Mataio 8:2 - Miriam Mer Gospels 1902

² Dasmerare, nerute lepera tabarki a etkobeilu abim, kega, Opole ae, ese ma lag ma umele kari idigiri.

Mataio 8:2 ပူးပေါင်းရင်းမြစ်များ

Mataio 10:8

Ua nadgirare gim le giz, a darapare lepera le, a nakiamare eud le giz, a daramuare demoni giz: uaba turum nagri, a uaba ko naisuerare.

Mataio 13:58

Epe Iesu nole gaire adigir ikeli abele uteb ge, abelelam uiaba nole oatur kak.

Mataio 14:33

Ege uader le muige abele nar tabakeuare abim esorgiru, a mer kega, Ageukar mamanali Ade ra Uerem.

Mataio 15:25

Ege E tabakeam abim a etkobeilu, kega, Abele Opole ae, ma kari upinati.

Mataio 18:26

Ege abele memeg le abim etkobeilu a esorgilu, kega, Opole ae, ma mena kari omare, kaka keubu ko bodomalam mara lu uridili.

Mataio 2:11

Uiaba barot abele meta, uiaba erdali abele uerem gako abara apu Maria, a uiaba esorgiru abim; uiaba detuerare a itiru uiaba lu, ege uiaba naisuerare abim nase lu, abele gold, gako sus lipano, gako abele sus muro.

Mataio 20:20

Ege abi tabaruk uiaba apu Zebedaio ra uerem okakis abara neis kimiar uerem, a abi etkobeilu, a damosdare nerute lu.

Mataio 26:6

Iesu emri Bethania, Simona lepera ra meta,

Mataio 28:17

Uiabi abi erdali, a uiaba abi esorgiru: epe uader le nole oatur kak.

Mataio 28:9

Ui bakeamlei etomeret abara kaimeg giz, dasmer, Iesu ui obapit a kega, Kaka uabi omare. A neis kosker tabakeamlam, a itut abara teter ge, a abi esorgiru.

Mataio 4:9

Ege E abi detager abim, Kaka mari nakuar marim gaire lu uridili, ese mama kari erkepsam a esorgiru.

Mataio 8:1

Iesu uatabu abele paerlam, epe abi irmili gaire le lakub.

Mataio 8:25

Epe abara kaimeg giz tabakeam, a abi itir, kega, Opole ae, ma uerkab keribim, a keriba maike nabaumer.

Mataio 9:18

E uiabi daratagerare abele gaire mer, Dasmer, abele kole tabarki E abim etkobeilu, kega, Kara neur emetu eumida; a ma tabakeam a dikmerik mara tagu abara tumge, iaueakai eded.

Luka 4:27

Ege emeri Isaraela uader lepera, abele kerker Elisaia perofeta emeri; a uiaba nolea le ogarup kak, ege no Naamana, Suria le.

Ioane 9:38

E detaut, kega, Opole ae, kaka oituli. E abi esorgiru.