1 Timoti 1:17 - Urat New Testament

¹⁷ Poi lalme hriphrip, mirisukwarme kin, topoꞌe maŋaꞌe naŋ embere malme kin, Got esep ilyeh ŋaiye yukur tatame ya metekeꞌ kin, pakai. Kin kiŋ ŋaiye narp nyermbe nyermbe, topoꞌe ŋaiye yukur tatame ka ole. Poi mahraꞌe naŋ mirisukwarme kin nyermbe nyermbe! Mise.

1 Timoti 1:17 ပူးပေါင်းရင်းမြစ်များ

Matyu 25:34

Miꞌe pe, kiŋ ka ini lenge miyeꞌ tuweinge ŋaiye yarp yal syep non kin na, ‘Yip iki pe, ŋoih miꞌmiꞌ tikin Yai ŋam sai topoꞌme yip. Yip yute yambaꞌe ŋaiꞌe ŋaiꞌe bwore bwore tikin lemame ŋaiye Yai si ŋende miꞌmiꞌ me yip sai somohonme ŋendeheiyeh ŋaiye Got ŋende kekep topoꞌe ŋaitem.

Matyu 28:20

Pe pa yininge yasamb lenge wusyep lalme ŋaiye ŋam si mana yip pe, ka junde wusyep ŋam. O yip pa sisyeme nange ŋam ma murp motop yip nye nyermbe mil tutume ŋaiye ŋup eꞌe ka miꞌe.”

Matyu 6:13

Topoꞌe yukur na osme dou ende ŋaiye ŋondolꞌme ende ka otme poi. Kom na enge poi ya tupwaihme ŋaimune pupwa ŋaiye ka ende yumbune poi.

Wusyep bwore tikin Jon 1:18

Yukur miyeꞌ lakai tuwei ende yetekeꞌe Got. Talah esep ilyeh tikin Got uku pe, kin Got pe, kin narp sehei me Yai. Taꞌe luku pe, kin ilyehe ŋaiye pasam poi Got.

Wusyep bwore tikin Jon 5:44

Ŋupe ŋaiye lenge miyeꞌ tuweinge ka hriphrip me yip no, ka yul yip naŋ embere pe, yip yisande. Kom yip yukur yende jande yaŋah ŋaiye Got ka yul yip naŋ embere. Ŋaiye pa yende ŋoihmbwaip tuꞌe luku pe, ŋoihmbwaip yip ka se teŋeime ŋam tuꞌe lai?

Pol nainge tup nal lenge Rom 1:20

Ŋendeheiyeh kin ŋaiye Got ŋende ŋaiꞌe ŋaiꞌe nate gere tukwini pe, lenge miyeꞌ tuweinge lalme si yetekeꞌe ŋaiꞌe ŋaiꞌe lalme ŋaiye Got ŋende sai kekep, topoꞌe nanah ŋaitem pe, ki si sasambe ŋoihmbwaip tase bwore tikin Got, topoꞌe bongol embere tikin Got ŋaiye sai nye nyermbe. Taꞌe luku pe, yukur ka se yininge nange tinge yukur sisyeme Got, liki pakai supule.

Pol nainge tup nal lenge Rom 1:23

Tinge yaŋaꞌe teket me Got ŋaiye narp laip nye nyermbe pe, yukur tinge yahraꞌe naŋ kin, pakai. Kut tinge yambaꞌe lou yeteperse yipihinge lenge miyeꞌ, topoꞌe yipihinge ŋinjet, topoꞌe hroꞌ, topoꞌe yuwor, topoꞌe hwaŋ, topoꞌe sopoꞌ pe, tinge yisarꞌe ŋimbep me yipihinge luku. Kom lenge miyeꞌ topoꞌe yuwor lalme luku minde ka yule.

Pol nainge tup nal lenge Rom 11:36

Ŋaiꞌe ŋaiꞌe lalme ŋaiye tukwini sai eꞌe pe, Got kin ŋende. Kin tehei me ŋaiꞌe ŋaiꞌe lalme. Ŋaiꞌe ŋaiꞌe lalme leꞌe pe, ŋai kitikin. Poi ya mirisukwarme mahraꞌe naŋ kin nye nyermbe. Bwore mise.

Pol nainge tup nal lenge Rom 16:27

Got uku pe, kin ilyeh ŋaiye sisyeme ŋaiꞌe ŋaiꞌe tetehei lalme. Pe nato naŋ tikin Jisas Krais pe, ya mahraꞌe naŋ kin mirisukwarme kin nye nyermbe. Mise supule.

Pol nainge tup nal lenge Rom 2:10

Kut Got se ka angange yarp bwore yirise nanah moihlaꞌ, topoꞌe naŋ embere, topoꞌe ŋoihmbwaip ŋumwaiye elme lenge mitiŋ ŋaiye yende ŋaiꞌe ŋaiꞌe bwore bwore jande ŋoihmbwaip bwore. Lenge Juta ka yer ti, lenge haiten ka junde.

Pol nainge tup nal lenge Rom 2:7

Lenge mitiŋ syeꞌ yende bongol ŋaiye yende ŋaiꞌe ŋaiꞌe bwore jande ŋoihmbwaip bwore, topoꞌe tinge yahaiꞌe yaŋah ŋaiye Got ka angange yirise topoꞌe naŋ embere e unuh moihlaꞌ ŋaiye ka yurp laip bwore nye nyermbe ŋaiye yukur ka miꞌe.

Kolosi 1:15

Lenge miyeꞌ tuweinge yukur tatame ŋaiye ka yetekeꞌe Got, kut tinge tatame ka yetekeꞌ Krais. Kin ŋahilyeh taꞌe Got, topoꞌe talah miyeꞌ ŋendehei Got ŋaiye somohonme kin narp yerme ŋaiꞌe ŋaiꞌe ŋaiye Got ŋende.

Hibru 11:27

Ŋoihmbwaip Moses teŋeime Got bongol pe, kin tahar nasme Isip pe, kin nal. Kiŋ Isip ŋoihmbwaip pupwa me Moses, kom Moses yukur hiꞌ garnge kin. Bwore mise, Moses yukur ŋetekeꞌe Got, kom ŋaiye bilip kin pe, kin si ŋetekeꞌe Got pe, kin gan bongol supule.

Hibru 2:7

Ŋup seheiꞌe leꞌe pe, nin nember kin narp tuwihme lenge walip hlaꞌ. Nin ŋahraꞌe kin nanah pe, nin naparaꞌe kin topoꞌe yirise pe, nin naŋaꞌe wutuꞌ ŋaiye naŋ embere.

1 Pita 5:11

Mise. Naŋ embere topoꞌe bongol kin ilyehe se ka si nye nyermbe.

2 Pita 3:18

Kom ŋam masande ŋaiye sande tekeꞌe, topoꞌe ŋoihmbwaip michukor tikin Jisas Krais, Miyeꞌ nungwisme poi ŋaiye sai me yip ka tuhur bongol enge el el. Pa yahraꞌe naŋ embere kin nye nyermbe. Bwore Mise.

1 Jon 4:12

Kom yukur lahende ŋetekeꞌe Got. Ŋaiye poi mende nihararme lenge toꞌ tatai poi gwande ŋasande tikin Got pe, Got narp nato poi. Yaŋah tikin Got ŋaiye ŋende niharar lenge miyeꞌ tuweinge syeꞌ pe, luku si bongol gerenge sai nato laip poi.

Tup ŋaiye Jut nainge 1:25

Naŋ tikin Jisas Krais, Lahmborenge poi, ya lalme mirisukwarme Yai Got, kin yirise, naŋ kin ŋembere, kin bongol, topoꞌe kin miyeꞌ ondoh. Kin ilyehe sai bepteme ŋaiꞌe ŋaiꞌe lalme ŋaiye sai yerkeime, tukwini dindiꞌ leꞌe, topoꞌe mindemboi ka si tuꞌe luku enge el nye nyermbe. Bwore Mise.

Revelesen 15:3

Tinge yosoko wenersep tikin Moses, miyeꞌ wah tikin Got, topoꞌe Worsip Talah. Wenersep uku ki taꞌe leꞌe, Lahmborenge, nin Got, ŋaiye bongol sekete. Nin ŋende wah ŋoinde tikin, ŋaiye bongol supule no, ŋaiꞌe ŋaiꞌe lalme ŋaiye ni ŋende pe, ki bwore bwarme, topoꞌe mise supule. Nin na orp kiŋ lenge miyeꞌ tuweinge lalme nye nyermbe.

Revelesen 17:14

Lenge kiŋ syepumbur umbur, topoꞌe yuwor telpei, ŋaiye ŋoinde tikin supule se ka yende wondoh me Worsip Talah. Detale, kin Lahmborenge titinge lenge lahmborenge, topoꞌe Kiŋ titinge lenge kiŋ. Kom Worsip Talah nenge lenge lahmende ŋaiye jande kin se ka yohe wondoh me tinge. Lenge lahmende ŋaiye jande kin iki tinge mitiŋ, ŋaiye Got si nalaŋatme tinge no, kin nambaꞌe tinge pe, ŋoihmbwaip tinge teŋeime kin.”

Revelesen 19:1

Ŋaiꞌe ŋaiꞌe luku nal miꞌe pe, ŋam masande nal moihlaꞌ pe, lenge miyeꞌ tuweinge wondoh embere yosoko wenersep marnge taꞌe leꞌe, Ya hriphrip mirisukwarme Got. Got poi ilyeh kin nungwisme poi. Kin nambaꞌe naŋ embere, topoꞌe bongol supule.

Revelesen 19:16

O hihyilih sokolohe, ŋaiye kin dendeꞌ uku pe, naŋ ende sai ŋirope kin, Kiŋ lenge kiŋ, topoꞌe Lahmborenge lenge lahmborenge.

Revelesen 19:6

Miꞌe pe, ŋam masande diꞌ wusyep embere lenge mitiŋ wondoh embere. Diꞌ wusyep uku ki tas taꞌe diꞌ tikin loh pinip embere. Topoꞌe ki tas taꞌe dululul, ŋaiye buhu marnge. Tinge yanange na, Ya mahraꞌe naŋ tikin Got, kin Lahmborenge Bongol Sekete, ŋaiye kin bepteme ŋaiꞌe ŋaiꞌe lalme.

Revelesen 7:12

Tinge yanange taꞌe leꞌe, Mise, poi ŋoih miꞌmiꞌ me nin, detale, nin yirise supule. Sande tekeꞌe nin ka embere sekete. Poi mirisukwarme nin, topoꞌe poi yale naŋ embere me nin, topoꞌe nin ilyehe sai, nin Lahmborenge bongol sekete. Nin ilyehe sai, nin Got poi, ŋaiye narp nye nyermbe. Mise.