Aposel 14:1 - Urat New Testament1 Pol hindi Banabas yal Aikoniam pe, tinge plihe yal yokoh lotu lenge Juta taꞌe ŋaiye nye nyermbe tinge yende. Wusyep ŋaiye tinge yanange ŋotohote ŋoihmbwaip lenge miyeꞌ tuweinge Juta topoꞌe lenge haiten wula pe, ŋoihmbwaip tinge teŋeime Lahmborenge. အခန်းကိုကြည့်ပါ။ |
Ŋupe ŋaiye lenge miyeꞌ tuweinge si yasme yokoh lotu tikin Juta tangalai yal pe, lenge Juta syeꞌ topoꞌe lenge haiten syeꞌ ŋaiye bunjenge ŋoihmbwaip tinge jande Got lenge Juta pe, tinge jande Pol hindi Banabas yal. Pe tinge hindi yanange wusyep yende bongolme tinge nange ka yurp yi yoto ŋoihmbwaip ŋumwaiye tikin Got.
Kom Pol hindi Banabas jan bongole yungwisme wusyep tinge na, “Mise, ŋendeheiyeh poi manange wusyep Got malme yip Juta, kom yip jarnge wusyep eꞌe. Ŋaiye yip si jarnge wusyep uku pe, ki sasambe nange yip si jarnge kin, topoꞌe ŋaiye pa yurp laip nye nyermbe. Taꞌe luku pe, poi ya si mil lenge haiten mangange lenge wusyep tikin Got uku.
O Banabas hindi Pol yarp Aikoniam ŋup syeꞌ pe, tinge yana yanange wusyep tikin Lahmborenge. Taꞌe luku pe, tinge hindi yende mirakel syeꞌ, wutuꞌ supule syeꞌ topoꞌe ŋai supule bongol. Ŋai uku, ki nasamb lenge nange wusyep ŋaiye tinge yanange me ŋoihginirme tikin Lahmborenge, ki bwore mise. Kom lenge Juta ŋaiye yukur yimbilme ŋoihmbwaip plihe bunjenge ŋoihmbwaip lenge haiten, yututusme tinge nange ka tuhwarme lenge Kristen.
Pol hindi Banabas yanange yalaŋatme wusyep bwore mise tikin Got yarp Derbe pe, lenge miyeꞌ tuweinge wula wula tahar Kristen. Miꞌe pe, tinge plihe yal Listra, Aikoniam topoꞌe Pisidia Antiok yende bongolme lenge Kristen nange ka jin bongole. Tinge yana lenge taꞌe leꞌe na, “Lahmende ŋaiye ka yi yoto lemame tikin Got pe, se ka yikirh mane yer ti, ka yi yoto.”
Taꞌe luku pe, yukur ŋainde ŋembere ŋaiye poi haiten, lakai tinge Juta, topoꞌe yukur poi motombo wahriꞌ, lakai tinge si yotombo wahriꞌ, topoꞌe poi marp taꞌe miyeꞌ wah pakaiye, o tinge yarp hlaininge. Pakai! Poi tikin moiye moiye ilyeh ilyeh kekep eꞌe, topoꞌe wusyep ŋimeser ilyeh ilyeh. Poi si tahar ŋambaran miꞌe pe, ya lalme murp ŋahilyeh. Detale, Krais ilyeh uku kin si narp nato poi lalme.