Mataio 6:20 - Miriam Mer Gospels 1902

²⁰ Epe uaba aukase deraimerare uaba kotor lu, nole degem a nole lee umer kak eseamulu, nole le eroam, E abi daiui a ko eroam;

Mataio 6:20 ပူးပေါင်းရင်းမြစ်များ

Mataio 19:21

Iesu abim detager, Ese ma lagelag debele kemerkemer, mara tonar ma bakeam a ko terapei gaire mara lu, ma uiabi nakuarare gaire lu kak le, iaueakai mara lu nagri kotor ge gaire debe lu giz, a ma tabakeam, kari narmili.

Mataio 6:19

Uaba nole aukase deraimerare uaba gesep lu, a nagri degem gako lee umele eseamulu, a nagri le eroam, E abi daiui a ko eroam:

MAREKO 10:21

Iesu abi dasmer, a abi omare, a abi detager, kega, Netate lu ma nolea; bakeamu, a mabara lu terapei, a gaire le lu kak nakuarare, iako mara lu nagri kotor ge; a tabakeam satauro ekadar, a kari narmili.

Luka 12:33

Debele uaba lu bodomalam, ueakai uabi ikuar; ueakai uaba nagri debe epei, kotor lu nolea eseamur kak, nolea maike eruam le, a nolea degem aro kak.

Luka 18:22

Ege Iesu de asoli abara mer, ege abi detager, kega, Netate lu ma nolea erdali: ma terapei mara lu uridili, ma naisuerare uader le nole lu kak, iaueakai ma nagri debe lu kotor ge: a ma tabakeam, kari narmili.