Mataio 9:33 - Miriam Mer Gospels 1902

³³ E abi imuare abele demoni; ege le mamoro mer etakalu, abele le te dabimdabim: ege lekub uiaba abi damarare, a mer detagerare, kega, Emeretalam meriba nole erdali nerute lu mokakalam Isaraela ge.

Mataio 9:33 ပူးပေါင်းရင်းမြစ်များ

Mataio 8:10

Ege Iesu asoli, E au damared, E uiabim detagerare gaire le abi irmilare, kega, Ageakar kaka uabi detagerare, kaka nole erdali nerute Isaraela le nagri au oituli mokakalam.

Mataio 9:32

Neis le bakeamulei; darasmerare, uiaba tegaret abele le te dabimdabim a demoni ko balu muige.

MAREKO 2:12

E ekueda, a sobkak tabara sik ekaida, a E osmeda uiaba op uridili; abelelam uiaba uridili damereda, a Ade despili, kega, Meriba nole dasmerauem tonar mokakalam.

Luka 11:14

E imud nerute demoni, ege E te dabimdabim. Ege demoni baos abielam, ege E mer etkalu, abele le te dabimdabim; ui ge gaire le giz abi damerare.

Luka 7:9

Ege Iesu asoli abele lu, E abi damared; E egreemalu, E uiabim detager, gaire le lakub uiaba abi irmili, Kaka uabim detager, Kaka nole umer kak nerute Isaraela le nagri au oituli mokakalam.