Mataio 6:10 - Miriam Mer Gospels 1902

¹⁰ Mamoro mara baselaia sepem uatabu. Ikeroa mabara lag abele gesep ge, mokakalam kotor ge.

Mataio 6:10 ပူးပေါင်းရင်းမြစ်များ

Mataio 12:50

Abelelam abele le ikeli kara Baba ra lag penoka kotor ge, E dali kara keimer, pako kara berbet, a kara apu.

Mataio 16:28

Ageakar kaka uabi detagereda, Uader le ike nole eud kak, mena dasmerare Le la Uerem ko tabarki abara baselaia ge.

Mataio 26:42

E iako bakeam, a esorerapare, kega, Kara Aba ae, ese nole umele adem abele tanelu karielam, mena kaka aree, mabara lag ikeli.

Mataio 3:2

Kega, Ma obazgeda, abelelam kotor baselaia maike.

Mataio 4:17

Abele kerker Iesu ditimeda ko marau, kega, Uaba obazgeda; abelelam kotor baselaia maike.

Mataio 7:21

Umer kak barota kotor baselaia uiaba uridili kari mer mokakalam, Opole ae, Opole ae; epe abele le ikerare kara Aba ra lag penoka dali kotor ge.

MAREKO 11:10

Uerkab Dauida ra baselaia, meriba aba, tabarki Opole ra nei: Hosana gaire lu tum ge.

MAREKO 3:35

Abelelam abele le Ade ra lag ikeli, E dali kara keimer, a kara berbet, a kara apu.

Luka 19:11

Ui ge dimiruartare abele lu, ege E uiabim ko detager nerute mer babisdarie, iaueakai maike Ierusalema, abelelam ui dikiaporare Ade ra baselaia pe detomereta.

Luka 19:38

Ege uiaba detautare, kega, Uerkab pe abele Opole, tabarki Iehoua ra nei ge: uerkab kotor ge, a deseper abele lu tumege.

Luka 22:42

E abi detager, kega, Aba, ese ma lagelag, abele tanelu karielam adem: kara lag nole ikeli, debele mabara lag ikeroa.

Ioane 4:34

Iesu uiabi detager, kega, Kara leuer ko ikeli abara lag, kari namarida, a ko eseamuda abara dorge.

Ioane 6:40

Abara lag peike, kari namarida, kega, Gaire le uridili Uerem dasmerare, a abi oituli, uiaba eded nagri aseamur kak: epe kaka ko uiabi nakiamda keubu gerger ge.

Ioane 7:17

Ese nerute le lagelag abara lag ikeli, E ereuer akmer, nako Adelam, nako kaka detaut karbabu.