Aposel 18:27 - Urat New Testament

²⁷ Apolos ŋoiheryembe ŋaiye ka el moi Grik. Taꞌe luku pe, lenge Kristen miyeꞌ tuweinge ŋaiye yarp Efesus yungwisme kin pe, tinge yainge tup yember yal lenge Kristen ŋaiye yarp moi Grik pe, tinge yisilih lenge nange ka yambaꞌe Apolos ŋupe ŋaiye ka ot. Ŋupe ŋaiye kin na gere luku pe, kin nungwis lenge miyeꞌ tuweinge sios, ŋaiye Got ŋoih miꞌmiꞌ me tinge no, tinge tahar Kristen.

Aposel 18:27 ပူးပေါင်းရင်းမြစ်များ

Aposel 1:15

Ŋupe uku pe, Pita tahar gan hlaꞌ de ka ininge wusyep el lenge miyeꞌ tuweinge luku ŋaiye yarp uku, tinge 120. Pe Pita ŋana lenge na,

Aposel 11:26

Ŋupe ŋaiye Banabas netekeꞌe kin pe, kin nambaꞌe kin nenge nal Antiok. Tinge hindi yarp tatame wahtaip ende supule yanange yalaŋatme wusyep yalme lenge miyeꞌ tuweinge wula wula. Luku ŋendeheiyeh ŋaiye tinge yember naŋ Kristen yal lenge jetalah tikin Jisas.

Aposel 18:12

Ŋupe ŋaiye lenge miyeꞌ ondoh Rom yalaŋatme Galio nange ka ende wah tuꞌe sisinge woroh ondoh tikin moi Grik ŋaiye provins Akaia pe, lenge Juta tahar syep yarpe Pol pe, yenge kin na gan wusyep.

Aposel 18:18

Pol narp Korin topoꞌe lenge Kristen ŋup wula wula. Miꞌe pe, kin nasme tinge nala el Siria pe, Akwila hindi Prisila yal topoꞌme kin. Ŋupe ŋaiye tinge yate jere moi Senkria nal ŋoloh pe, Pol ŋotombo dohwaih  kin taꞌe wutuꞌ ŋaiye kin nupwaiꞌe wusyep ende topoꞌme Got. Tinge yiche wuhyau me yaŋah loumbil pinip pe, tinge yasme moi uku ya jere Efesus.

Aposel 19:1

Teter ŋaiye Apolos narp nato Korin pe, Pol si nerŋe nal Galesia provins topoꞌe Frigia provins ŋanange wusyep miꞌe pe, kin na gere Efesus. Kin na gere luku pe, kin ŋetekeꞌe lenge miyeꞌ syeꞌ ŋaiye ŋoihmbwaip tinge teŋeime Lahmborenge pe, kin ŋisilih lenge na, “Ŋupe ŋaiye yip yimbilme ŋoihmbwaip yip ŋaiye teŋeime Lahmborenge pe, yip yambaꞌe Yohe Yirise topoꞌe, lakai pakai?” Tinge yungwisme na, “Pakai. Yukur poi sisyeme nange Yohe Yirise kin narp.”

Aposel 9:27

Kom Banabas nate nambaꞌe kin nenge nal lenge aposel pe, kin ŋanange wusyep nal me tinge ŋaiye Sol nal yaŋah Damaskus pe, kin ŋetekeꞌe Lahmborenge pe, Lahmborenge ŋaname wusyep. Miꞌe pe, Sol nenge naŋ tikin Jisas pe, kin nal moi Damaskus gan bongole ŋanange nalaŋatme wusyep me Jisas.

Pol nainge tup nal lenge Rom 1:5

Nato Krais pe, Got si ŋoih miꞌmiꞌ me ŋam. Topoꞌe nato naŋ kin pe, Got nember ŋam ŋaiye ma mende wah tuꞌe aposel. Ki ŋende taꞌe luku ŋaiye lenge miyeꞌ tuweinge syeꞌ nal moiye moiye ka yaŋaꞌe ŋoihmbwaip tinge yilme Jisas pe, ka junde wusyep kin.

1 Korin 15:10

Kom Got ŋoih miꞌmiꞌ me ŋam pe, ki ŋende ŋam tahar miyeꞌ ambaran supule, topoꞌe ŋoih miꞌmiꞌ kitikin ŋaiye kin pwale ŋam pe, yukur nal luh pakaiye. Ŋam mende wah nihe embere sekete mengelyembe lenge aposel syeꞌ, kom wah uku yukur ŋam mende bongol ŋam, pakai. Got ŋoih miꞌmiꞌ me ŋam pe, kin pwale bongol ŋaiye ŋam mende wah uku.

1 Korin 16:3

Pe ŋupe ŋaiye ma mute gwere pe, ma mangange tup wusyep hraꞌembep mil lenge miyeꞌ ŋaiye yip si yalaŋatme lenge pe, ka yenge wuhyau yil Jerusalem.

1 Korin 3:6

Ŋam menete ŋaisep ma moto ŋoihmbwaip yip pe, Apolos ŋiche me pinip, kom Got kitikin ŋende ŋaisep uku gere.

2 Korin 1:24

Poi yukur bepmeteme ŋoihmbwaip yip ŋaiye teŋeime Got, topoꞌe yukur ya mini yip ŋaimune ŋaiye pa yende, pakai. Poi sisyeme nange yip si jan bongole, topoꞌe ŋoihmbwaip yip teŋei bongol. Kom poi lalme mende wah bwore bwore ŋaiye ka ende yip pa hriphrip supule.

Filipai 1:25

Ŋam si sisyeme ŋai uku pe, ŋam ŋoiheryembe ŋaiye se ma murp motop yip. Ma mungwisme yip ŋaiye ŋoihmbwaip yip ka teŋei bongol me Krais no, pa yurp hriphrip yi yoto kin.

Filipai 1:29

Got kin ŋende miꞌmiꞌ me yip ŋaiye ŋoihmbwaip yip teŋeime Krais no, yip yambaꞌe nihe syohme Krais.

Kolosi 2:12

Ŋupe ŋaiye yip yambaꞌe pinip pe, hwap ŋaiye yip yende luku nule ko pe, Got ŋononde topoꞌe Krais. O ŋoihmbwaip yip teŋeime Got ŋaiye ŋahraꞌe Jisas topoꞌe bongol kin pe, kin tahar nasme nule pe, kin ŋahraꞌe yip topoꞌe Krais pe, yip yambaꞌe laip mise.

Kolosi 4:10

Aristarkus ŋaiye narp mwahupwaiꞌe ŋotop ŋam pe, kin nember ŋau bwore kin nalme yip. O yuruwai tikin Banabas ŋaiye tinge jalme Mak nember ŋau bwore kin topoꞌe nalme yip. Ŋam si member wusyep hraꞌembep malme yip yer, ŋaiye ka ot tuꞌe liki pe, pa hriphrip ŋaiye pa yambaꞌe kin.