Mataio 6:1 - Miriam Mer Gospels 1902

¹ Uaba nole nakuarare uaba nase lu le ra opem, iaueakai uiaba erdali ua mokakalam ikerare; ege nole uaba bodomalam nagri abielam uaba Aba emerilu kotor ge.

Mataio 6:1 ပူးပေါင်းရင်းမြစ်များ

Mataio 16:27

Abelelam Le la Uerem tabarki kemem pako abara angela taba Aba ra zorom ge; epe E bodomalam le giz abkoreb uiaba dorge.

Mataio 16:6

Iesu uiabim detager, Uaba au derarati adem abele Faresaio giz ra leuen, pako Sadukaio giz ra leuen.

Mataio 23:13

Uaiai uaba aotale pako Faresaio, bes le giz! abelelam uaba dimi abele kotor baselaia lelam; abelelam uaba umer kak barot, a uaba ko daraisumdarare uader le barota.

Mataio 23:5

Gaire uiaba dorge uridili ikerare, iaueakai le giz uiabi darasmerare: uiaba ikerare au filakteri, pako ko au sisero uiaba am uali,

Mataio 25:40

Ege Opole uiabi etkalu, kega, Ageakar kaka uabi detager, Abelelam uaba ikerare nerute le kebi kale kara keimer ike, kakanali uaba ikerare.

Mataio 5:16

Uaba datki mokakalam le la opem, iaueakai uiaba erdali uaba debe tonar, uiaba naospered uaba Aba emeri kotor ge.

Mataio 5:46

Abelelam ese uaba abi nasenase uader le uabi nasenase, nalu uaba bodomalam nagri? nako telona giz nole ikerare mokakalam abele tonar?

Mataio 5:48

Dasmerare, abkoreb uaba debe tonar kemerkemer, mokakalam uaba Baba emerilu kotor ge, E debele kemerkemer.

Mataio 6:16

Ese uaba leuer baili, nole opauzi mokakalam bes le giz; abelelam uiaba dedkoli uiaba op, iaueakai gaire le nardarare uiaba leuer baili. Ageakar ka uabi detagereda, Uiaba bodomalam nagri.

Mataio 6:9

Dasmerare, uaba esorerapare mokakalam: Keriba Aba kotor ge, zogoem mara nei.

MAREKO 8:15

E uiabi mer tigri, kega, Beber dasmer, abele Faresaio ra leuen, a Heroda ra leuen mamoro dasmer.

Luka 11:35

Marim, nole kupkupi datki muige mari dog.

Luka 12:1

Ege gaire le lakub tabakeuare netat uteb ge etami, ege E ditimeda uiabi marao, tabara kaimeg giz, kega, Uaba dekaer Faresaio ra lu erperida, uiaba bes.

Luka 12:15

Ege E uiabi daratagerare, kega, Ua asesered uaba nolea geseb lu lag: abelelam nolea le eded geseb lulam.

Luka 16:15

E uiabi daratagerare, kega, Uaba tonar no bes barkak le la opem; epe Ade umele dikiapore uaba nerkep: abelelam ese debe lu le la opem, E adud Ade ra opem.

Ioane 12:43

Abelelam lu kar uiabim despili lelam, tumem despili Adelam.

Ioane 5:44

Epe nako uaba ko oituli, uaba baospili egaret uabielam, a nole araimer kak naospereda Adelam tepteb?