Mataio 8:3 - Miriam Mer Gospels 1902

³ Ege Iesu ra tagu itirimuriklu a itutilu abim, E kega, Kara lag mari idigir. Epe sobkak idigir abara leper.

Mataio 8:3 ပူးပေါင်းရင်းမြစ်များ

Mataio 12:13

E abi detager abele le, Mara tag idrimurik. Epe abara tag idrimurik, a ko debele mokakalam nerute.

MAREKO 1:41

E abi omare, a tag itrimuda, a abi ituti, a abi detager, kega, Kara lag; ma idigiri

MAREKO 4:39

E tekue, uag daisumda, a gur detager, kega, Bamer, debe meda. Iako uag ekeamulu, ege metalu.

MAREKO 5:41

E neur ra tag erpeilu, a abi detager, kega, Talitha kumi; tonar abele mer, Neur, kaka mari natager, Ekue.

MAREKO 7:34

A kotorem egremalu, a ner batauerdelu, a abi detager, kega, Efatha, tonar abele mer, Diski.

MAREKO 9:25

Iesu gaire le lakub dasmer netat gedim koreder, E uit lamar daisumda, a abi detager, kega, Mama lamar te dabimdabim a grip batapili, kaka marim mer tigri, abielam toesmeda, a nole abi nerkep ge iako barot.

Luka 4:27

Ege emeri Isaraela uader lepera, abele kerker Elisaia perofeta emeri; a uiaba nolea le ogarup kak, ege no Naamana, Suria le.

Luka 5:13

Epe abara tag itrimud, E abi itut, kega, Kaka lagelage; mari ogdirup. Epe abara gim lepera akaid.

Luka 7:14

Ege E bakeam maike, E itut abele bao; epe, uiaba bakuare le eumid, uiaba ekue. E abi detager, Makeriam, kaka marim detager, Ma ekue.

Ioane 11:43

E emetu detaut abele, E elele ereretikri, kega, Lazaro, teosmeda.

Ioane 15:24

Ese kaka nole ikeli gaire lu uiaba opem, nole nerute le ikeli, uiaba nole uit kak: peirdi uiaba kari nasmer, a kari naorti, pako kara Aba ko.

Ioane 5:21

Mokakalam Aba gaire eud obakiam, a uiabi nadgirare; mokakalam Uerem nadgirare gaire le E laglag.