Mataio 9:2 - Miriam Mer Gospels 1902

² Dasmerare, uiaba egardare abim abele le ibibi, E eidi abele sik; Iesu abi nardarare uiaba oituli, epe E abi detager abele le ibibi, Kara uerem ae, mara nerkep ua saserim, emetu adem dikri mara uit.

Mataio 9:2 ပူးပေါင်းရင်းမြစ်များ

Mataio 14:27

Ege Iesu de sobkak uiabi daratagerare, kega, Uaba nerkep au saserim, kakanali, nole geum kak.

Mataio 4:24

Ege abara mer esauer a aserare Suria uridili; epe uiaba taraisare abim gim le giz uridili a gaire tonar gim; gako uader le asiasi demoni giz uiabi dedkoli, a uader le paim gim gako le giz ibibi; E uiaba uridili nadgiri.

Mataio 6:12

Adem dikri keriba uit, mokakalam keriba dikri ui uridili keribim dedkoeda.

Mataio 8:10

Ege Iesu asoli, E au damared, E uiabim detagerare gaire le abi irmilare, kega, Ageakar kaka uabi detagerare, kaka nole erdali nerute Isaraela le nagri au oituli mokakalam.

Mataio 8:16

Epe kikem, uiaba taraisare gaire le demoni barota; epe namuare adud lamar giz abele abara merlam, E idigiri uiaba gim le giz:

Mataio 9:22

Ege Iesu baseker, a abi erdalu, E detager, kega, Kara neur, mara nerkep au saserim, a ma eded maba oitulam. Ege abele kosker eded abele haua ge.

Mataio 9:5

Abelelam nade lu perper? nako abele mer abi detager, Mara uit emetu idigir; a nako abele mer abi detager, Tekuei, ma ge bakeam?

Mataio 9:6

Ueakai uaba opasereret Le la Uerem nagri sirdam abele geseb ge E idigir uit giz, (E abim detager le ibibi), Ma ge tekuei, a ais mabara sik, a bakeam mabara meta.

MAREKO 1:32

Kikem, lem baraigida, uiaba abim taraisare gaire, gim le, a gaire le sumes lamar nagri.

MAREKO 10:49

Iesu tekue, a detager, kega, Abi dabgeri. Uiaba sademer le dabgeri, a abi detager, kega, Saserimem: tekue, E mari dabgeri.

MAREKO 5:34

E abi detager, kega, Kara neur, mabi oaturlam ma eded akaida; mapodan kem bakeamulu, ma eded akaida mabara gimlam.

MAREKO 6:50

Abelelam ui uridili abi dasmer, epe uiaba geum. Sobkak E uiabi detagereda, kega, Saserimem; kai nali, nole geum kak.

Ioane 16:33

Kaka uabi detager abele gaire lu, ueakai uaba mapodan nagri karielam. Uaba asiasi nagri geseb ge: ua ko saserim, kaka emetu geseb degmori.

Ioane 2:25

A abelelam nole abi abkoreb nerute le ko etomereti nerute le la tonar; abelelam E umele abele gaire lu muige le la nerkep ge.

Ioane 21:5

Iesu uiabi detager, Kega, Omasker, nako, uaba leuer nagri? Uiaba abi detaut, kega, Nolea.