2 Korin 6:15 - Urat New Testament

¹⁵ Tatame ŋaiye Krais ka hindi Satan ŋoihmbwaip ilyeh, lakai? Topoꞌe tatame ŋaiye Kristen topoꞌe haiten ka juhilyeh, lakai?

2 Korin 6:15 ပူးပေါင်းရင်းမြစ်များ

Wusyep bwore tikin Mak 16:16

Lahmende ŋaiye ŋoihmbwaip tinge ka teŋeime ŋam no, ka yimbilme ŋoihmbwaip yambaꞌe pinip pe, liki Got se ka ungwisme tinge ŋaiye ka yurp bwore nye nyermbe. Kom miyeꞌ tuweinge ŋaiye ŋoihmbwaip tinge yukur teŋeime ŋam pe, liki min ka talai yoto ŋup tikin ŋaiye ka jin wusyep kot.

Aposel 5:14

Nyermbe nyermbe lenge miyeꞌ tuweinge ŋaiye ŋoihmbwaip tinge teŋeime Jisas, tinge jahilyeh yal yokoh mwah tikin Solomon, ŋaiye neŋelꞌe nal lem tikin yukoh yirise. Mitiŋ syeꞌ yasande wusyep me Ananaias pe, tinge hiꞌjarnge ŋaiye ka juhilyeh yotop tinge. Kom lenge mitiŋ lalme ŋoihyeryembe nange lenge miyeꞌ tuweinge ŋaiye ŋoihmbwaip tinge teŋeime Jisas, tinge bwore. Taꞌe luku pe, miyeꞌ tuweinge wula wula yimbilme ŋoihmbwaip tinge yalme Lahmborenge. Got ŋende bongolme lenge aposel pe, tinge yende mirakel, topoꞌe wutuꞌ supule jah ŋembep lenge miyeꞌ tuweinge.

Aposel 8:20

Kom Pita nungwisme na, “Detale ti nin ŋoiheryembe nange na iche wuhyau ambaꞌe yitini ŋaiye Lahmborenge nember nat? Pakai supule! Ni e hel topoꞌe wuhyau nin!

1 Korin 6:6

Taꞌe luku pe, detale ti Kristen miyeꞌ ende ka enge toꞌ tatai kin el ŋaiye ka gin wusyep kot el ŋembep lenge haiten miyeꞌ tuweinge?

1 Timoti 5:8

Kom lahmende ŋaiye yukur bepteme lenge mitiŋ ŋaiye yarp moi sambe kin, lakai wim ilyeh kin bworerme pe, kin si nasme ŋoihmbwaip ŋaiye teŋeime Lahmborenge pe, ki ŋende ŋaiꞌe ŋaiꞌe tetehei pupwa nengelyembe lenge haiten miyeꞌ ŋaiye yende.

1 Pita 1:21

Yip sisyeme Jisas pe, kin ŋende ŋoihmbwaip yip teŋeime Got. Got ŋahraꞌe Jisas ŋaiye kin si nule pe, kin naŋaꞌe naŋ embere nalme kin. Taꞌe luku pe, ŋoihmbwaip topoꞌe ŋoiheryembe yip lalme ka si me Got.