Mataio 8:13 - Miriam Mer Gospels 1902

¹³ Ege Iesu abi detager abele kerem le, handed le abara nosik, Ma bakeam, mokakalam mara oituli, a ko ikeli marim abkoreb. Epe akaida abara memeg le abele haua ge.

Mataio 8:13 ပူးပေါင်းရင်းမြစ်များ

Mataio 15:28

Ege Iesu abim detager, kega, Kosker ae, mara oituli aule: mara lag mokakalam a ko ikeli abkoreb marim. Epe abara neur ko akaida abele haua ge.

Mataio 17:20

Ege Iesu uiabi detager, Abelelam uaba nole oatur kak: ageakar kaka uabi detager, Ese uaba oituli abkoreb abele sinapi ra turum, a uaba detagerare abele paser, Ma bakeam abele uteb ge; E umele bakeam; nole nerute lu ko obogai uabim.

Mataio 8:4

Ege Iesu abi detager, kega, Debele ma nole atomeret kak nerute le; a ma bakeamulu mabu, etomeret abele zogo le, a ma abi ikuar zeku lu mokakalam Mose ra gelar, atamelam uiabim.

Mataio 9:22

Ege Iesu baseker, a abi erdalu, E detager, kega, Kara neur, mara nerkep au saserim, a ma eded maba oitulam. Ege abele kosker eded abele haua ge.

MAREKO 7:29

E koskerim detager, kega, Abele merlam, ma bakeam; demoni emetu bakeam marara neurlam.

MAREKO 9:23

Iesu abi detager, kega, Ese mama umele! Gaire lu eseamuda umele abi abele le oituli

Ioane 4:50

Iesu abi detager, kega, Bakeam, mara uerem eded akaida. Abele le oituli abele mer Iesu de abi detager, E bakeamulu.