Mataio 8:8 - Miriam Mer Gospels 1902

⁸ Kerem le, netat handed le abara nosik, abi detager, kega, Opole ae, nole abkoreb ma tabakeam bao muige kara meta; epe netat mara mer tabarki, a idigir kara memeg le.

Mataio 8:8 ပူးပေါင်းရင်းမြစ်များ

Mataio 3:11

Kaka uabi bapataiso abele ni iaueakai uaba obazger; epe nerute le kari keubu ekas E au kale kari tumge, kaka nole abkoreb tais abara teter gab; E uabi bapataiso abele Lamar Zogo, gako abele ur;

Mataio 3:14

Ioane de abi daisumdalu, kega, Debele ma kari bapataiso, nako ma tabakeam karim?

Mataio 8:3

Ege Iesu ra tagu itirimuriklu a itutilu abim, E kega, Kara lag mari idigir. Epe sobkak idigir abara leper.

Mataio 8:7

Ege Iesu abi detager, kega, Mena kaka bakeamulu a abi idigir

Mataio 8:9

Abelelam kaka nerute le kari sirdam, a kaka sirdam abele gaire ares le; ese kaka abi detager nerute le, Ma bakeam, epe E bakeam; a nerute le, Ma tabakeam, a ko tabakeam; pako kara memeg le, Ma ikeli abele lu, epe E ikeli.

Luka 15:19

Nole abkoreb kaka mara uerem: debele kaka mokakalam nerute mara memeg le.

Luka 15:21

A ueremet abi detager, Baba, kaka emetu uit Le emeri kotor ge, pako mara opem: nole abkoreb kaka mara uerem.

Luka 5:8

Ege Simona Peteru umele, epe abi ekesmeri Iesu ra teter ge, kega, Opole, ma bakeamulu karielam, abelelam kaka uit le.

Ioane 1:27

E dali kari sorge ikas au kale kari tumem, kaka nole abkoreb ko detue abara teter gab mukub.