2 Tesalonaika 1:5 - Urat New Testament

⁵ Ŋaiꞌe ŋaiꞌe lalme luku ki sasambe nange ŋiyarꞌe tikin Got nal lenge mitiŋ lalme pe, ki bwore bwarme. Yip si yambaꞌe nihe syohe. Detale, yip yahraꞌe lemame tikin Got. Pe kin ka ende yip pa yurp bwore bwarme yi yoto lemame kitikin.

2 Tesalonaika 1:5 ပူးပေါင်းရင်းမြစ်များ

Wusyep bwore tikin Luk 20:35

Kom lenge miyeꞌ tuweinge ŋaiye tatame ka yil moihlaꞌ pe, ŋupe ŋaiye ka plihe tuhur yurp pe, yukur ka dindiꞌ, pakai.

Wusyep bwore tikin Luk 21:36

Taꞌe luku pe, nyermbe nyermbe yende miꞌmiꞌ yurp jeteme ŋam, topoꞌe pa yisilihme Got ŋaiye ka ende bongolme yip no, pa yikirh mane luku ŋaiye ka tus, topoꞌe pa jin bongole yil ŋembep Talah tikin Miyeꞌ.”

Aposel 13:46

Kom Pol hindi Banabas jan bongole yungwisme wusyep tinge na, “Mise, ŋendeheiyeh poi manange wusyep Got malme yip Juta, kom yip jarnge wusyep eꞌe. Ŋaiye yip si jarnge wusyep uku pe, ki sasambe nange yip si jarnge kin, topoꞌe ŋaiye pa yurp laip nye nyermbe. Taꞌe luku pe, poi ya si mil lenge haiten mangange lenge wusyep tikin Got uku.

Pol nainge tup nal lenge Rom 2:5

Kom pakai, yip yukur yisande wusyep, ŋoihmbwaip yip bongol sekete. Taꞌe luku pe, nihe syohe yip ŋaiye pa yambaꞌe dindiꞌ ŋup uku ŋaiye Got ka ende wusyep kot mise el lenge miyeꞌ tuweinge pe, syohe tinge tikin tataꞌ tataꞌ nanah hlaꞌ.

Pol nainge tup nal lenge Rom 8:17

Taꞌe luku pe, poi marp taꞌe talah tikin Got pe, mindemboi ya se mambaꞌe ŋaiꞌe ŋaiꞌe bwore bwore ŋaiye kin si nalaŋatme nange ka pul poi. Ŋaiꞌe ŋaiꞌe lalme luku ŋaiye ka aŋaꞌe Talah kitikin Krais pe, poi topoꞌe. Ŋaiye tukwini ya mambaꞌe nihe syohe tuꞌe ŋaiye kin nambaꞌe pe, mindemboi se ya mambaꞌe naŋ embere, topoꞌe ya murp moi yirise bwore.

Efesus 4:1

Ŋam Pol, ŋam marp mwahupwaiꞌe. Detale, ŋam mende wah tikin Lahmborenge. Pe ŋam da mini yip ŋaiye pa yurp junde wusyep ŋaiye Got si gal yip.

Filipai 1:28

Topoꞌe yip yukur pa hiꞌjirnge me lahmende ŋaiye ka yende wachaihme yip. Pa jin bongole nye nyermbe no, luku ka asamb lenge nange tinge ka talai, kut yip pa yohe. Detale, Got kin nungwisme yip ŋaiye pa yurp laip nye nyermbe.

Kolosi 1:12

Topoꞌe pa yininge wusyep hriphrip yilme Yai. Detale, kin ŋende yip tatame ŋaiye pa yambaꞌe yitini yiptip ŋaiye Got si nupwaiꞌe wusyep topoꞌe lenge Kristen miyeꞌ tuweinge lalme, ŋaiye ka yul yip lalme e oto moi yirise.

1 Tesalonaika 2:14

Lenge toꞌ tatai poi, pa ŋoiheryembe lenge Kristen miyeꞌ tuweinge Judia ŋaiye ŋoihmbwaip tinge teŋeime Krais Jisas. Somohon lenge miyeꞌ syeꞌ Judia yende wachaihme tinge. Ki ŋahilyeh taꞌe lenge Tesalonaika syeꞌ ŋaiye yende yumbune yip.

2 Tesalonaika 1:11

Leꞌe tehei kin ŋaiye nye nyermbe poi misilihme Got ŋaiye ka ungwisme yip no, pa yurp junde ŋasande kin. Topoꞌe poi misilihme Got ŋaiye ka ende bongol me yip no, yip tatame ŋaiye pa yende ŋaiꞌe ŋaiꞌe bwore junde ŋoihmbwaip bwore yip ŋaiye teŋeime kin.

2 Timoti 2:12

Ŋaiye ya murp bongole no, ya mambaꞌe nihe syohe pe, liki se ya murp kiŋ motop kin. Kom ŋaiye ya maŋaꞌe teket me kin pe, kin topoꞌe se ka pul poi teket.

Revelesen 15:4

Lahmborenge, nin ŋilyehe sai, nin narp holi bwore mise supule. Taꞌe luku pe, lenge miyeꞌ tuweinge lalme ka hiꞌjirnge nin pe, ka yule naŋ embere yilme nin. Lenge miyeꞌ tuweinge lalme kekep ka yuta yisarꞌe ŋimbep yirisukwarme nin. Detale, ŋoihmbwaip bwore bwarme nin tinge si yetekeꞌ miꞌe.

Revelesen 16:7

Miꞌe pe, ŋam masande diꞌ miyeꞌ ende nase alta ŋanange na, Got Lahmborenge, nin Bongol Sekete! Nin ŋiyarꞌe ŋaimune ŋaiye lenge miyeꞌ tuweinge lalme yende pe, ŋiyarꞌe nin ki bwore mise supule, topoꞌe kin bwarme.

Revelesen 19:2

Got kin miyeꞌ bwore mise, topoꞌe wusyep kot kin uku ki mise, topoꞌe ki bwore bwarme supule. Kin si ŋende yumbune tuwei, ŋaiye wende niŋ pinip yar, topoꞌe lenge miyeꞌ tuweinge, ŋaiye yarp kekep, ŋaiye ti kwite lenge ya yende niŋ pinip yar. Topoꞌe Got plihe nungwisme nihe syohe nalme ti, ŋaiye ti wongomb lenge miyeꞌ wah kin.

Revelesen 3:4

Yip lenge miyeꞌ tuweinge syeꞌ, ŋaiye yarp Sardis pe, ŋoihmbwaip yip teŋeime Lahmborenge bwore supule. Lenge miyeꞌ tuweinge ŋilyehme uku tatame, ŋaiye ka dendeꞌ hihyilih wukauwe no, ka yut topoꞌme ŋam.