Mataio 7:22 - Miriam Mer Gospels 1902

²² Gaire le kari detagarare niai gerger, Opole ae, Opole ae, nako keriba nole perofeta mara nei ge? a mara nei ge ko keriba dituaki gaire demoni giz? a mara nei ge ko keriba ikerare gaire adigir?

Mataio 7:22 ပူးပေါင်းရင်းမြစ်များ

Mataio 10:15

Ageakar kaka uabi detagered, Abele itimer gerger kebi bodomalam Sodomaem a Gomoraem tumem abele uteb ge.

Mataio 24:36

Ege abele kerker pako abele haua ge nole le asmer kak, a angela giz kotor ge nole umer kak, ege kara Aba tepteb.

Mataio 25:11

Keubu uader neur ko tabakeuare, a uiaba kega, Opole ae, Opole ae, ma diski abele te keribim.

Mataio 7:21

Umer kak barota kotor baselaia uiaba uridili kari mer mokakalam, Opole ae, Opole ae; epe abele le ikerare kara Aba ra lag penoka dali kotor ge.

Luka 10:12

Kaka uabi detager, kega, Abele gerger kebi bodomalam Sodomaem abele uteb ge.

Ioane 11:51

E nole noge detaut ege: E tarim zogozogo le abele urut ge, E perofetaem, kega, Iesu ko eumida ab ged ra kes: