1 Jon 1:2 - Urat New Testament

² Laip bwore luku kin si nate tas halhale pe, poi metekeꞌe ŋai uku. Taꞌe luku pe, poi manange wusyep me ŋai uku, topoꞌe poi mana yip malaŋatme laip bwore luku ŋaiye ki sai nye nyermbe. Somohon kin narp topoꞌme Yai. Kom kin si nasme Yai nate gah halhale pe, poi metekeꞌe kin.

1 Jon 1:2 ပူးပေါင်းရင်းမြစ်များ

Wusyep bwore tikin Jon 1:18

Yukur miyeꞌ lakai tuwei ende yetekeꞌe Got. Talah esep ilyeh tikin Got uku pe, kin Got pe, kin narp sehei me Yai. Taꞌe luku pe, kin ilyehe ŋaiye pasam poi Got.

Wusyep bwore tikin Jon 1:4

Wusyep uku kin tehei ŋaiye laip, topoꞌe laip uku kin yirise ŋaiye naŋarꞌe nal lenge miyeꞌ tuweinge lalme.

Wusyep bwore tikin Jon 10:28

Ŋam mangang lenge laip bwore ŋaiye sai nye nyermbe pe, yukur ka yule. Topoꞌe yukur lahende ka se ongohe tinge angaꞌme syep ŋam.

Wusyep bwore tikin Jon 14:6

Jisas nungwisme wusyep kin na, “Ŋam eꞌe ŋahwikin, topoꞌe tehei ŋaiye wusyep mise, topoꞌe ŋam tehei ŋaiye maŋaꞌe laip bwore mal lenge miyeꞌ tuweinge. O ŋahwikin ŋoinde yukur sai ŋaiye lenge miyeꞌ tuweinge ka yilme Yai, pakai. Ŋam ilyeh ŋahwikin.”

Wusyep bwore tikin Jon 15:27

Yip topoꞌe pa yininge wusyep me ŋam ŋaiye ŋendeheiyeh yip yarp yotop ŋam yate jere tukwini.”

Wusyep bwore tikin Jon 16:28

Ŋam masme Yai pe, ŋam mate gwah kekep. Taꞌe luku pe, tukwini ŋam plihe masme kekep pe, ŋam mala milme Yai.”

Wusyep bwore tikin Jon 17:3

O laip bwore ŋaiye ka yurp nye nyermbe pe, ki taꞌe leꞌe, ka sisyeme nin Got bwore mise, topoꞌe ka sisyeme Jisas Krais ŋaiye nin nember nat.

Wusyep bwore tikin Jon 17:5

Yai, ŋupe ŋaiye kekep yukur nate sai pe, ŋam marp topoꞌe nin pe, naŋ embere ki sai me ŋam. Tukwini ŋam masande na plihe pule naŋ embere liki otme ŋam no, ma murp topoꞌme nin.

Wusyep bwore tikin Jon 19:35

Miyeꞌ ŋaiye ŋetekeꞌe ŋai uku pe, kin nainge wusyep me ŋaimune ŋaiye kin si ŋetekeꞌe. Wusyep mune ŋaiye kin nainge pe, ki bwore mise. Taꞌe luku pe, ŋoihmbwaip yip ka teŋeime wusyep ŋaiye ŋam manange me Jisas.

Wusyep bwore tikin Jon 21:14

Leꞌe nihun kin ŋaiye Jisas nate gereme lenge jetalah kin, ŋupe ŋaiye kin si nule miꞌe no, kin plihe tahar.

Wusyep bwore tikin Jon 3:13

Topoꞌe miyeꞌ ende yukur nanah moihlaꞌ, pakai. Talah tikin Miyeꞌ ilyeh nase moihlaꞌ nate gah kekep.

Wusyep bwore tikin Jon 7:29

Kut ŋam sisyeme kin. Ŋam marp motop kin pe, kin nember ŋam mat.”

Wusyep bwore tikin Jon 8:38

Ŋam manange wusyep me ŋaiꞌe ŋaiꞌe ŋaiye ŋam metekeꞌe ŋupe ŋaiye ŋam marp topoꞌe Yai ŋam. Kom yip yende ŋaiꞌe ŋaiꞌe jande ŋaimune ŋaiye yip yisande yatme yai yip.”

Aposel 10:41

Yukur lenge miyeꞌ lalme yetekeꞌe kin ŋup uku. Kut poi lahmende ŋaiye somohonme Got nalaŋatme ya mininge wusyep me kin mil me lenge miyeꞌ tuweinge, poi ilyehme metekeꞌe kin. Poi motop kin marp mono ŋai, topoꞌe monoꞌe pinip ŋupe ŋaiye kin tahar nasme nule.

Aposel 2:32

Got si ŋahraꞌe Jisas pe, poi lalme manange wusyep me wah eꞌe ŋaiye Got ŋende. Detale, poi si metekeꞌe.

Aposel 3:15

Yip yonombe miyeꞌ ŋaiye kin pwal poi laip. Kom Got plihe ŋahraꞌe kin. Taꞌe luku pe, poi si metekeꞌe ŋaiꞌe ŋaiꞌe taꞌe luku pe, poi ya si mininge wusyep nange kin si tahar narp laip.

Aposel 5:32

Taꞌe luku pe, poi topoꞌe Yohe Yirise manange moworꞌe mal halhale ŋaiꞌe ŋaiꞌe luku. O Yohe Yirise, kin yitini tikin Got ŋaiye kin nangange lenge miyeꞌ tuweinge ŋaiye jande wusyep kin.”

Pol nainge tup nal lenge Rom 8:3

Wusyep erŋeme tikin Moses yukur tatame ka se ungwisme poi ŋaiye ongohe ŋoihmbwaip yerkeime poi uku, pakai. Detale, poi yukur tatame ŋaiye ya gunde wusyep erŋeme. Kom Got ŋende yaŋah ŋoinde tikin ŋaiye kin de ka ungwisme poi. Kin nember Talah esep kin ilyeh uku nate gah taꞌe miyeꞌ kekep, kom kin yukur ŋende hwap taꞌe poi ŋaiye mende. Got ŋanange pakai me ŋoihmbwaip pupwa ŋaiye bepteme poi pe, kin pwal poi Talah esep kin ilyeh uku ŋaiye ka ole berme ŋoihmbwaip pupwa poi.

Galesia 4:4

Kom ŋupe ŋaiye ŋup kitikin uku si nat pe, Got si nember Talah kin nat. Kin nat taꞌe talah ŋaiye tuwei ende waraꞌe pe, kin narp tuwihme wusyep erŋeme lenge Juta.

1 Timoti 3:16

Wusyep tehei ŋaiye ŋoihmbwaip bwore tikin Got pe, ki ŋembere supule. Krais pasam poi ŋaiye kin nat taꞌe miyeꞌ hiꞌ. Yohe Yirise sasambe kin nange kin bwore bwarme supule pe, lenge walip hlaꞌ yetekeꞌe kin. Lenge miyeꞌ tuweinge yanange yalaŋatme wusyep me kin yalꞌe yalꞌe kekep lalme, topoꞌe lenge miyeꞌ tuweinge ŋaiye yarp yalꞌe yalꞌe kekep lalme yaŋaꞌe ŋoihmbwaip tinge yalme kin pe, Got nambaꞌe kin nenge nanah moihlaꞌ.

2 Timoti 1:10

Kom ŋaiye tukwini leꞌe pe, Krais Jisas, Miyeꞌ ŋaiye nungwisme poi lalme, si nate tas halhale miꞌe. Krais Jisas si ŋonombe bongol tikin nule, topoꞌe ŋoto wusyep bwore mise kin uku pe, kin ŋende lenge miyeꞌ tuweinge sisyeme laip bwore, ŋaiye sai nye nyermbe.

Taitus 1:2

Wusyep uku ki tehei ŋaiye ŋoihmbwaip poi ka teŋeime kin no, ka ungwisme poi ŋaiye ya murp topoꞌe kin nye nyermbe. Got teter yukur ŋende kekep topoꞌe ŋaitem pe, kin si ŋanange wusyep eꞌe. Got yukur ka se ininge pakaiye, pakai. Kin ka ende ŋai uku ot.

1 Pita 5:1

Taꞌe luku pe, wusyep ŋam eꞌe nalme yip lenge miyeꞌ embepteme nato sios tikin Got. Ŋam topoꞌe, ŋam miyeꞌ embep ende nato sios ŋahilyeh taꞌe yip. Ŋam ŋembep metekeꞌe ŋupe ŋaiye Jisas nambaꞌe nihe syohe. Pe ma murp mi moto bongol topoꞌe naŋ embere tikin Jisas ŋupe ŋaiye ka ot kekep eꞌe.

1 Jon 1:1

Poi lenge aposel da mini yip malaŋatme Wusyep Laip ŋaiye somohonme ŋendeheiyeh kin narp. Poi si masande metekeꞌe topoꞌe ŋembep potopoi. Hei, bwore mise, poi si metekeꞌe topoꞌe poi musuwaꞌe kili.

1 Jon 2:25

Taꞌe luku pe, Krais si ŋanange nalaŋatme nange ka pul poi laip bwore ŋaiye ka si nyermbe nyermbe.

1 Jon 3:5

Yip lalme si sisyeme nange pupwa ende yukur sai nato Krais, pakai supule. Kom kin nate gah kekep eꞌe ŋaiye ka ongohe pupwa lenge miyeꞌ tuweinge lalme.

1 Jon 3:8

Lenge miyeꞌ tuweinge ŋaiye yende ŋaiꞌe ŋaiꞌe pupwa pe, tinge jande yaŋah Satan. Tehei kin taꞌe leꞌe, somohon ŋendeheiyeh Satan kin ŋende pupwa. Taꞌe luku pe, talah bwore tikin Got nate gah kekep eꞌe ŋaiye ka ende yumbune wah tikin miyeꞌ pupwa Satan.

1 Jon 4:14

Pe poi si metekeꞌe, topoꞌe poi manange wusyep me Yai ŋaiye si nember Talah kin nate gah kekep eꞌe no, kin ka Miyeꞌ nungwisme poi.

1 Jon 4:2

Leꞌe tehei kin ŋaiye yip pa sisyeme bworerme nange luku yipihinge tikin Got. Lahmende ŋaiye ŋanange ŋoworꞌe ember naŋ Jisas Krais ŋaiye kin nat taꞌe miyeꞌ hiꞌ pe, Yohe Yirise tikin Got narp nato kin.

1 Jon 5:11

Taꞌe pe, leꞌe wusyep ŋaiye Got si ŋana poi, nange Got si pwal poi laip ŋaiye ka si nye nyermbe. Pe laip bwore luku ki tasme wah tikin Talah tikin Got.

1 Jon 5:13

Ŋam mainge wusyep eꞌe malme yip lahmende ŋaiye ŋoihmbwaip yip teŋeime Talah tikin Got no, pa sisyeme nange yip si yambaꞌe laip bwore ŋaiye sai nyermbe nyermbe.

1 Jon 5:20

Taꞌe luku pe, poi sisyeme nange Talah tikin Got si nat kekep eꞌe pe, kin pwal poi sande tekeꞌe no, ya sisyeme nange Got kin bwore mise. Poi marp ma moto Got mise, topoꞌe Talah kin Jisas Krais. Bwore mise, Jisas kitikin Got mise pe, kin laip bwore poi ŋaiye ka si nyermbe nyermbe.