2 Jon 1:7 - Urat New Testament

⁷ Lenge miyeꞌ homboꞌe wula wula si yalꞌe yalꞌe yal moiye moiye kekep lalme. Ŋaiye lahende tinge ka ininge nange Jisas Krais yukur si nat kekep eꞌe taꞌe miyeꞌ hiꞌ pe, kin miyeꞌ homboꞌe topoꞌe kin wachaih tikin Krais.

2 Jon 1:7 ပူးပေါင်းရင်းမြစ်များ

Wusyep bwore tikin Jon 1:14

Wusyep uku kin nat taꞌe miyeꞌ hiꞌ pe, kin narp topoꞌe poi. Ŋoih miꞌmiꞌ topoꞌe ŋoihmbwaip mise papararme kin. Poi si metekeꞌe yirise miꞌ kin. Yai naŋaꞌe wutuꞌ nalme Talah esep ilyeh uku ŋaiye kin nember nat.

1 Timoti 3:16

Wusyep tehei ŋaiye ŋoihmbwaip bwore tikin Got pe, ki ŋembere supule. Krais pasam poi ŋaiye kin nat taꞌe miyeꞌ hiꞌ. Yohe Yirise sasambe kin nange kin bwore bwarme supule pe, lenge walip hlaꞌ yetekeꞌe kin. Lenge miyeꞌ tuweinge yanange yalaŋatme wusyep me kin yalꞌe yalꞌe kekep lalme, topoꞌe lenge miyeꞌ tuweinge ŋaiye yarp yalꞌe yalꞌe kekep lalme yaŋaꞌe ŋoihmbwaip tinge yalme kin pe, Got nambaꞌe kin nenge nanah moihlaꞌ.

1 Jon 2:26

Ŋam mainge tup eꞌe malme yip ŋaiye pa ŋoihme ŋaiye miyeꞌ syeꞌ se ka yute yende homboꞌme yip.

Revelesen 12:9

Pe lenge walip hlaꞌ tikin Got yiche hwaŋ ŋembere luku, topoꞌe lenge walip hlaꞌ kin ya jah kekep. Hwaŋ uku kin hwaŋ ŋaiye somohonme narp. Naŋ kin miyeꞌ pupwa Satan. Kin miyeꞌ ŋaiye ŋende lenge miyeꞌ tuweinge yende hwap. Tinge yiche kin ya jah kekep topoꞌe lenge walip hlaꞌ kin.

Revelesen 13:14

Got naŋaꞌe dou me yowor telpei ganme, ŋaiye ŋoinde tikin ka ende mirakel ende bongolme wah pupwa tikin yowor telpei yere, ŋaiye ŋoinde tikin. Ki ŋende mirakel luku pe, kin nungungwohe lenge miyeꞌ tuweinge lalme, ŋaiye yarp kekep nal yaŋah ŋoinde tikin. Ki ŋana lenge wusyep mar wondohe na, “Yip lenge miyeꞌ pa tihei lou yende yipihinge tikin yowor telpei yere, ŋaiye ŋoinde tikin, ŋaiye somohon tinge yenge ŋim ŋombor yonombe kin nule no, ki plihe tahar.”