Mataio 6:25 - Miriam Mer Gospels 1902

²⁵ Abelelam kaka uabi detagereda, Uaba nole okadeskeda uaba eded, na leuer uaba eroare, a na ni uaba ereare; gako uaba gem na lu uaba ameare. Nako eded nole aule abele leuerlam, gako abele gem abele amelam?

Mataio 6:25 ပူးပေါင်းရင်းမြစ်များ

Mataio 10:19

Ese uiaba uabi demarida, uaba nole okadeskeda nako a nalu uaba mer detaut; abelelam E uabi etomeret abele haua ge nerute mer uaba detaut.

Mataio 13:22

Abele le egared abele saido abele sumez lu daradar, abele le E asoli abele mer, epe abara nerkep okadeskedi gaire lu abele gesep ge, pako abele bes lu lag a edarabi abele mer, epe nole turum kak.

Mataio 6:31

Dasmerare, uaba nole okadeskeda, gako mer mokakalam, Na leuer meriba aroare? a na ni meriba ere? a na am uali meriba amear?

Mataio 6:34

Dasmerare, uaba nole okadeskeda abele idim ge; abelelam okadeskeda idim ge abgerger abara lu, abkoreb abele gerger abara adud.

MAREKO 13:11

Ese uiaba uaba tegared, a uaba emarida, uaba nole kekiam deraimeri a dikiapor na mer ko detager; abele gerger ua ko detager, abele mer uabi nakuar; a nole uaba detager, mamoro Laniar Zogo.

MAREKO 4:19

Epe gaire dikiapor lu lag geseb ge uiabi nerkep ge badari, pako geseb lu okardarem, pako uader lu lag, abele mer etarapi, epe nole turum kak.

Luka 12:11

Ese uaba eguatumur sunagoem, a opole, a tarim le, ua geum kak mer detautauem, nako ia detautare:

Luka 8:14

Abele uader lu eipu daradara ge emor, uiaba abele mer asoli, uiaba bakeauare epe gaire dikiapore lu lag geseb ge uiaba nerkep ge badari, pako geseb lu okardarem, pako uader lu lag, abele mer etarapi, abelelam turum nolea ageg.