Mataio 8:20 - Miriam Mer Gospels 1902

²⁰ Ege Iesu abi detager, kega, Arobe nagri abara kur, a ebur giz epereda nagri uteb uteidi; ege Le la Uerem E nole abara uteb uteidi.

Mataio 8:20 ပူးပေါင်းရင်းမြစ်များ

Mataio 12:32

Ese le abi adud mer abele Le la Uerem, umele idigir, ege abele le abi adud mer abele Lamar zogo, umer kak idigir abele eded, pako niai eded.

Mataio 12:40

Abelelam mokakalam Iona muige abele au lar kem ge neis netat gerger ge, a neis netat ki ge; mokakalam Le la Uerem ko muige sep ge neis netat gerger ge, pako neis netat ki ge.

Mataio 12:8

Abelelam Le la Uerem sabath Opole.

Mataio 13:37

Ege E etkalu uiabim, kega, Abele le debe saido dikri, abele Le la Uerem;

Mataio 16:13

Iesu bakeamulu abele Kaisaria Filipo ra nener, E itimerare abara kaimeg giz, kega, Nalu gaire le la mer, karim nete?

Mataio 16:27

Abelelam Le la Uerem tabarki kemem pako abara angela taba Aba ra zorom ge; epe E bodomalam le giz abkoreb uiaba dorge.

Mataio 17:9

Uiaba tabatueli abele paserlam, ege Iesu daraisumdarare uiabim, kega, Uaba nole atomeret kak nerute le abele lu uaba dasmerare, mena Le la Uerem ko eded akaida eudlam.

Mataio 19:28

Ege Iesu uiaba detager, Ageakar kaka uabi detager, Uaba kari narmili, ese Le la Uerem egimuru taba opole bao ge a zorom ge, abele ko ditimedlu, a uaba ko bagiri opole bao ge tuelf, a mer atager Isaraela ra nosik tuelf.

MAREKO 8:38

Abelelam ese nerute le kari sirip ge, pako kara mer, eipu abele nosik adud le pako eruam le, abkoreb Le la Uerem ko abi sirip ge, E tabarki kemem gaire angela zogo, abara Aba zorom ge.

Luka 12:8

Kaka uabi detagereda, kega, Ese nerute le lut kara nei uanatomertare gaire le, Ade ra Uerem ko etomeret abara nei opem Ade ra angela.

Luka 18:8

Kaka uabi detagereda, E dudum nautumerare uiaba lu. Ese Le la Uerem uatabaruk, nako E nagri le abim oituli geseb ge?

Luka 2:12

Abele atamelam; Uaba erdar sursur uerem eid kau ra meta ge.

Luka 2:16

Ui ge dudum bakeauare, ege Maria uiaba nardardare, a Iosefa, a sursur uerem kau meta ge iperedare.

Luka 2:7

Ege abara kimiar uerem esmelu; E sursur derap, egaredlu kau meta ge irdilu, abelelam uiaba meta mitkar nolea abkoreb emeri okakis.

Luka 21:36

Debele uaba mamoro dasmer, a derser, a ner kak esorerapare, iaueakai uaba au saserim, gaire lu maike tabarki, a mamoro ekuei opem Le la Uerem.

Luka 8:3

Pako Ioana, Kusa ra kosker, Heroda ra memeg le E sirdam, pako Susana, pako uader kosker, uiaba abim memeg le uiaba lu.

Luka 9:58

Ege Iesu de abi detager, kega, Arobe nagri abara kur, pako gaire epereda ebur nagri uteb uteidi; epe Le la Uerem nolea uteb kak uteidi.

Ioane 1:51

Iesu abi detager, kega, Ageakar, ageakar kaka uabi detagereda, kega, Uarem uaba ko dasmerare kotor uanakesmur, a gaire Ade ra angela uatabatuer iako uabog tumem Le la Uerem.

Ioane 12:34

Gaire le abi detaut, kega, Keriba asoli gelarlam, kega, Keriso niaiem tekue: nalugelam mama detaut, kega, Ko armem egaret Le la Uerem? Nete Le la Uerem dali?

Ioane 13:31

E emetu eosmelu, Iesu detaut, kega, Peirdi, Le la Uerem despili, a Ade despili abielam.

Ioane 3:13

Nole nerute le ogi kotorem, epe mamoro E kotorlam uatabu, abele Le la Uerem kotor ge emri.

Ioane 3:14

Mokakalam Mose taba armem agisilu abele soge purge, pako mokakalam Le la Uerem ko arem agisilu:

Ioane 6:27

Nole sagim kak buzbuz leuer, epe mamoro niai leuer, a tabarki eded aseamur kak, Le la Uerem ko uabi ikuar; abelelam Baba, pe Ade, abi detakobi.

Ioane 6:53

Iesu uiabi detaut, kega, Ageakar, ageakar, kaka uabi detagereda, ese uaba nole eroli Le la Uerem ra gem, pako abara mam ere, uaba nole eded kak muige uaba nerkep ge.

Ioane 6:62

Nako, ese uaba dasmer Le la Uerem abara emeret utebem ogi?