Aposel 4:14 - Urat New Testament

¹⁴ Kom lenge sisinge woroh uku yukur tatame ŋaiye ka yininge wusyep ende yi tus halhale, pakai. Detale, tinge yetekeꞌe miyeꞌ eꞌe ŋaiye Got si ginyenme wahriꞌ epwa kin gan topoꞌe tinge hindi.

Aposel 4:14 ပူးပေါင်းရင်းမြစ်များ

Aposel 19:36

Lahmende poi yukur ka yininge nange tinge jinjame ŋaiꞌe ŋaiꞌe luku, pakai! Taꞌe luku pe, pa syumbe yurp ŋumwaiye. Yukur pa pupuru her.

Aposel 4:10

tukwini yip topoꞌe mitiŋ lalme ŋaiye yarp yoto Israel pa sisyeme tehei kin. Poi mende ŋai uku ma moto naŋ topoꞌe bongol tikin Jisas Krais, Miyeꞌ alaŋatme tikin Got. Kin miyeꞌ tikin Nasaret ŋaiye yip yuluwei kin yal loutungwarmbe, kom Got plihe ŋahraꞌe kin. Taꞌe luku pe, bongol ilyeh uku ŋaiye ŋahraꞌe Jisas plihe ŋende miꞌmiꞌ miyeꞌ iki ŋaiye tukwini gan ŋembep yip iki.

Aposel 4:13

Lenge miyeꞌ mbep uku yetekeꞌe Pita hindi Jon jan bongole yanange wusyep pe, tinge ŋoihyeryembe wula wula. Tinge ŋoihyeryembe taꞌe leꞌe na: Kii! Tinge hindi miyeꞌ pakaiye. Yukur tinge yambaꞌe sande tekeꞌe ŋembere yal skul, pakai. Kom sande tekeꞌe tinge hindi ŋembere sekete. O tinge sisyeme nange somohon tinge hindi yarp topoꞌme Jisas.

Aposel 4:15

Miꞌe pe, lenge miyeꞌ embep yana lenge nange ka hindi yusme yokoh lenge sisinge woroh yi tus wicherꞌ. Pe tinge ya yahaiꞌe ŋoihmbwaip tititinge.

Aposel 4:16

Tinge yisilih yale yat tititinge na, “Ya mende tuꞌe lai me miyeꞌ hoi uku? Lenge miyeꞌ tuweinge lalme Jerusalem si sisyeme nange tinge yende mirakel uku pe, yukur tatame ŋaiye ya mininge pakai.

Aposel 4:21

Lenge mitiŋ lalme yirisukwarme Got ŋaiye kin si ŋahraꞌe miyeꞌ uku ŋaiye somohon ŋende wahriꞌ epwa wahtaip 40. Kom lenge miyeꞌ mbep yasande nange ka yangange lenge hindi nihe syohe. Kut tinge hiꞌjarnge ŋaiye lenge miyeꞌ tuweinge lalme luku ka ŋoihmbwaip pupwa me tinge ŋaiye ka yende tuꞌe luku. Taꞌe luku pe, tinge syep erŋeme lenge aposel bongol nange ka plihe yende ŋai tuꞌe luku pe, se ka yongomb lenge. Miꞌe pe, tinge yasme tinge hindi yal.