1 Tesalonaika 4:13 - Urat New Testament

¹³ Lenge toꞌ tatai poi, poi masande ŋaiye pa sisyeme bwore gondoume me ŋaimune ŋaiye ka ende me lenge mitiŋ ŋaiye somohon yule. Yip yukur pa ŋoihginirme tinge ŋahilyeh tuꞌe lenge mitiŋ ŋaiye yukur bilip me Got, na pakai.

1 Tesalonaika 4:13 ပူးပေါင်းရင်းမြစ်များ

Matyu 27:52

Pe kohmap ŋaiye ŋeheh ki bu nat nal hohou sai pe, lenge miyeꞌ tuweinge wula wula tikin Got ŋaiye tinge si yule pe, tinge plihe tahar.

Wusyep bwore tikin Jon 11:24

Ti wungwisme wusyep na, “Ŋam sisyeme ŋaiye ŋup yuwo ka tuhur.”

Aposel 13:36

Dewit ŋende wah ŋaiye Got nalaŋatme nange ka ende miꞌe pe, kin nule. Tinge yinise kin topoꞌe lenge mwan kaꞌ kin pe, wahriꞌ kin si gerŋen ko.

Aposel 7:60

Miꞌe pe, kin ŋasarꞌe ŋimbep pe, kin tambah nal me Lahmborenge na, “Lahmborenge! Yukur na ende wachaih elme tinge me hwap eꞌe ŋaiye tukwini tinge yende leꞌe.” Kin ŋanange taꞌe luku, miꞌe pe, kin nule.

Aposel 8:2

Lenge miyeꞌ bwore tikin Got yononde Stiven pe, tinge yilil me kin embere sekete. Ŋup uku pe, lenge miyeꞌ tuweinge sios ŋaiye yarp ya yoto Jerusalem yambaꞌe nihe syohe embere. Sol ŋende niharar ŋaiye ka ende yumbune lenge. Pe kin tas ŋoto yokoh tinge ilyeh ilyeh tongonose pe, kin narpe lenge ŋember nato mwahupwaiꞌe. Taꞌe luku pe, wula tinge tahar jarnge tangalai ya yoto moi lalme tikin provins Judia topoꞌe Samaria. Kut lenge aposel ŋilyehme, tinge teter yarp Jerusalem.

Pol nainge tup nal lenge Rom 1:13

Lenge toꞌ tatai ŋam! Ŋam masande ŋaiye yip pa sisyeme tuꞌe leꞌe. Ŋup wula wula ŋam ŋoihmeryembe ŋaiye ma muta metekeꞌ yip. Kom yaŋah ende yukur ginir tatame ŋaiye ma muta metekeꞌ yip nate tatame tukwini. Ŋam da mende wah motop yip ŋaiye mungwis yip tuꞌe ŋaiye ŋam plihe mende wah mungwis lenge haiten ŋaiye ka yimbilme ŋoihmbwaip.

1 Korin 10:1

Lenge toꞌ tatai ŋam, ŋam masande pa sisyeme bworerme ŋaimune ŋaiye somohon ŋende lenge mwan kaꞌ poi ŋupe ŋaiye tinge jande Moses pe, tinge lalme yarp tuwihme mwahit ŋaiye ki nal yerme tinge, topoꞌe ki samb lenge yaŋah ŋaiye tinge yal, topoꞌe tinge yerŋe Loh Pinip Yaihe.

1 Korin 12:1

Lenge toꞌ tatai, tukwini ŋam da mini yip bworerme yitini tikin Yohe Yirise ŋaiye yip tatame pa sisyeme bworerme.

1 Korin 15:6

Miꞌe pe, kin plihe nasambe kitikin nal lenge miyeꞌ tuweinge syeꞌ kitikin. Wutuꞌ tinge nengelyembe 500. Pe miyeꞌ tuweinge luku wula ŋembere tinge teter tukwini yarp, kut syeꞌ tinge si yule.

2 Korin 1:8

Lenge Kristen toꞌ tatai, poi masande yip pa sisyeme mane leꞌe ŋaiye lenge miyeꞌ syeꞌ nato provins Esia yende yatme poi. Mane leꞌe ŋaiye sai me poi pe, ki ŋembere sekete nengelyembe poi taꞌe ŋaiye poi da mule.

Efesus 2:12

Ŋup uku pe, yip yarp wohme Krais. Yip yarp ya tas wicherꞌ me lenge miyeꞌ tuweinge Israel ŋaiye Got nalaŋatme. Yip yukur yarp yal yoto wusyep tupwaiꞌ ŋaiye Got nupwaiꞌe ŋotop lenge miyeꞌ tuweinge kin. Yukur ŋainde bwore sai kekep eꞌe ŋaiye pa yurp yeseperhme ŋaiye mindemboi ka ungwisme yip, topoꞌe yip yukur sisyeme Got.

Efesus 2:3

Somohon poi lalme marp taꞌe lenge mitiŋ uku pe, poi gwande ŋasande ŋaiye ŋoihmbwaip telei topoꞌe ŋoihmbwaip potopoi. Ŋaiye poi ya murp tuꞌe luku pe, poi ya mambaꞌe yitini pupwa ŋaiye Got si ŋende miꞌmiꞌ sai ŋaiye ka angange lenge miyeꞌ tuweinge lalme ŋaiye yende pupwa.

1 Tesalonaika 4:14

Poi bilip nange Jisas somohonme nule miꞌe pe, mindemboi ka plihe ot. Topoꞌe poi bilip nange mindemboi Got ka ahraꞌe lenge Kristen miyeꞌ tuweinge ŋaiye somohon yule pe, ka yut topoꞌe Jisas.

1 Tesalonaika 4:15

Wusyep eꞌe ŋaiye poi mana yip malaŋatme pe, leꞌe wusyep tikin Got. Ŋupe ŋaiye Jisas ka ot pe, poi lenge miyeꞌ tuweinge ŋaiye teter tukwini marp eꞌe pe, yukur ya mil yerme lenge mitiŋ ŋaiye somohon yule, pakai.

1 Tesalonaika 5:10

Somohon kin nulme nungwisme poi lalme. Taꞌe luku pe, poi lahmende ŋaiye tukwini marp laip kekep eꞌe, topoꞌe lahmende ŋaiye si yule no, ŋupe ŋaiye Lahmborenge ka plihe ot pe, poi ya murp laip topoꞌe kin nyermbe nyermbe.

1 Tesalonaika 5:6

Taꞌe luku pe, poi lenge Kristen, ya mende miꞌmiꞌ murp tuꞌe ŋaiye miyeꞌ tuweinge yarp hlaꞌ. Yukur ya mite posoh tuꞌe lenge miyeꞌ syeꞌ, topoꞌe yukur ya monoꞌe pinip kwote.

2 Pita 3:4

Tinge yanange na, “Jisas ŋaiye kin ŋanange ka ot pe, tumboiyaꞌ ka ot? Lenge mwan kaꞌ poi si yule yal miꞌe, kom kekep eꞌe teter sai ŋahilyeh taꞌe ŋaiye somohonme ki sai.”

2 Pita 3:8

Lenge miyeꞌ yaŋam ŋam, yusyunde wusyep eꞌe. Pa ŋoihsipe, na pakai. Lenge miyeꞌ syeꞌ tinge ŋoiheryembe nange Lahmborenge kin gwaingwaiye ŋaiye ka ende gunde wusyep tupwaiꞌ kin. Kom ŋoiheryembe tikin Got pe, yukur ŋahilyeh taꞌe miyeꞌ, pakai. Ŋoiheryembe kin ŋoinde tikin. Got ŋetekeꞌe 1,000 wahtaip pe, ki ŋahilyeh taꞌe ŋaiye ŋup ŋilyeh. Kin syumbe narp ŋumwaiye ŋeseperhme yip. Detale, kin ŋasande nange lenge mitiŋ lalme ka yimbilme ŋoihmbwaip yutme kin. Kut kin garnge ŋaiye miyeꞌ ende ka talai.