalme. Ŋaiꞌe ŋaiꞌe lalme luku yukur ka se upwaiꞌe ŋasande tikin Got, pakai. Jisas Krais pasam poi ŋoihmbwaip ŋembere tikin Got ŋaiye ŋende nihararme poi.

1 Korin 13:10

Mindemboi ŋai bwore mise luku ka tus pe, ŋup uku ŋaiꞌe ŋaiꞌe sikirp sikirp ŋaiye poi sisyeme pe, ka miꞌe.

1 Korin 13:12

Ki taꞌe ŋaiye tukwini poi metekeꞌe yipihinge tikin Got mal pinip yipihinge ŋaiye ki kurmbe. Kom mindemboi ya metekeꞌe bepmohro tikin Got bwore mise. Tukwini poi sisyeme ŋaiꞌe ŋaiꞌe sikirp sikirp tikin Got, kom mindemboi ya sisyeme kin bworerme tuꞌe ŋaiye kin sisyeme poi bworerme.

1 Korin 9:24

Yip sisyeme miyeꞌ lalme tinge jertetenge susungurh, kom miyeꞌ sep ilyeh ŋaiye nal yer pe, kin ka ambaꞌe yitini. Taꞌe luku pe, pa jertetenge bongole no, pa yambaꞌe yitini.

2 Korin 13:9

Poi hriphrip ŋaiye ŋup syeꞌ poi aposel bongol pakai, kut poi masande yip pa yurp bongol yi yoto Krais. Topoꞌe poi misilihme Got ŋaiye pa yurp bwore bwarme.

2 Korin 7:1

Lenge toꞌ tatai ŋam, poi si lalme mambaꞌe wusyep tupwaiꞌ tikin Got. Taꞌe luku pe, poi ya gwinyenme hwap pupwa lalme ŋaiye ŋende yumbune wahriꞌ topoꞌe yipihinge poi pe, poi ya tuhur prihe supule mil ŋembep tikin Got. Pe poi ya hiꞌ gwirnge pe, ya murp tuwihme Got pe, ya maŋaꞌe poi supule mil me Got pe, poi ya gunde yaŋah bwore bwarme nye nyermbe.

Galesia 5:17

Poi sisyeme ŋaiꞌe ŋaiꞌe ŋaiye ŋoihmbwaip yerkeime da ende yumbune Yohe Yirise. Topoꞌe Yohe Yirise da ende yumbune ŋoihmbwaip yerkeime. Tinge hindi yende wachaih yale yat tititinge pe, ŋaiꞌe ŋaiꞌe ŋaiye poi da mende pe, yukur tatame ya mende.

Efesus 1:4

Teter ŋaiye Got yukur ŋende kekep pe, kin si nalaŋatme poi ŋaiye ya murp moto Krais. Taꞌe luku pe, nato Krais ya murp yirise supule topoꞌe ya murp holi bwore mise supule mil ŋembep kin.

Efesus 4:12

Krais ŋende ŋai uku ŋaiye ka ungwisme lenge miyeꞌ tuweinge tikin Got ŋaiye ka yende wah kin bworerme. Pe ka ende bongolme sios ŋaiye wahriꞌ tikin Krais miꞌe pe, ka eŋelꞌe enge el.

Filipai 1:1

Ŋam Pol topoꞌe Timoti, poi hindi miyeꞌ wah tikin Jisas Krais. Poi member tup eꞌe malme yip lenge miyeꞌ tuweinge tikin Got ŋaiye yarp yoto Filipai, topoꞌe lenge miyeꞌ embep, topoꞌe lenge miyeꞌ wah tikin sios.

Filipai 3:16

Kom poi ya murp mende ŋaiꞌe ŋaiꞌe bwore bwore ŋaiye somohon poi mende pe, ya murpe gare ŋaiye ya mende menge mil mil.

Filipai 3:3

Yaŋah ŋaiye yotombo wahriꞌ pe, yukur ka ende poi ya tuhur tuꞌe talah tikin Got, pakai. Yohe Yirise tikin Got ŋende poi mahraꞌe naŋ tikin Got, topoꞌe poi hriphrip ŋaiye Krais Jisas kin ŋende poi tahar talah tikin Got. Taꞌe luku pe, yaŋah ŋaiye yotombo wahriꞌ si miꞌe ko. Prepwan ŋaiye ya maŋaꞌe ŋoihmbwaip poi mil me ŋaiꞌe ŋaiꞌe tetehei tikin wahriꞌ wicherꞌ.

Filipai 3:8

Ŋam ma tongorꞌ mal Krais pe, ŋam masme ŋaiꞌe ŋaiꞌe lalme tikin kekep eꞌe. Ŋam ŋoiheryembe ki pupwa yehe supule. Detale, ŋam mala tongorꞌ mil Krais pe, ma murp tuwihme kin.

1 Tesalonaika 5:15

Taꞌe luku pe, pa sisyeme tuꞌe leꞌe, ŋaiye miyeꞌ ende ka ende hwap me yip pe, yukur pa tungwisme hwap kin, na pakai. Kut ŋoihmbwaip bumbe yip ka si el ŋaiye pa yende ŋoihmbwaip bwore yile yut yip tip lenge Kristen miyeꞌ tuweinge, topoꞌe lenge miyeꞌ tuweinge lalme.

2 Tesalonaika 2:13

Lenge toꞌ tatai poi, nye nyermbe poi manange wusyep hriphrip me Got ŋaiye ka ambaꞌ yip topoꞌe ka ende nihararme yip. Detale, Got si nalaŋatme yip taꞌe talah ondohe kin no, ka ambaꞌe yip yer. Pe bongol tikin Yohe Yirise si ŋende ŋoihmbwaip yip teŋeime wusyep mise luku pe, yip si yarp taꞌe lenge miyeꞌ tuweinge tikin Got ŋaiye bwore bwarme supule.

1 Timoti 5:10

Ka yende ŋaiꞌe ŋaiꞌe tetehei ka bwore lalme. Tinge ka tuweinge ŋaiye bepyeteme lenge talah tinge bworerme, topoꞌe ka yambaꞌe lenge mitiŋ supule yenge yut yokoh yangang lenge ŋai. Tinge tuweinge ŋaiye ka tule tititinge ŋaiye yungwis lenge miyeꞌ tuweinge tikin Got, topoꞌe yungwisme lahmende ŋaiye yambaꞌe hwap, topoꞌe yende ŋaiꞌe ŋaiꞌe tetehei ŋaiye bwore.

1 Timoti 6:19

Ŋaiye ka yende tuꞌe luku pe, liki taꞌe ŋaiye tinge birme ŋaiꞌe ŋaiꞌe bwore bwore ŋaiye ka inir bwore bongol el tutume mindemboi. Ŋaiye ka yende tuꞌe luku no, tinge ka yurp bwore nye nyermbe.

Hibru 12:14

Pa yende wah nihe ŋaiye pa yurp ŋumwaiye yotop lenge mitiŋ. Pa yaŋaꞌe ŋoihmbwaip yip yilme Got pe, pa yurp holi bwore mise supule. Ŋaiye pakai pe, yukur pa yetekeꞌe Lahmborenge.

Hibru 12:23

Yip lalme yate jahilyeh taꞌe talah ondohe tikin Got pe, yip pa hriphrip. Lenge mitiŋ uku pe, Got si nainge naŋ gah tup nanah moihlaꞌ. Yip yate jan ŋembep Got ŋaiye ka iyarꞌe lenge miyeꞌ tuweinge lalme. Yip yate jahilyeh lenge miyeꞌ tuweinge bwore bwarme ŋaiye somohon Got ŋende lenge tahar bwore miꞌ supule.

Hibru 13:21

Ŋam ma misilihme Got ŋaiye ka yul yip ŋaiꞌe ŋaiꞌe bwore bwore no, pa junde ŋasande kin. Got hindi Jisas Krais, tinge yember ŋoihmbwaip bwore bwore tinge yoto ŋoihmbwaip meleꞌe poi ŋaiye ka hriphrip me poi. Pe nye nyermbe ya lalme maŋaꞌe naŋ embere milme kin. Bwore mise.

Jems 3:2

Poi Kristen lalme ŋup syeꞌ poi mende pupwa. O ŋaiye miyeꞌ ende, kin yukur ŋanange wusyep pupwa, pakai, kin narp bwore pe, kin tatame ŋaiye ka embepteme wahriꞌ lalme kitikin.

1 Pita 5:10

Kom pa yambaꞌe nihe syohe nilyehe miꞌe pe, Got miyeꞌ michukor ka gil yip ŋaiye pa yotop Jisas Krais yurp yi yoto bongol kitikin Got ŋaiye ka si nyermbe nyermbe. Kin ka ende ŋoihmbwaip yip ŋaiye teŋeime kin ka si bongol supule.

2 Pita 3:18

Kom ŋam masande ŋaiye sande tekeꞌe, topoꞌe ŋoihmbwaip michukor tikin Jisas Krais, Miyeꞌ nungwisme poi ŋaiye sai me yip ka tuhur bongol enge el el. Pa yahraꞌe naŋ embere kin nye nyermbe. Bwore Mise.