Mataio 5:30 - Miriam Mer Gospels 1902

³⁰ Ese mara tuter tag mari nadkoli, ma isimi adem, abelelam debele nerute mog mara gem abi, a adud batauered mara gem kemerkemer Genaim.

Mataio 5:30 ပူးပေါင်းရင်းမြစ်များ

Mataio 11:6

E gaire debe lu nagri abele le, nole kari asared kak.

Mataio 13:21

Ege nole sip kak abim, a nole niaiem ekue; abelelam menaba asiasi a dedkoli abele merlam tabarki, E sobkak upiditilu a ekesmeri.

Mataio 16:23

Ege E egeremalu Peteruim, a abim, kega, Satana ae, ma bakeam kara sor ge: ma mokakalam lu kari bamsili; abelelam ma nole lakak Ade ra lu, epe mamor le la lu.

Mataio 17:27

A nerute uiaba mena mudi mer meribim, ma bakea mabele gur ge, a ma batauered nerute uk, abele kekiam lar ma nagri ma tetaruka; a ko diske abara te, epe ma erdali abele setatara; ma ais uiabim ikuar mara a kara ko.

Mataio 18:8

Ese mara tag mari nadkoli pako mara teter, debele ma isimi adem batauered; debele ma bao abele eded mara tag kebikebi nako ibibi, au adud mari batauered abele ur asam kak neis tag a neis teter.

Mataio 22:13

Abele opole abi detager tabara memeg le, Uaba didbare abara teter pako abara tag, abi ais batauered adige abele kupikup ge; nagri au ebazuer pako abele tereg ikupamaretlare.

Mataio 25:20

Abele le nagri faif talen E tabakeam a ko tais uader faif talen, a abi kega, Opole ae, ma kari ikuar faif talen; dasmer, kaka ko nagri uader faif talen.

Mataio 26:31

Ege Iesu uiabi detager, Uaba uridili ezigmada karielam abele ki ge; emetu detali, kega, Kai le mamoe asesered ipiti, epe mamoe giz kepu bamarid.

Mataio 5:22

Epe kakanale uabi detagered, Ese le tababu ueku abara boai, E nagri bodomalam abele meratager; ese le abi detager abara boai, Raka, E nagri bodomalam abele meratager; ege ese nerute le abi detager nerute le, Paim le ae, E nagri bodomalam abele ur Genaim.

Mataio 5:29

Ese mara tuter pone mari nadkoli ma dekeamur a adem; abelelam debele nerute mog mara gem abi, a adud batauered mara gem kemerkemer Genaim.

MAREKO 9:43

Ese mara tag mari nadkoli, ismi adem; debele ma ededem barot netate tag, a adud neis tag gena barot, abele ur asam kak:

Luka 12:5

Epe kaka uabi detomeret le uabi geum: Uaba abi geum, ese uaeseemu abi ua ipit, E sirdam iako batauered gena: ageakar, kaka uabi detagereda, kega, Uaba abi geum.

Luka 17:2

Debele abi perege dimiri au baker sekerseker, a batauered gurim, adud dedkoli nerute kebile.