Aposel 6:12 - Urat New Testament

¹² Taꞌe luku pe, lenge miyeꞌ uku yanange wusyep yal lenge bwore bworenge tititinge Israel, topoꞌe lenge jetmam tikin wusyep erŋeme, topoꞌe lenge miyeꞌ tuweinge ŋaiye ka ende ŋoihmbwaip tinge ka nihe supule. Pe tinge syep yarpe Stiven yenge kin yal lenge sisinge woroh.

Aposel 6:12 ပူးပေါင်းရင်းမြစ်များ

Matyu 26:57

Lenge miyeꞌ ŋaiye syep yarpe Jisas pe, tinge yenge kin yal yokoh tikin pris ondoh Kaiafas, luh ŋaiye lenge jetmam tikin wusyep erŋeme topoꞌe lenge bwore bworenge ŋaiye si jahilyeh yarp.

Matyu 5:22

Kom tukwini ŋam mana yip na, lahmende ŋaiye ka ŋoihmbwaip nihme toꞌ kin pe, kin ka gin wusyep kot. Topoꞌe miyeꞌ ŋaiye ŋaname ŋilim wusyep me toꞌ kin nange kin miyeꞌ pakaiye pe, kin ka ote gin wusyep el ŋembep lenge kokorohtup. Topoꞌe miyeꞌ ŋaiye ka gonosambalaiꞌ inime toꞌ kin nange kin kwote pe, miyeꞌ uku kin ka el hel.

Wusyep bwore tikin Luk 20:1

Ŋup ende pe, Jisas nalaŋatme wusyep bwore mise tikin Got nal lenge miyeꞌ tuweinge gan nato yukoh yirise. Pe lenge pris ondoh, lenge jetmam tikin wusyep erŋeme, topoꞌe lenge bwore bworenge titinge Juta yate yaname Jisas na, “Ini poi, lahmende nalaŋatme nin topoꞌe yale bongol luku ŋaiye nin de wah iki.”

Aposel 13:50

Kom lenge Juta syeꞌ yahraꞌe ŋoihmbwaip nihe lenge miyeꞌ ondoh embere moi uku, topoꞌe tuweinge ŋondoh ŋaiye yahraꞌe naŋ Got nange ka yende wachaihme Pol hindi Banabas. Taꞌe luku pe, lenge miyeꞌ tuweinge luku yanange wusyep yalꞌe yalꞌe nange lenge mitiŋ ka yende yumbune Pol hindi Banabas pe, tinge kukwam lenge nange ka yil yusme moi tinge.

Aposel 14:2

O Banabas hindi Pol yarp Aikoniam ŋup syeꞌ pe, tinge yana yanange wusyep tikin Lahmborenge. Taꞌe luku pe, tinge hindi yende mirakel syeꞌ, wutuꞌ supule syeꞌ topoꞌe ŋai supule bongol. Ŋai uku, ki nasamb lenge nange wusyep ŋaiye tinge yanange me ŋoihginirme tikin Lahmborenge, ki bwore mise. Kom lenge Juta ŋaiye yukur yimbilme ŋoihmbwaip plihe bunjenge ŋoihmbwaip lenge haiten, yututusme tinge nange ka tuhwarme lenge Kristen.

Aposel 17:13

Kom ŋupe ŋaiye lenge Juta ŋaiye yarp Tesalonaika yasande nange Pol si nate ŋanange wusyep Got nato Beria pe, tinge yal Beria plihe yahraꞌe ŋoihmbwaip lenge miyeꞌ tuweinge moi uku nange ka tuhwar no, ka ŋoihmbwaip pupwa me Pol.

Aposel 18:12

Ŋupe ŋaiye lenge miyeꞌ ondoh Rom yalaŋatme Galio nange ka ende wah tuꞌe sisinge woroh ondoh tikin moi Grik ŋaiye provins Akaia pe, lenge Juta tahar syep yarpe Pol pe, yenge kin na gan wusyep.

Aposel 21:27

Sihei ŋaiye sande ende supule kin de ka miꞌe no, tinge ka tuhur prihe pe, lenge Juta syeꞌ ŋaiye yase Esia yat pe, tinge yetekeꞌe Pol gan yukoh yirise. Taꞌe luku pe, tinge yahraꞌe ŋoihmbwaip lenge mitiŋ lalme ŋaiye ka tuhwarme Pol no, ka syep yurpe kin.

Aposel 5:18

tinge syep yarpe tinge yember yal mwahupwaiꞌe.

Aposel 5:27

Tinge yenge lenge aposel ya yoto yokoh ŋaiye ka jin wusyep yil ŋembep lenge sisinge woroh. Pe pris ondoh ŋisilihme lenge wusyep syeꞌ.

Aposel 6:11

Pe tinge yul yututusme miyeꞌ syeꞌ yanange na, “Yip pa yininge wusyep homboꞌe yiniꞌe kin tuꞌe leꞌe: Stiven ŋanange wusyep pupwa me Moses topoꞌe Got.”