1 Jon 1:10 - Urat New Testament

¹⁰ O ŋaiye poi manange nange poi yukur mende pupwa pe, liki poi manange nange Got, kin miyeꞌ homboꞌe. Taꞌe luku pe, yukur poi plihe maŋaꞌe dou sikirp me wusyep kin ŋaiye ka tihiꞌ oto ŋoihmbwaip poi, pakai supule.

1 Jon 1:10 ပူးပေါင်းရင်းမြစ်များ

Wusyep bwore tikin Jon 3:33

Lahmende ŋaiye ŋasande wusyep uku no, kin nambaꞌe nohor tahaiꞌ ŋoihmbwaip kin pe, ki sambe nange Got kin ŋanange wusyep mise.

Kolosi 3:16

Pa yonorh wusyep bwore bwore tikin Krais ŋaiye ka tihiꞌ oto ŋoihmbwaip yip. Yip pa papararme sande tekeꞌe ŋaiye pa yasambe lenge Kristen miyeꞌ tuweinge ŋaiye ka yende ŋaiꞌe ŋaiꞌe bwore. Pa yosoko wenersep yoto Tup Wenersep, topoꞌe wenersep syeꞌ ŋaiye lotu, topoꞌe wenersep syeꞌ ŋaiye Yohe Yirise nember nato ŋoihmbwaip yip. Yip pa yosoko wenersep hriphrip yilme Got topoꞌe ŋoihmbwaip yip.

1 Jon 1:8

Ŋaiye ya mininge nange poi yukur mende pupwa pe, liki poi mende homboꞌme ŋoihmbwaip poi, topoꞌe wusyep bwore mise yukur sai nato ŋoihmbwaip poi.

1 Jon 2:14

Ŋam mainge wusyep eꞌe malme yip lenge lahmakerep. Detale, yip lalme si sisyeme Yai Got. Ŋam mainge wusyep eꞌe malme yip lenge yai. Detale, yip si sisyeme Krais ŋaiye somohon ŋendeheiyeh kin. Ŋam mainge wusyep eꞌe malme yip lenge lahyambe. Yip si bongol. Detale, yip si sisyeme wusyep tikin Got bwore supule sai nato ŋoihmbwaip yip pe, yip si yengelyembe Satan.

1 Jon 2:4

Ŋaiye miyeꞌ ende ŋanange na, “Ŋam sisyeme Got kili”, kom kin yukur gande wusyep erŋeme tikin Got ŋaiye kin ŋanange pe, kin miyeꞌ homboꞌe, topoꞌe wusyep bwore mise yukur tahaiꞌ nato kin.

1 Jon 4:4

Kom lenge talah ŋam, yip tikin Got pe, yip si yengelyembe lenge profet homboꞌe. Detale, yipihinge tikin Got ŋaiye narp nato yip kin bongol nengelyembe yipihinge tikin Satan ŋaiye narp nato lahmende ŋaiye tititinge kekep eꞌe.

1 Jon 5:10

Taꞌe luku pe, lahmende ŋaiye ŋoihmbwaip kin teŋeime Talah tikin Got pe, wusyep uku tahaiꞌ nato ŋoihmbwaip kin. Ŋaiye miyeꞌ lakai tuwei yukur ŋoihmbwaip teŋeime Got pe, ŋoihmbwaip tinge yukur teŋeime wusyep mise tikin Got ŋaiye ŋanange Talah kin. Tinge yengelyembe wusyep tikin Got pe, lenge miyeꞌ tuweinge uku galme Got miyeꞌ homboꞌe.

2 Jon 1:2

Detale, poi si lalme masande wusyep mise luku pe, ki sai nato ŋoihmbwaip poi pe, ka si nye nyermbe.