Mataio 8:4 - Miriam Mer Gospels 1902

⁴ Ege Iesu abi detager, kega, Debele ma nole atomeret kak nerute le; a ma bakeamulu mabu, etomeret abele zogo le, a ma abi ikuar zeku lu mokakalam Mose ra gelar, atamelam uiabim.

Mataio 8:4 ပူးပေါင်းရင်းမြစ်များ

Mataio 10:18

A uabi eguatumur tarima le a opole uiaba opem karielam, a ikeli ageakarem uiabim pako uiabim nogle giz.

Mataio 16:20

E uiabi daraisumdarare abara kaimeg giz nole ko atomeret kak nerute le E Iesu Keriso dali.

Mataio 17:9

Uiaba tabatueli abele paserlam, ege Iesu daraisumdarare uiabim, kega, Uaba nole atomeret kak nerute le abele lu uaba dasmerare, mena Le la Uerem ko eded akaida eudlam.

Mataio 3:15

Iesu etkalu abim, kega, Ma no bapataiso karim, abelelam abkoreb meribim bakedida gaire gelar barkak uridili; E mena abi asoli.

Mataio 5:17

Uaba nole dikiaporare kaka tabakeamud ko detui abele gelar, gako abele gaire perofeta giz ra mer; kaka nole tabakeamud ko detui, epe bakedida.

Mataio 6:1

Uaba nole nakuarare uaba nase lu le ra opem, iaueakai uiaba erdali ua mokakalam ikerare; ege nole uaba bodomalam nagri abielam uaba Aba emerilu kotor ge.

Mataio 9:30

Ege uiaba pone bakaerei; ege Iesu de au kase daratager neis le, kega, Uaba nole atomeret kak nerute le.

MAREKO 13:9

Uaba mamoro dasmer; uiaba uaba kotem emarik; a uaba ipit sunago ge; a uaba tegared gauana giz a au opole giz ra op karielam, uiabim atamelam.

MAREKO 3:12

E uiabim elele mer tigri, uiaba abi atomeret kak.

MAREKO 5:43

E elele uiabi mer tigri, nole nerute le atomeret kak abele mer; epe E uiabi detager, kega, Debele leuer abi ikuar.

MAREKO 6:11

Uiaba le giz uabi agared kak, a nole uabi asor kak, uaba bakeam abele gedelam, sep ditkeda uaba teter gablam uiabi atamelam. Ageakar, kaka uabi detagereda, kega, Niaiem gerger itmer, kebi bodamalam Sodomaem a Gomoraem tumem abele ged ge.

MAREKO 7:36

E uiabim mer tigri, kega, Nole, nerute le atager kak: E sagim uiabim mer tigri, uiaba elele daratagerare abele lu.

MAREKO 8:30

E uiabi mer tigri, nole nerut le abi atager kak abele.

MAREKO 9:9

Uiaba paserlam tabatueli, Iesu uiabi mer tigri, uiaba nole atomeret kak abele lu uiaba emetu dasmerare, pe kekiam Le la Uerem eded akaida eudelam.

Luka 17:14

Ege E uiabi nardarare, ege E uiabi daratagerare, kega, Bakeuare, ua natomertare zogozogo le. Ui ge bakeuare, epe uiaba idigiri.

Luka 21:13

Abele gaire lu uabim atamelam.

Luka 4:41

Ege gaire demoni giz uiaba osmed, ereretikri, kega, Mamanali Keriso Ade ra Uerem. Ege E uiabi daisumda, ege uiaba umer kak mer atager abim; abelelam uiaba umele E Keriso.

Luka 5:14

Epe E abi detaut, Ma nolea etomeret nerute le: debele ma bakeam abi etomeret abele zogozogo le, ma abi ais tonar ogdirup, mokakalam Mose ra gelar giz, ueakai uiaba umele abele atamelam.

Luka 8:56

Epe abara aba a apu uiaba au kase damreda: ege E uiabi daisumda nolea abi etomeret nerute le, abele lu emetu ikeli.

Luka 9:21

Epe E uiabim daraisumdarare, kega, Nolea nerute le etomeret abele lu;

Ioane 5:41

Kaka nole agaret kak naospili lelam.

Ioane 7:18

Abele le tababu detaut, E deraimer tababu baospili: abele le deraimer ko abi despereda, abi emarida, E dali ageakar, nole barbar tonar abi dog.

Ioane 8:50

Kaka nole deraimer karababu naospereda: ege nerute le deraimer, a baraditug.