1 Jon 2:1 - Urat New Testament

¹ Lenge talah ŋam, ŋam mainge wusyep eꞌe malme yip ŋaiye yukur pa yende pupwa. Kom ŋaiye lahende yip ka ende pupwa pe, miyeꞌ ende kin gan miyeꞌ mut poi ŋaiye ka ininge wusyep elme Yai erŋeme poi. Miyeꞌ uku, kin Jisas Krais, miyeꞌ bwore mise.

1 Jon 2:1 ပူးပေါင်းရင်းမြစ်များ

Wusyep bwore tikin Luk 10:22

Yai ŋam, nin si pwale ŋaiꞌe ŋaiꞌe tetehei lalme. Yai, nin ŋilyeh sisyeme talah nin, topoꞌe ŋam ilyeh sisyeme nin. Kom lahmende ŋaiye ŋam malaŋatme pe, ma masambe tinge no, ka sisyeme nin topoꞌe.”

Wusyep bwore tikin Jon 10:15

Kin ŋahilyeh taꞌe ŋaiye Yai kin sisyeme ŋam, topoꞌe ŋam sisyeme Yai. Topoꞌe ŋam masande ŋaiye ma maŋaꞌe laip ŋam ŋaiye ma mungwisme lenge worsip.

Wusyep bwore tikin Jon 13:33

Lenge talah ŋam, ŋam yukur ma motop yip murp gwaingwai. Pe yip pa talalai yahaiꞌ ŋam. Kom ma mini yip wusyep ilyeh ŋaiye ŋam si mana lenge Juta. Yip yukur pa yil luh moi ŋaiye ŋam mala mil.

Wusyep bwore tikin Jon 14:16

ma misilihme Yai ŋaiye ka yul yip nungwisme ende ŋaiye ka orp otop yip supule.

Wusyep bwore tikin Jon 14:6

Jisas nungwisme wusyep kin na, “Ŋam eꞌe ŋahwikin, topoꞌe tehei ŋaiye wusyep mise, topoꞌe ŋam tehei ŋaiye maŋaꞌe laip bwore mal lenge miyeꞌ tuweinge. O ŋahwikin ŋoinde yukur sai ŋaiye lenge miyeꞌ tuweinge ka yilme Yai, pakai. Ŋam ilyeh ŋahwikin.”

Wusyep bwore tikin Jon 21:5

Miꞌe pe, Jisas gal lenge na, “Lenge lahyambe, yip si jite ŋuyoꞌ syeꞌ lakai?” Tinge yungwisme wusyep kin na, “Pakai.”

Wusyep bwore tikin Jon 5:14

Nyermbe pe, Jisas ŋetekeꞌe miyeꞌ uku ŋanar nato yukoh yirise pe, kin ŋaname na, “Usyunde, tukwini nin si bwore miꞌe. Pe yukur na se plihe el ende hwap. Ŋaiye na ende pe, ŋainde pupwa embere ende minde ka ende yumbune nin.”

Wusyep bwore tikin Jon 5:36

Wah ŋaiye ŋam mende topoꞌe sande tekeꞌe ŋam pe, ki nengelyembe Jon. Wah uku Yai pwale ŋaiye ma mende. Topoꞌe ŋaimune ŋaiye ŋam mende pe, ki ŋasambe nange Yai ŋam nember ŋam mat.

Wusyep bwore tikin Jon 6:27

Yip yukur pa yende wah ŋaiye yambaꞌe ŋai ŋaiye ka pupwa! Napakai! Yip pa yende wah ŋaiye yambaꞌe ŋai tikin laip bwore ŋaiye sai nye nyermbe. Leꞌe ŋai ŋaiye Talah tikin Miyeꞌ ka yul yip. Detale, Got Yai si naŋaꞌe wutuꞌ me kin ŋaiye ka ende tuꞌe luku.”

Wusyep bwore tikin Jon 8:11

Ti wungwisme wusyep kin na, “Lahmborenge, miyeꞌ ende yukur gan eꞌe.” Jisas nungwisme wusyep ti na, “Ŋam topoꞌe yukur ma mende wusyep me nin. Ni el, kom yukur na plihe ende hwap uku.”

Aposel 7:52

Somohon lenge mwan kaꞌ yip yende yumbun lenge profet lalme, topoꞌe tinge yongomb lenge miyeꞌ lalme ŋaiye tinge yanange yoworꞌe yember nange miyeꞌ bwore bwarme ka ot. Kom tukwini pe, yip jarnge yember kin yal syep lenge wachaih pe, ki taꞌe ŋaiye yip yonombe kin nule.

Pol nainge tup nal lenge Rom 5:10

Somohon poi wachaih tikin Got, kom Talah kin nule nal loutungwarmbe pe, tukwini poi si ŋemei tikin Got. Laip tikin Jisas ŋaiye Talah tikin Got, ka ende poi ya murp ŋoihmbwaip ilyeh topoꞌe Got pe, Got nahraꞌe Talah narp laip pe, kin ka enge poi tupwaihme nihe syohe kin.

Pol nainge tup nal lenge Rom 6:15

Taꞌe luku pe, ŋoih miꞌmiꞌ tikin Got si ŋende poi marp hlaininge. Kut yukur poi marp tuwihme wusyep erŋeme, pakai. Pe luku ki taꞌe la, ya plihe mende hwap menge mil mil lakai? Napakai!

Pol nainge tup nal lenge Rom 8:34

Lahmende tatame ka ini poi nange ya mambaꞌe yitini pupwa me hwap ŋaiye poi mende? Pakai. Krais Jisas ŋilyeh kin tatame ka ininge wusyep uku, kom kin si nule pe, kin plihe tahar na narp nal syep non tikin Got pe, kin ŋisilihme Got ŋaiye ka ungwisme poi.

1 Korin 15:34

Yip pa ŋoiheryembe bworerme na, yukur pa plihe yende hwap, na pakai. Yip syeꞌ yukur sisyeme Got bworere pe, ŋam mana yip wusyep eꞌe ŋaiye yip pa hiꞌe.

2 Korin 5:21

Krais kin yukur ŋende hwap pupwa, pakai supule. Kom Got de ka ungwisme poi pe, kin nenge hwap pupwa poi lalme nate nikil nanah Krais pe, taꞌe ŋaiye kin miyeꞌ pupwa supule. Nato Krais pe, poi bwore bwarme mal ŋembep tikin Got.

Galesia 4:19

Lenge talah ŋam ŋaiye ŋam mende nihararme! Ŋam mambaꞌe syohme yip ŋahilyeh taꞌe ŋaiye tuwei de ta waraꞌe talah. Detale, ŋam masande ŋaiye pa yurp ŋahilyeh tuꞌe Krais.

Efesus 2:18

Nato Krais pe, Yohe Yirise ŋilyeh ŋaiye kin nember lenge Juta topoꞌe lenge haiten yatme Yai jande wah ŋaiye Krais ŋende me poi lalme.

Efesus 4:26

Topoꞌe ŋaiye ŋoihmbwaip yip ka nihe pe, yukur pa yusme ŋoihmbwaip nihe yip uku ka enge yip e oto hwap. Topoꞌe yukur pa yurpe tuhwar yip uku yenge si yi tutume ŋaiye ŋau ka e guh.

1 Timoti 2:5

Detale, Got esep ilyeh kin narp, topoꞌe miyeꞌ bumbe ilyeh ŋaiye kin narp bumbe me Got topoꞌe lenge miyeꞌ tuweinge lalme. Miyeꞌ uku Krais Jisas.

1 Timoti 3:14

Ŋam mainge wusyep eꞌe malme yip pe, ŋam ŋoihmeryembe ŋaiye sehei woh ma muta metekeꞌ yip.

Hibru 9:24

Krais yukur nato yokoh lotu ŋaiye miyeꞌ yenge syep yende. Yukoh lotu tikin kekep eꞌe ki nambaꞌe yipihinge ŋaiye yokoh lotu mise tikin Got. Kom Jisas kin nato moihlaꞌ pe, kin narp sehei me Got pe, kin ka ungwisme poi ininge wusyep topoꞌme Got.

Jems 1:27

Ŋaimune bwore bwarme ŋaiye Yai Got ŋasande ya mende pe, poi ya membepteme lenge talah wuhliye, topoꞌe lenge tuweinge ŋope me ŋaimune ŋaiye tinge seheiꞌe. Poi ya menge wahriꞌ poi mosokome ŋaiꞌe ŋaiꞌe pupwa kekep eꞌe ŋaiye ka upwaiꞌe poi.

Jems 3:9

Poi menge mut mahraꞌe naŋ tikin Lahmborenge topoꞌe Yai poi miꞌe pe, poi plihe manange wusyep pupwa ŋaiye ka ongomb lenge toꞌ tatai ŋaiye Got si ŋende tinge ŋahilyeh taꞌe kitikin.

1 Pita 2:22

Kin yukur ŋende pupwa ŋainde, lakai ŋanange wusyep molohe, pakai yohoꞌ supule.

1 Pita 3:18

Krais kin nule nilyehe sai me pupwa poi. Tinge yonombe no, kin nule pe, Yipihinge tikin Got plihe nahraꞌe kin narp laip. Kin miyeꞌ bwore bwarme supule, kom kin nule nanah loutungwarmbe me poi mitiŋ lalme ŋaiye mende pupwa no, ka enge poi otme Got.

1 Jon 3:18

Lenge talah ŋam, ŋoihmbwaip bwore bwore ŋaiye yende nihararme miyeꞌ ende yukur ŋaimune ŋaiye ya mininge wusyep ilyehme. Ŋoihmbwaip bwore bwore luku ki sai nato ŋoihmbwaip poi ŋaiye ya mende ŋaiꞌe ŋaiꞌe gunde. O ŋaiye ya mende ŋoihmbwaip bwore bwore ŋaiye yende nihararme miyeꞌ ende pe, luku ki sasambe nange ŋoihmbwaip bwore bwore tikin Got sai me poi.

1 Jon 3:5

Yip lalme si sisyeme nange pupwa ende yukur sai nato Krais, pakai supule. Kom kin nate gah kekep eꞌe ŋaiye ka ongohe pupwa lenge miyeꞌ tuweinge lalme.

1 Jon 3:7

Lenge talah ŋam, yukur pa yusyunde wusyep miyeꞌ ende ŋaiye ka se ote homboꞌe yeh yip, na pakai. Lahmende ŋaiye ŋende ŋaiꞌe ŋaiꞌe bwore pe, tinge ŋahilyeh taꞌe Krais ŋaiye kin bwore bwarme.

1 Jon 4:4

Kom lenge talah ŋam, yip tikin Got pe, yip si yengelyembe lenge profet homboꞌe. Detale, yipihinge tikin Got ŋaiye narp nato yip kin bongol nengelyembe yipihinge tikin Satan ŋaiye narp nato lahmende ŋaiye tititinge kekep eꞌe.

1 Jon 5:17

Pupwa lalme ŋaiye poi mende pe, ki embere lakai malaih, kom luku ki pupwa lalme. Kom pupwa syeꞌ yukur ka se ende poi ya mil nih, pakai.

1 Jon 5:21

Lenge talah ŋam, pa yisarꞌe ŋimbep me lenge got homboꞌe, na pakai. Yil wohe yangaꞌme tinge.

3 Jon 1:4

Ŋam hriphrip supule ŋaiye ŋam masande nange lenge talah ŋam tinge jande wusyep mise.