Mataio 5:46 - Miriam Mer Gospels 1902

⁴⁶ Abelelam ese uaba abi nasenase uader le uabi nasenase, nalu uaba bodomalam nagri? nako telona giz nole ikerare mokakalam abele tonar?

Mataio 5:46 ပူးပေါင်းရင်းမြစ်များ

Mataio 11:19

Ege Le la Uerem ko tabarki E eroli a eri, ege uiaba mer abim, Dasmer, E au leuer lag, a au lagelag uaina eri, a telona ra kaimeg pako uit le giz! Epe nei atker abele pardale barkak tonar abara omasker.

Mataio 18:17

Ese E nole asoli uiaba neis le, ma abi etomeret abele ekalesia: ese E nole asoli abele ekalesia, ma abi dikiapor mokakalam kupikupi le, pako telona le.

Mataio 5:47

Ese uaba tepteb nasenase uaba boai, nalu lu aule uaba ikerare? nako telona giz nole ikerare mokakalam?

Mataio 6:1

Uaba nole nakuarare uaba nase lu le ra opem, iaueakai uiaba erdali ua mokakalam ikerare; ege nole uaba bodomalam nagri abielam uaba Aba emerilu kotor ge.

MAREKO 2:15

Abele iobaru, E abara meta ge emeri leuer ero, telona giz a uit le giz kemem emeri Iesui dog, a abara kaimeg giz; abelelam gaire le uiaba abi irmilare.

MAREKO 2:16

Aotale giz a Faresaio giz abi dasmer kemem leuer ero telona giz a uit le giz, uiaba tabara kaimeg giz daratagerare, kega, Nako E kemem leuer ero a ereli telona giz a uit le giz?

Luka 15:1

Ege telona uridili pako uit le, uiaba tabakeauare abim, uiaba lagelag asoli.

Luka 18:13

Abele telona ekuei muriz ge, umer kak kotorem egreemalu, epe marmot ge bamu, a detager, kega, Kara Ade, ma omare kaka uit le.

Luka 19:2

Dasmer nerute le, abara nei Sakaio; E au telona le, a lu giz.

Luka 19:7

Ege gaire le giz abi erdarare, a uiaba mudmer, kega, E bakeamu uit le la meta.

Luka 3:12

Ege telona giz bakeauare abim, kega, Keriba lagelag bapataiso, Ereuerem le ae, nalu lu ki akerare?

Luka 5:29

Ege Leui E ikeli uetpur abara meta ge abim: gaire telona giz abi kemem, pako uader uteid baiter uiaba eroli okakis

Luka 5:30

Faresaio giz a aotale giz, uiaba mudi mer abara kaimeg giz, kega, Nalugelam uaba eroli a ereli okakis telona giz a uit le giz?

Luka 7:29

Abele ged uiaba Adim naospered abele mer uiaba emetu asoli, pako telona giz, abelelam Ioane E uiabim bapataiso, abara bapataiso.

Luka 7:34

Ege Ade ra Uerem tabarki, E eroli, a ereli; a uaba detager, kega, Dasmer, abele le E au lagelag leuer eroli, a pako uaina ereli, telona giz la le pako uit le!