Mataio 9:4 - Miriam Mer Gospels 1902

⁴ Ege Iesu de nardarare uiaba dikiaporare, epe E uiabim, kega, Nalugelam uaba adud dikiaporare uaba nerkep ge?

Mataio 9:4 ပူးပေါင်းရင်းမြစ်များ

Mataio 12:25

Ege Iesu opasereret uiaba dikiaporare, E uiabi daratagerare, Gaire baselaia uridili ese kurabkurab a uekueku, nole niai tekuei, a sobkak eseamulu; a gaire uteb uridili, pako boai giz, ese kurabkurab a uekueku, nole niai tekuei.

MAREKO 12:15

Nako, keriba ko ikuar, a keriba nole akuar kak? Epe E opasereret uiaba okardare, a uiabim detager, kega, Nalugelam uaba kari mirem? denari kari nakuar, kaka dasmer.

MAREKO 2:8

Sobkak Iesu opasereret muige abara nerkep abele uiaba dikiapor muige uiaba nerkep, E uiabim detager, kega, Nako uaba dikiapor mokakalam muige uaba nerkep?

Luka 11:17

Ege E opasereret uiaba dikiaporare, E uiabi daratagerare, kega, Gaire baselaia uridili epuli eseamuda; pako boai epuli nolea niaiem ekue.

Luka 5:22

Epe Iesu erdali uiaba dikiaporare, E uiabi detaut, kega, Nako dikiaporare uaba nerkep?

Luka 6:8

E umele uiaba dikiapore; epe E abi detager, nerute le tag euselu, Ma ekue, E ekue muige. E sobkak ekue.

Luka 7:40

Epe Iesu abi detager, kega, Simona, kara mer marim, ege E abi detager, Ereuer le, ma detager.

Ioane 16:19

Iesu umele uiaba laglag abim bautumer, E uiabim detaut, kega, Nako uaba uabu deraimerare kara merlam detaut, kega, Menaba, uaba nole kari nasmer, iako menaba, uaba ko kari nasmer?

Ioane 16:30

Peirdi, keriba umele mama opasereret gaire lu uridili, nole lu kar marim nerute le ko marim eutumer: abelelam keriba dikiapor mama tarabu Adelam.

Ioane 21:17

E iako thri abi detager, kega, Simona, Iona ra uerem, ma kari lag? Peteru okabatageli abelelam E thri abi detager, kega, Ma kari lag? E abi detaut, kega, Opole ma umele gaire lu uridili; a ma umele kaka mari lag. Iesu abi detager, kega, Kara mamoe giz darasisiare.

Ioane 6:61

Iesu umele, taba nerkep ge, abara kaimeg giz gumik mer atager abele, E uiabim detaut, kega, Nako, abele uabi bamsili?

Ioane 6:64

Uader uabielam nole oatur kak. Iesu umele gizlam uiaba nole oatur kak, a abele le abi keserkeser.