Mataio 9:22 - Miriam Mer Gospels 1902

²² Ege Iesu baseker, a abi erdalu, E detager, kega, Kara neur, mara nerkep au saserim, a ma eded maba oitulam. Ege abele kosker eded abele haua ge.

Mataio 9:22 ပူးပေါင်းရင်းမြစ်များ

Mataio 15:28

Ege Iesu abim detager, kega, Kosker ae, mara oituli aule: mara lag mokakalam a ko ikeli abkoreb marim. Epe abara neur ko akaida abele haua ge.

Mataio 17:18

Iesu abi daisumdalu, ege adem esomelu adige abele demona abielam; epe abele uerem ko eded akaida, ditimedlu abele haua ge.

Mataio 8:13

Ege Iesu abi detager abele kerem le, handed le abara nosik, Ma bakeam, mokakalam mara oituli, a ko ikeli marim abkoreb. Epe akaida abara memeg le abele haua ge.

Mataio 9:2

Dasmerare, uiaba egardare abim abele le ibibi, E eidi abele sik; Iesu abi nardarare uiaba oituli, epe E abi detager abele le ibibi, Kara uerem ae, mara nerkep ua saserim, emetu adem dikri mara uit.

Mataio 9:29

Ege E uiabi natutilu uiaba pone, a uiabi daratager, kega, Mokakalam uaba oituli, a ko ikeli abkoreb uabim.

MAREKO 10:52

Iesu abi detager, kega, Bakeam, ma eded mabi oatulam. E sobkak pone bakaerti, a Iesu irmili abele gab ge.

MAREKO 5:34

E abi detager, kega, Kara neur, mabi oaturlam ma eded akaida; mapodan kem bakeamulu, ma eded akaida mabara gimlam.

Luka 17:19

Ege E abi detager, Ma ekue, bakeamu: ege ma nagri eded mabi oatulam.

Luka 18:42

Ege Iesu de abi detager, kega, Mara pone obakaelei: mabi oatulam ma nagri eded.

Luka 7:50

Ege E abi detager, abele kosker, Ma eded abelelam ma oituli; Ma uerkab bakeamu.

Luka 8:48

Epe E abi detager, kega, Kara neur, mara nerkep saserim, maba oatulam ma eded akaida maba gimlam; ma uerkab bakeamu.

Ioane 4:53

Baba umele abele haua, Iesu abi detager, kega, Mara uerem eded akaida: E pako abara boai uridili oituli.