1 Korin 5:7 - Urat New Testament

⁷ Taꞌe luku pe, pa jinyenme yis tikin ŋoihmbwaip pupwa yiche yil no, pa yurp tuꞌe kakah ambaran ŋaiye yis pakai taꞌe ŋaiye tukwini yip yurp. Detale, Krais kin taꞌe worsip Pasova poi, ŋaiye tinge si yonombe yikil ya yanah ŋeser hendeinge yende ofa yalme Got ŋaiye ka ungwisme poi.

1 Korin 5:7 ပူးပေါင်းရင်းမြစ်များ

Matyu 13:33

Jisas plihe ŋana lenge wusyep tapimbilme ŋoinde na, “Lemame tikin moihlaꞌ pe, ki taꞌe leꞌe. Tuwei ende wambaꞌe yis pe, ti wimbilme topoꞌe kakah ŋuhruwet wula wula. Ki ŋanar sikirp gwaingwaiye pe, kakah uku tenenem anah embere.”

Wusyep bwore tikin Mak 14:12

Ŋup ŋendehei tikin Ŋup Ŋembere tititinge Kakah Ŋaiye Yis Pakai si nat. Ŋup uku pe, se ka yonombe worsip talah ŋaiye ka yende yono ŋai Pasova. Lenge jetalah yisilihme Jisas taꞌe leꞌe, “Ni ŋasande ya mila mende miꞌmiꞌ luh murpa no, na el la ende ŋai embere Pasova?”

Wusyep bwore tikin Jon 1:29

Nyermbe pe, Jon ŋetekeꞌe Jisas natme kin pe, Jon ŋanange na, “Yetekeꞌe! Kin Worsip Talah tikin Got, ŋaiye nongohe ŋoihmbwaip pupwa lenge miyeꞌ tuweinge tikin kekep!

Wusyep bwore tikin Jon 1:36

O ŋupe ŋaiye kin ŋetekeꞌe Jisas nat nal pe, kin ŋanange na, “Yetekeꞌe! Luku Worsip Talah tikin Got.”

Wusyep bwore tikin Jon 19:14

Ki sehei ŋaiye ŋau anar moikin bumbumbe pe, ŋup uku tinge yende miꞌmiꞌ ŋai embere tikin Pasova. Pe Pailat ŋana lenge miyeꞌ tuweinge na, “Yetekeꞌe kiŋ yip ihi!”

Pol nainge tup nal lenge Rom 3:25

Got nember Jisas nat ŋaiye ka ole no, wim kin ka turuꞌ ote guh ongohe hwap poi ŋaiye ŋoihmbwaip poi ka teŋeime kin. Got ŋende taꞌe luku gande ŋoihmbwaip bwore kin. Somohon Got nenge ŋembep ŋetekeꞌ lenge miyeꞌ tuweinge pe, yukur kin nember yitini pupwa hihwaiye natme lenge mitiŋ ŋaiye yende hwap.

1 Korin 10:17

Kakah sep ilyehe sai pe, poi lalme mono kakah uku. Taꞌe luku pe, poi lalme marp wahriꞌ ilyeh tikin Krais.

Efesus 4:22

Taꞌe luku pe, yember ŋaimun pupwa pupwa ŋaiye somohon yip yende liki yil tikihe. Jinyenme ŋoihmbwaip yerkeime pupwa yehe supule ŋaiye kete yip nenge nal ŋahwikin pupwa.

Revelesen 5:12

Tinge lalme luku yosoko wenersep marnge yal hlaꞌ na, Worsip Talah, nin ŋilyehe sai ŋaiye narp nanah hlaꞌ pe, somohon tinge yambe pe, nin nule. Poi ya mahraꞌe naŋ mirisukwarme nin. Detale, nin yirise, bongol supule, topoꞌe nin miyeꞌ lowe, topoꞌe sande tekeꞌe nin ŋembere sekete, topoꞌe nin na ambaꞌe naŋ embere, topoꞌe ŋoih miꞌmiꞌ tikin Got sai me nin.