1 Korin 14:7 - Urat New Testament

⁷ Topoꞌe ŋaiꞌe ŋaiꞌe taꞌe tumbuh, topoꞌe loutumbwah ŋaiye laip pakai no, tinge yenge yende wenersep. Ŋaiye diꞌ kin yukur tas gondoume pe, lenge miyeꞌ tuweinge ka sisyeme wenersep ŋaiye tinge yende ka tuꞌe la?

1 Korin 14:7 ပူးပေါင်းရင်းမြစ်များ

Matyu 11:17

‘Poi mosoko wenersep tikin dindiꞌ, kom yukur yip yukulꞌme wahriꞌ, topoꞌe poi mosoko wenersep miyeꞌ nule, kom yukur yip yilil!’

Wusyep bwore tikin Luk 7:32

Tinge taꞌe lenge lahmakerep ŋaiye jahilyeh yarp moi bumbe pe, tinge jal jal tambah yalme mekerep syeꞌ yanange na, ‘Poi munduhulꞌe tumbuh mende wenersep me yip, kom yukur yip hriphrip papalai yondolꞌme ŋihip, pakai. Poi mosoko wenersep milil gwonos gwonos, kom yip yukur yilil.’

1 Korin 13:1

Ŋaiye ŋam tatame ma mininge wusyep ŋimeser wula wula titinge lenge miyeꞌ tuweinge, topoꞌe ma mininge wusyep titinge lenge walip hlaꞌ, kom ŋaiye ŋoihmbwaip ŋam yukur ŋende nihararme lenge miyeꞌ tuweinge pe, wusyep ŋam taꞌe yerh ŋaiye tinge yendere no, ki ŋende titire, lakai ki taꞌe wuhu ŋaiye tinge yendere no, diꞌ kin tas pakaiye.

1 Korin 14:6

Lenge toꞌ tatai ŋam, ŋupe ŋaiye ma mut me yip no, ma mininge wusyep ŋilim tikin Yohe Yirise milme yip pe, luku ŋam mungwisme yip taꞌe la? Pakai supule. Sai ŋaiye ma mini yip wusyep tase ŋaiye Got si ŋana ŋam, topoꞌe ma mini yip sande tekeꞌe ŋaiye ŋam si mambaꞌe, topoꞌe ma mini yip wusyep profet ŋaiye natme Got, topoꞌe ma masamb yip sande tekeꞌe pe, luku ka ungwisme yip.

1 Korin 14:8

Topoꞌe miyeꞌ ŋaiye ŋunduhulꞌe ŋoih gal gal kom ŋaiye yukur ki ŋunduhulꞌe gondoume pe, lahmende tatame ŋaiye ka yende miꞌmiꞌ ŋaiye ka yurmbe wondoh.