Aposel 11:29 - Urat New Testament

²⁹ Lenge jetalah Jisas ŋaiye yarp moi uku yupwaiꞌe wusyep ŋaiye ka yember wuhyau syeꞌ yil tutume wutuꞌ tinge ŋilyeh ilyeh tongonose. Tinge yasande nange ka yember wuhyau uku yila yungwisme lenge Kristen nal Judia.

Aposel 11:29 ပူးပေါင်းရင်းမြစ်များ

Matyu 25:17

Topoꞌe miyeꞌ ŋaiye nambaꞌe wuhyau tem hoi pe, kin plihe nenge wuhyau uku ŋende wah nal pe, kin plihe nambaꞌe wuhyau yohe tem hoi.

Wusyep bwore tikin Jon 2:2

tinge yisilihme Jisas topoꞌ lenge jetalah kin yate yarp yoto ŋai embere ŋaiye dindiꞌ.

Aposel 1:15

Ŋupe uku pe, Pita tahar gan hlaꞌ de ka ininge wusyep el lenge miyeꞌ tuweinge luku ŋaiye yarp uku, tinge 120. Pe Pita ŋana lenge na,

Aposel 11:1

Lenge aposel tikin Jisas, topoꞌe lenge jetalah kin ŋaiye yarp ya yoto Judia tinge yasande ŋaiye lenge haiten topoꞌe jande wusyep tikin Got.

Aposel 11:26

Ŋupe ŋaiye Banabas netekeꞌe kin pe, kin nambaꞌe kin nenge nal Antiok. Tinge hindi yarp tatame wahtaip ende supule yanange yalaŋatme wusyep yalme lenge miyeꞌ tuweinge wula wula. Luku ŋendeheiyeh ŋaiye tinge yember naŋ Kristen yal lenge jetalah tikin Jisas.

Aposel 13:52

Kom lenge jetalah hriphrip supule topoꞌe tinge paparar me Yohe Yirise.

Aposel 14:20

Kom ŋupe ŋaiye lenge Kristen yate jahilyeh yonyorꞌme kin pe, kin plihe tahar nato moi uku. Nyermbe pe, Pol hindi Banabas yasme moi uku yal Derbe.

Aposel 24:17

Somohonme ŋam masme Jerusalem wahtaip wula wula. Kom misei sikirp eꞌe ŋam plihe mal. Pe ŋam menge wuhyau mal ŋaiye ma mangange lenge Juta syeꞌ ŋaiye ŋaipwa ŋiꞌ, topoꞌe ŋam da mende ofa mil me Got.

Aposel 4:34

Taꞌe luku pe, yukur miyeꞌ ende ka seheiꞌme ŋainde, pakai. Lenge mitiŋ ŋaiye tinge tatame kekep, topoꞌe yokoh pe, tinge yende windau me ŋaiꞌe ŋaiꞌe luku. Pe tinge yambaꞌe wuhyau me ŋaiꞌe ŋaiꞌe yenge yate yangange lenge aposel tikin Jisas pe, tinge yiyarꞌe wuhyau uku pe, tinge yangange lenge miyeꞌ tuweinge ŋaiye seheiꞌme ŋaiꞌe ŋaiꞌe.

Aposel 6:1

Ŋup uku pe, lenge miyeꞌ tuweinge ŋaiye jande Jisas si tahar wula wula sekete. Pe tuhwar ŋembere sai bumbe lenge Juta ŋaiye yanange wusyep Grik, topoꞌe lenge Juta ŋaiye yanange wusyep Juta. Detale, lenge Juta uku ŋaiye yanange wusyep Grik yana lenge na, “Yip yukur yembepeteme lenge tuweinge ŋope poi bworerme yangange ŋai topoꞌme wuhyau, pakai.”

Aposel 9:19

Miꞌe pe, kin ŋono ŋai pe, kin plihe nambaꞌe bongol. Sol narp nato Damaskus ŋup syeꞌ topoꞌe lenge miyeꞌ tuweinge ŋaiye jetalah tikin Jisas.

Aposel 9:25

Taꞌe luku pe, ŋupe ŋaiye ki yepelmbe pe, lenge jetalah syeꞌ yambaꞌe kin yember yal dou ende ŋaiye sai nato lem uku pe, tinge yohor kin jah sorh embere pe, tinge yasme sorh ya tas lem wicherꞌ na gah kekep.

1 Korin 13:5

Kin miyeꞌ ŋaiye yukur ŋende bwiliꞌe bwulaꞌe, topoꞌe yukur ŋoiheryembe kitikin, topoꞌe yukur tuhwar hihwaiye, topoꞌe kin yukur ŋoiheryembe ŋaimune ŋaiye tinge yende me kin.

Galesia 2:10

Wusyep ende ŋaiye tinge yiyarꞌe pe, nange ya mungwisme lenge ŋaipwa ŋiꞌ tinge. Taꞌe luku pe, wah uku ŋam hriphrip ŋaiye ma plihe mende.