Aposel 14:7 - Urat New Testament

⁷ Pe tinge plihe yanange yalaŋatme wusyep bwore tikin Lahmborenge.

Aposel 14:7 ပူးပေါင်းရင်းမြစ်များ

Aposel 11:19

Lenge Kristen Judia somohonme yambaꞌe nihe syohe ŋupe ŋaiye lenge wachaih si yonombe Stiven pe, tinge jarnge yalꞌe yalꞌe yal moi Fonisia, Saiprus topoꞌe Antiok. Tinge yanange yalaŋatme wusyep bwore tikin Jisas yal lenge Juta ŋilyehme.

Aposel 14:15

“Detaꞌe lai ti yip yende taꞌe leꞌe? Poi miyeꞌ ŋahilyeh taꞌe yip! Poi mat eꞌe ŋaiye ya mini yip wusyep bwore mise nange yip pa yusme got homboꞌe ŋaiye yip yisarꞌe ŋembep yahraꞌe naŋ tinge, kut pa bunjenge ŋoihmbwaip yip yilme Got ilyeh ŋaiye narp nye nyermbe. Kin Got ŋilyeh ŋaiye ŋende moihlaꞌ topoꞌe kekep, topoꞌe ŋoloh pinip, topoꞌe ŋaiꞌe ŋaiꞌe lalme ŋaiye sai eꞌe.

Aposel 14:21

Pol hindi Banabas yanange yalaŋatme wusyep bwore mise tikin Got yarp Derbe pe, lenge miyeꞌ tuweinge wula wula tahar Kristen. Miꞌe pe, tinge plihe yal Listra, Aikoniam topoꞌe Pisidia Antiok yende bongolme lenge Kristen nange ka jin bongole. Tinge yana lenge taꞌe leꞌe na, “Lahmende ŋaiye ka yi yoto lemame tikin Got pe, se ka yikirh mane yer ti, ka yi yoto.”

Aposel 16:10

Pol ŋetekeꞌe yipihinge supule ende taꞌe nate tange miꞌe pe, nilyehe sai poi mende miꞌmiꞌ ŋaiye ya mil Masedonia. Poi ŋoihmeryembe ŋaiye Got si nalaŋatme poi nange ya mininge malaŋatme wusyep bwore mise kin mil lenge miyeꞌ tuweinge luku.

Aposel 17:2

Leꞌe ŋahilyeh taꞌe ŋaiye nye nyermbe Pol nal yokoh jahilyeh ŋaiye ŋup Sabat. Taꞌe luku pe, sande hun ŋaiye ŋup Sabat pe, kin nal yokoh jahilyeh ŋanange nalaŋatme wusyep tehei tikin wusyep Got nal me tinge. Kin nasamb lenge ŋaiye Miyeꞌ alaŋatme Krais ka se ambaꞌe nihe syohe, topoꞌe ka plihe tuhur. Kin ŋanange na, “Jisas eꞌe ŋaiye ŋam mana yip pe, kin Miyeꞌ alaŋatme tikin Got, Krais.”

Aposel 8:4

Lenge miyeꞌ tuweinge sios ŋaiye si jarnge tangalai yalꞌe yalꞌe plihe yeŋelꞌe yanange yalaŋatme wusyep bwore mise tikin Lahmborenge Jisas yarp ya yoto moi ŋaiye tinge yarp.

1 Tesalonaika 2:2

Yip sisyeme, teter ŋaiye yukur poi mate metekeꞌ yip pe, poi nambaꞌe nihe syohe embere embere, topoꞌe wusyep hiꞌe manar moi embere Filipai. Poi ma moto meleꞌme lenge wachaih, kom Got pwal poi bongol ŋaiye ya malaŋatme wusyep mise kin milme yip Tesalonaika.

2 Timoti 4:2

ŋaiye na ininge alaŋatme wusyep kin uku. Nye nyermbe na ende wah nihe, ŋaiye na ininge alaŋatme wusyep tikin Krais elme lenge miyeꞌ tuweinge, ŋaiye yende miꞌmiꞌ ka yusyunde wusyep, topoꞌe lahmende ŋaiye jarnge ka yisyunde wusyep. Na asamb lenge miyeꞌ tuweinge ŋaimune ŋaiye tinge yende hwap. Topoꞌe ininge wusyep bongol no, ka otohote ŋoihmbwaip tinge, ŋaiye tinge si yende pupwa. Kut na orp ŋumwaiye ininge wusyep bwore bwore, ŋaiye ka ende bongolme tinge.