Mataio 6:9 - Miriam Mer Gospels 1902

⁹ Dasmerare, uaba esorerapare mokakalam: Keriba Aba kotor ge, zogoem mara nei.

Mataio 6:9 ပူးပေါင်းရင်းမြစ်များ

Mataio 10:29

Nako nole bodomalam neis kebi ebur abele asari? nole nerute abi abele sep ge a uaba Aba mamoro dasmeri.

Mataio 23:9

Uaba nole nerute le geseb ge nei atker uaba aba; abelelam netate uaba Baba, penoka dali kotor ge.

Mataio 26:29

Kaka uabi detager, kega, Kaka nole aree kak abele uina turumlam, mena bakedida abele gerger kaka ko aree abele kerkar uaina uabi kemem kara Aba ra baselaia.

Mataio 26:42

E iako bakeam, a esorerapare, kega, Kara Aba ae, ese nole umele adem abele tanelu karielam, mena kaka aree, mabara lag ikeli.

Mataio 5:16

Uaba datki mokakalam le la opem, iaueakai uiaba erdali uaba debe tonar, uiaba naospered uaba Aba emeri kotor ge.

Mataio 5:48

Dasmerare, abkoreb uaba debe tonar kemerkemer, mokakalam uaba Baba emerilu kotor ge, E debele kemerkemer.

Mataio 6:14

Abelelam ese uaba dikri le la uit; ege uaba Aba dali kotor ge adem dikri uaba uit.

Mataio 6:6

Ese ma esorerapare, ma ge bao mabi uteb ge, a dimi abara te, ege ma abi esorerapare mara Baba penoka dali ardar kak uteb ge; mara Baba E darasmerare abele ardar kak uteb ge, E mari nakuaroa paret kak mari bodomalam.

Mataio 7:11

Dasmerare, uaba adud le, ese uaba umele nakuarare debe lu uaba omasker giz, nako uaba Aba penoka dali kotor ge, nole uabi nakuarare au debe lu giz uiaba le abi damsare?

Luka 15:18

Debele kaka nakueilu nabakeamulu karbara abem, a abi detager, Baba, kaka uit Le emeri kotor ge, pako mara opem:

Luka 15:21

A ueremet abi detager, Baba, kaka emetu uit Le emeri kotor ge, pako mara opem: nole abkoreb kaka mara uerem.

Luka 2:14

Ua ge desperare Ade ra kotor lu, uerkab ge gesepem, au omare le uridili.

Ioane 20:17

Iesu abi detaut, kega, Nole kari atutir kak; abelelam kaka nole karba Babim ogi: bakeamulu uiabim kara keimer giz, a uiabi daratagerare, kega, Kaka Abem pako uaba Aba ogi, kara Ade a uaba Ade.