Mataio 9:6 - Miriam Mer Gospels 1902

⁶ Ueakai uaba opasereret Le la Uerem nagri sirdam abele geseb ge E idigir uit giz, (E abim detager le ibibi), Ma ge tekuei, a ais mabara sik, a bakeam mabara meta.

Mataio 9:6 ပူးပေါင်းရင်းမြစ်များ

Mataio 4:24

Ege abara mer esauer a aserare Suria uridili; epe uiaba taraisare abim gim le giz uridili a gaire tonar gim; gako uader le asiasi demoni giz uiabi dedkoli, a uader le paim gim gako le giz ibibi; E uiaba uridili nadgiri.

Mataio 8:20

Ege Iesu abi detager, kega, Arobe nagri abara kur, a ebur giz epereda nagri uteb uteidi; ege Le la Uerem E nole abara uteb uteidi.

Mataio 9:2

Dasmerare, uiaba egardare abim abele le ibibi, E eidi abele sik; Iesu abi nardarare uiaba oituli, epe E abi detager abele le ibibi, Kara uerem ae, mara nerkep ua saserim, emetu adem dikri mara uit.

Mataio 9:5

Abelelam nade lu perper? nako abele mer abi detager, Mara uit emetu idigir; a nako abele mer abi detager, Tekuei, ma ge bakeam?

Mataio 9:7

E ge tekueilu, a bakeamulu tabara metaem.

MAREKO 2:10

Ko uabim paret kak, Le la Uerem adigiri gaire uit geseb ge adem dikri, (E le ibibi detager, kega,)

MAREKO 2:7

Nalugelam le dali detager mokakalam? E Ade desauersili, nete le umele uit dikri, Ade tepteb?

Luka 5:21

Epe aotale giz pako Faresaio giz uiaba dikiaporare, kega, Nete le dali E adud mer Adim? Nete umele uit idigiri, no Ade tepteb?

Ioane 10:28

A Kaka ko uiabim ikuar eded aseamur kak; a uiaba nole eud kak niaiem niai karem, a nole le uiabi natkedarare kara taglam.

Ioane 17:2

Mokakalam mama abi sirdam ikuar tumem gaire le uridili, ueakai E ko uiabi ikuar eded aseamur kak, gaire le mama abi ikuar.

Ioane 5:27

Emetu abi ikuar adigir ko itmer, abelelam E Le la Uerem.

Ioane 5:8

Iesu abi detager, kega, Ekue, mabara sik ekau, a bakeam.