1 Pita 2:6 - Urat New Testament

⁶ Wusyep sai nato Tup tikin Got ŋanange na, Ŋam member tumwange miyeꞌ bwore miꞌ supule ma moto Saion ŋaiye ŋam si malaŋatme nange ma member. Lahmende ŋaiye ŋoihmbwaip teŋeime kin pe, yukur ka se hiꞌe ŋaiye tinge jande kin, pakai.

1 Pita 2:6 ပူးပေါင်းရင်းမြစ်များ

Matyu 12:18

Leꞌe miyeꞌ wah ŋam ŋaiye ŋam si malaŋatme. Ŋam mende nihararme kin pe, ŋoihmbwaip ŋam hriphrip me kin supule. Ŋam ma member Yohe Yirise ŋam ka ote guhunuhme kin. Pe kin ka ininge alaŋatme wusyep me yaŋah ŋaiye Got ka iyarꞌe lenge miyeꞌ tuweinge lalme ŋaiye yarp kekep pe, luku ki bwore bwarme.

Wusyep bwore tikin Mak 12:10

Yip jonose wusyep ŋaiye sai ŋoto Tup tikin Got, lakai pakai? Wusyep uku kin ŋanange taꞌe leꞌe, Tumwange luku pe, lenge miyeꞌ ŋaiye yahrarange yukoh, tinge jarnge nange pupwa yehe pe, tinge buru yal. Kom tukwini pe, ki si tumwange miyeꞌ bwore ŋaiye ka ende bongolme yukoh.

Wusyep bwore tikin Luk 20:17

Kom Jisas bep nal tinge pe, kin ŋisilih lenge na, “O yip sisyeme wusyep eꞌe ŋaiye sai Tup tikin Got ŋaiye ŋanange na, Lenge miyeꞌ ŋaiye juhurꞌe yokoh jarnge tumwange bwore pe, tinge yiche kin yal. Kom kin plihe tahar lou miyeꞌ tumwange bwore.

Wusyep bwore tikin Luk 23:35

Miyeꞌ tuweinge lalme jan bep sai me Jisas, topoꞌe lenge miyeꞌ mbep lenge Juta yanange wusyep pupwa yende wime kin taꞌe leꞌe na, “Nin si nungwisme lenge mitiŋ syeꞌ. Taꞌe luku pe, ŋaiye nin Krais, Miyeꞌ alaŋatme tikin Got pe, na nungwisme nitei!”

Wusyep bwore tikin Jon 7:38

Ki taꞌe wusyep ŋaiye sai nato Tup tikin Got ŋanange na, ‘Lahmende ŋaiye ŋoihmbwaip kin teŋeime ŋam pe, pinip ka owe tus ŋoihmbwaip kin, ot el pe, ka orp laip nye nyermbe.’ ”

Aposel 1:16

“Iyai amai mende, somohon Yohe Yirise gahanahme Dewit no, kin ŋanange wusyep me miyeꞌ ende pe, wusyep tikin Got ŋaiye sai Tup si nat bwore mise ŋupe ŋaiye Judas nember Jisas nal syep lenge wachaih.

Pol nainge tup nal lenge Rom 10:11

Ki taꞌe wusyep ŋaiye sai nato tup ŋana poi na, “Lenge miyeꞌ tuweinge ŋaiye ŋoihmbwaip tinge teŋeime kin pe, yukur ka se hiꞌe.”

Efesus 1:4

Teter ŋaiye Got yukur ŋende kekep pe, kin si nalaŋatme poi ŋaiye ya murp moto Krais. Taꞌe luku pe, nato Krais ya murp yirise supule topoꞌe ya murp holi bwore mise supule mil ŋembep kin.

Efesus 2:20

Yip taꞌe yokoh ŋaiye Got ŋende. Lenge aposel, topoꞌe lenge profet pe, tinge taꞌe tumwange ŋaiye Got si ŋononde. O Krais Jisas pe, kin tumwange miyeꞌ bwore mise.

2 Timoti 3:16

Yohe Yirise nangange sande tekeꞌe wusyep tikin Got lalme, ŋaiye sai Tup tikin Got. Pe wusyep uku ki ŋai bwore, ŋaiye ka alaŋatme poi miyeꞌ tuweinge, ŋaiye ya sisyeme ŋaimune ŋaiye ki bwore. Topoꞌe ka uhyulme ŋoihmbwaip pupwa poi ŋaiye poi mende. Pe ka ende bongolme poi, topoꞌe ka alaŋatme poi ŋaimune ŋaiye ya mende pe, ka bwore bwarme.

1 Pita 2:4

Yip yutme Lahmborenge yurp topoꞌe kin. Kin taꞌe tumwange miyeꞌ bwore ŋaiye Got si nalaŋatme nange kin bwore miꞌ supule, kom lenge miyeꞌ tuweinge yanange nange kin pupwa yehe pe, tinge jarnge.

1 Pita 2:8

Wusyep ende sai Tup tikin Got ŋanange na, Tumwange luku mindemboi ka ende lenge miyeꞌ tuweinge ka tumbe. Tehei kin ŋaiye ka tumbe taꞌe leꞌe, ŋoihmbwaip tinge yukur teŋeime wusyep tikin Lahmborenge. Leꞌe wusyep ŋaiye somohonme Got si nalaŋatme nalme tinge ŋaiye ka junde.

2 Pita 1:20

Kom ŋendehei kin pa sisyeme tuꞌe leꞌe: Poi lalme yukur tatame ŋaiye ya mininge malaŋatme wusyep profet ende ŋaiye sai nato Tup tikin Got gunde ŋoihmbwaip poi ŋaiye ŋoihmeryembe, pakai.

2 Pita 3:16

Leꞌe wusyep kin ŋaiye kin nainge sai tup kin lalme. Wusyep kin syeꞌ ki pyenge pe, lenge mitiŋ syeꞌ ŋaiye bermbur tinge yukur sisyeme pe, tinge yuhyulme wusyep tehei kin yenge yal mwan. Ki ŋahilyeh taꞌe ŋaiye tinge yuhyulme wusyep syeꞌ ŋaiye sai nato Tup tikin Got. Taꞌe luku pe, tinge yende yumbune tititinge.