Mataio 6:31 - Miriam Mer Gospels 1902

³¹ Dasmerare, uaba nole okadeskeda, gako mer mokakalam, Na leuer meriba aroare? a na ni meriba ere? a na am uali meriba amear?

Mataio 6:31 ပူးပေါင်းရင်းမြစ်များ

Mataio 15:33

Ege abara kaimeg giz abi detagerare, Meriba nagelam gaire areto nagri abele sumez ge, iaueakai dordor le ra kem osmeda?

Mataio 4:4

E etkalu, kega, Emetu detarare, Nole leuer tepteb le eded, epe Ade ra mer uridili etomeret abi telam.

Mataio 6:25

Abelelam kaka uabi detagereda, Uaba nole okadeskeda uaba eded, na leuer uaba eroare, a na ni uaba ereare; gako uaba gem na lu uaba ameare. Nako eded nole aule abele leuerlam, gako abele gem abele amelam?

Mataio 6:27

Na le dali uaba umele abara okadeskeda, E asaimer abara eded netat kubita?

Luka 10:41

Ege Iesu de abi detager, kega, Maretha, Maretha, ma lu lag gesebge, no pama geseb lu dikiapoare:

Luka 12:11

Ese uaba eguatumur sunagoem, a opole, a tarim le, ua geum kak mer detautauem, nako ia detautare:

Luka 12:22

Ege E uiabi daratagerare, tabara kaimeg giz, kega, Abelelam kaka uabi detagereda, kega, Uaba nole au kase dikiapor uaba eded, na leuer uaba eroare; gako uaba gem, na lu uaba ameare.

Luka 12:29

Uaba nolea deraimerare, nalu ia eroare, nalu ia ereare; uaba nerkep nolea dikiapor gaire lu.