2 Tesalonaika 3:3 - Urat New Testament

³ Kom Lahmborenge kin yukur bunje bunjenge ŋoihmbwaip kin, pakai. Taꞌe luku pe, se ka ende bongolme yip. Topoꞌe ŋupe ŋaiye Satan nala ondolꞌme yip pe, Jisas se ka ungwisme yip.

2 Tesalonaika 3:3 ပူးပေါင်းရင်းမြစ်များ

Matyu 5:37

Na ininge na, ‘Hei, ma mende.’ Lakai na ininge na, ‘Ŋam yukur ma mende.’ Wusyep mune ŋaiye nin plihe neŋelꞌe nal topoꞌe luku pe, wusyep tikin Satan.”

Matyu 6:13

Topoꞌe yukur na osme dou ende ŋaiye ŋondolꞌme ende ka otme poi. Kom na enge poi ya tupwaihme ŋaimune pupwa ŋaiye ka ende yumbune poi.

Wusyep bwore tikin Luk 11:4

Ongohe pupwa ŋoihmbwaip poi tuꞌe ŋaiye poi masme pupwa lenge mitiŋ lalme ŋaiye yende pupwa me poi. Topoꞌe yukur na osme poi ya mi moto ŋondolꞌme.”

Wusyep bwore tikin Jon 17:15

Ŋam yukur manange wusyep misilih nin, ŋaiye na ginyen lenge angaꞌme kekep eꞌe. Kom ŋam manange wusyep misilih nin, ŋaiye na bepsime tinge bworerme ŋaiye miyeꞌ pupwa yukur ka se ende yumbune tinge.

1 Korin 1:9

Got kin si nalaŋatme yip jahilyeh topoꞌe talah kin Jisas Krais ŋaiye Lahmborenge poi. Ŋaimune ŋaiye Got si ŋanange pe, ki ŋende gande.

1 Korin 10:13

Ŋondolꞌme lalme ŋaiye natme yip pe, yukur ki ŋoinde, ki ŋahilyeh taꞌe ŋaiye ki natme lenge mitiŋ. Kom Got se ka gunde wusyep tupwaiꞌ kitikin pe, yukur ka osme ŋondolꞌme ende ŋaiye ka ondolꞌme yip, ŋaiye ka engelyembe bongol yip, pakai. Ŋaiye ŋondolꞌme ka ondolꞌme yip pe, Got se ka ungwisme yip pe, ka ende yip pa jin bongol no, pa yengelyembe ŋondolꞌme luku.

1 Tesalonaika 5:24

Got si nalaŋatme yip miyeꞌ tuweinge kin bwore mise pe, se ka ungwisme yip tuꞌe ŋaiye yerkeime kin si ŋanange nange ka ende.

2 Tesalonaika 2:17

Taꞌe luku pe, ka ende bongolme ŋoihmbwaip yip topoꞌe ka ungwisme yip no, pa yende ŋaiꞌe ŋaiꞌe bwore, topoꞌe pa yininge wusyep ŋaiye ki bwore.

2 Timoti 4:18

Taꞌe luku pe, Lahmborenge se ka ungwisme ŋam, ŋaiye tinge yala yende yumbune ŋam. Pe ka ambaꞌe ŋam enge el pe, ma murp bwore mi moto lemame kin, ŋaiye sai moihlaꞌ. Poi ya maŋaꞌe naŋ embere mirisukwarme kin nye nyermbe! Bwore mise.

1 Pita 5:10

Kom pa yambaꞌe nihe syohe nilyehe miꞌe pe, Got miyeꞌ michukor ka gil yip ŋaiye pa yotop Jisas Krais yurp yi yoto bongol kitikin Got ŋaiye ka si nyermbe nyermbe. Kin ka ende ŋoihmbwaip yip ŋaiye teŋeime kin ka si bongol supule.

2 Pita 2:9

Taꞌe luku pe, Got sisyeme yaŋah ŋaiye ka ungwisme lenge miyeꞌ tuweinge ŋaiye yende ŋaiꞌe ŋaiꞌe bwore pe, tinge yukur ka yambaꞌe nihe syohe. Kut se ka plihe ungwisme yitini pupwa elme lenge miyeꞌ tuweinge ŋaiye yende pupwa el tutume ŋupe ŋaiye ka iyarꞌe wusyep.

Tup ŋaiye Jut nainge 1:24

Tukwini ya mirisukwarme Got, Miyeꞌ nungwisme poi. Kin se ka ende yip pa jin bongole yi yoto Kristen bilip yip. Kin se ka ende yip pa yurp bwore bwarme supule pe, se pa yila yotop kin hriphrip yurp luh moi ŋaiye kin narp.