Mataio 7:7 - Miriam Mer Gospels 1902

⁷ Ua abi damsare, iaueakai uabi nakuarare; a uaba deraimerare, epe uaba erdali; a uaba abi dida mudumud iaueakai uabim diski.

Mataio 7:7 ပူးပေါင်းရင်းမြစ်များ

Mataio 18:19

Kaka uabi ko daratagerare, Ese uaba neis le abele geseb ge netate dikiapor nerute lu ko abi damsare kara Aba kotor ge, E ikeli abkoreb neis le la lag.

Mataio 21:22

Gaire lu uridili uaba karim damosare abele esoreraparlam, a oaturlam nagri, uaba ko nagri.

Mataio 6:33

Ege uaba kekiam deraimerare abele Ade ra baselaia, gako abara barkak tonar, iaueakai uaba gaire lu uridili nagri.

Mataio 7:11

Dasmerare, uaba adud le, ese uaba umele nakuarare debe lu uaba omasker giz, nako uaba Aba penoka dali kotor ge, nole uabi nakuarare au debe lu giz uiaba le abi damsare?

Mataio 7:8

Abelelam ese le abi damsare E nagri; abele le deraimer E abi erdali; a diski abele le abi dida mudumud.

MAREKO 11:24

Abelelam, kaka uabi detagereda, kega, Gaire lu uridili uaba damos esorerapare ge, oituli uaba ko nagri, epe uaba ko nagri.

Luka 13:25

Ese eseamud meta kemle ekuei, a dimi abele gab te, a uaba ekuei adige, gab te ipit, kega, Opole, Opole, keribim diski; E detaut, kega, Kaka nole umer kak uaba nagelam;

Luka 18:1

Ege E uiabi detaut nerute mer babisidarie, iaueakai ner kak esorerapare, a nolea obogai;

Ioane 15:16

Uaba nole kari natarare, epe kaka uabi ditararda, a uabi depegereda, ueakai ua bakuare turum turum, a uaba turum niaiem tekue: ueakai Baba de ua dekuarare gaire lu uridili ua abi damsare kari neilam.

Ioane 15:7

Ese uaba kara nerkep ge bameri, a kara mer uabi nerkep ge tarageri, ua ko damsare gaire lu uaba lagelag, ueakai ikeli uabim.

Ioane 4:10

Iesu detaut, a abi detager, kega, Ese mama umele abele lu Ade ikuar, pako le dali mari natager, Kari ni nakuar; ese mama emetu abi damos, E ko mari nakuar eded ni.