Aposel 8:21 - Urat New Testament

²¹ Yukur tatame na ende wah Lahmborenge ŋaiye poi mende, pakai. Detale, ŋoihmbwaip nin yukur sai bwore bwarme me Got.

Aposel 8:21 ပူးပေါင်းရင်းမြစ်များ

Wusyep bwore tikin Luk 1:6

Pe nyermbe nyermbe tinge hindi yarp bwore bwarme ŋembep tikin Got, topoꞌe tinge hindi jande wusyep erŋeme lalme tikin Got Lahmborenge.

Wusyep bwore tikin Jon 21:17

Nihun kin Jisas ŋaname na, “Saimon, talah tikin Jon, nin ŋende nihararme ŋam?” Pita sikirp ŋoih mane ŋaiye Jisas ŋisilihme kin ni hun ŋaiye kin ŋende nihararme kin. Taꞌe luku pe, Pita ŋaname kin na, “Lahmborenge, nin sisyeme ŋaiꞌe ŋaiꞌe lalme. Nin sisyeme nange ŋam mende nihararme nin!” Jisas ŋaname Pita na, “Embepteme lenge worsip ŋam bworerme.

Efesus 5:5

Yip pa sisyeme tuꞌe leꞌe, lenge miyeꞌ tuweinge ŋaiye yende niŋ pinip yar pe, tinge taꞌe ŋumbwat miyeꞌ ŋaiye gande ŋumbwat tuwei. Lenge mitiŋ ŋaiye yetekeꞌe ŋaiꞌe ŋaiꞌe no, tinge wim lal pe, ki ŋahilyeh taꞌe ŋaiye yirisukwarme got homboꞌe pe, lenge miyeꞌ tuweinge lalme luku yukur ka yute yoto lemame tikin Krais hindi Got.

Hibru 4:13

Ŋaiꞌe ŋaiꞌe lalme ŋaiye Got ŋende pe, yukur ka si tise el ŋembep tikin Got, pakai supule. Ŋaiye ŋembep tikin Got pe, ŋaiꞌe ŋaiꞌe lalme ki sai halhale. Taꞌe luku pe, ya mininge moworꞌe member mil halhale ŋaimune ŋaiye poi mende ŋupe ŋaiye poi marp kekep.

Revelesen 2:23

ma mongombe lenge miyeꞌ tuweinge lalme, ŋaiye jande wusyep ti, ka yule. Taꞌe luku pe, lenge miyeꞌ tuweinge lalme ka sisyeme nange ŋam miyeꞌ ŋaiye sisyeme ŋoihmbwaip tase, topoꞌe ŋoiheryembe tinge. Ŋam ma mangange yitini milme yip lenge miyeꞌ tuweinge ilyeh ilyeh tungun me wah mune, ŋaiye yip si yende.

Revelesen 20:6

Lenge mitiŋ uku, ŋaiye Got si ŋahraꞌe lenge ŋendeheiyeh pe, tinge ka hriphrip supule. Taꞌe na, tinge tikin Got supule. Tinge yukur ka plihe yule ni hoi, pakai. Kut ka yurp tuꞌe pris tikin Got hindi Krais. Pe tinge ka yotop kin yurp kiŋ yi tutume wahtaip 1,000.

Revelesen 22:19

Topoꞌe ŋaiye miyeꞌ ende ka isilꞌe wusyep profet syeꞌ upwaihme wusyep, ŋaiye sai tup eꞌe pe, Got se ka ginyenme kin pe, kin yukur tatame ka orp oto moi ambaran tikin Got uku no, ka ono lousep tikin lou, ŋaiye naŋaꞌe laip lenge miyeꞌ tuweinge. Kin yukur ka ambaꞌe ŋaiꞌe ŋaiꞌe bwore luku, ŋaiye tinge yainge yato tup eꞌe.