Aposel 7:49 - Urat New Testament

⁴⁹ Moihlaꞌ taꞌe ŋaiye luh yilihe ŋam ŋaiye ŋam marp bepmeteme ŋaiꞌe ŋaiꞌe lalme, kut kekep lope, ki taꞌe luh malaih ŋaiye ŋam mikil ŋihip ŋam manah. Taꞌe luku pe, yukur miyeꞌ ende tatame ŋaiye ka ende yokoh me ŋam, topoꞌe ka ende luh ŋaiye ma murp mambaꞌe yohe, pakai!

Aposel 7:49 ပူးပေါင်းရင်းမြစ်များ

Matyu 23:22

Topoꞌe ŋupe ŋaiye miyeꞌ ŋanange wusyep gal naŋ moihlaꞌ nange mise supule pe, luku kin ŋende bongolme wusyep kin uku ŋaiye luh yilihe tikin Got, topoꞌe kitikin Got narp nanah luh uku bepteme ŋaiꞌe ŋaiꞌe lalme.

Matyu 24:2

Jisas nungwisme wusyep tinge na, “Yip si bep yal yetekeꞌe yokoh bwore lalme luku? Ŋam mana yip bwore mise! Yukur minde ka yusme ŋeser ende ka tikir unuh hlaꞌ me ŋeser ende, pakai. Se ka yisilꞌe ŋeser lalme luku pe, ka sisil ilyeh ilyeh ote guh kekep.”

Wusyep bwore tikin Jon 4:21

Jisas ŋaname ti na, “Tuwei, ŋoihmbwaip nin ka teŋeime wusyep ŋam. Ŋup ende ka ot ŋaiye lenge miyeꞌ tuweinge yukur ka yirisukwarme Yai yurp hwate leꞌe, lakai yurp Jerusalem.

Revelesen 3:21

Lahmende ŋaiye kin yohe wondoh pe, se ma minime kin, ŋaiye ka orp topoꞌe ŋam unuh luh yilihe ŋam uku. Ki ŋahilyeh taꞌe ŋaiye somohon ŋam si yohe wondoh no, ŋam marp topoꞌe Yai ŋam ma manah luh yilihe kin.