Mataio 5:3 - Miriam Mer Gospels 1902

³ Uerkab uader le gebegeb nerkep; abelelam uiaba uteb kotor baselaia.

Mataio 5:3 ပူးပေါင်းရင်းမြစ်များ

Mataio 11:25

Peike abele haua ge Iesu abi detager, kega, Kaka marim esoao, kara Baba ae, kotor Opole pako geseb ge, abelelam ma ispi gaire lu ike gaire pardale le giz pako umele le, a ma etomeret gaire lu ike uiabim gaire uerem giz:

Mataio 11:6

E gaire debe lu nagri abele le, nole kari asared kak.

Mataio 13:16

Uerkab uaba pone, abelelam uaba dasmerare, pako uaba grip, abelelam ua aserare.

Mataio 19:14

Ege Iesu uiabi detager, Nole aisumdar kak, karim tabakeuare: abelelam uiaba ike abkoreb mokakalam kotor baselaia ge.

Mataio 24:46

Uerkab abele memeg le, ese abara opole tabarki, a abi erdali mena ikeli abkoreb.

Mataio 25:34

Abele Opole uiabi detager uader le abara tuter tag, Uaba tabakeuare uaba emetu kara Aba uabi ikuar debe mer, uaba uteb abele baselaia, emetu derser uabim a nole detagem abele geseb ge:

Mataio 3:2

Kega, Ma obazgeda, abelelam kotor baselaia maike.

Mataio 8:11

Kaka uabi detagerare kega, Gaire le tabakeuare naigerlam a siailam, ko kemem okakis eroare Aberahama, a Isaaka, a Iakobo, abele kotor baselaia ge:

MAREKO 10:14

Iesu dasmer, abara nerkep asiasi, E uiabim detagereda, kega, Kebi omasker karim taramarkare, nole uiabi aisumdar kak; abelelam, Ade ra baselaia uiabi koreb.

Luka 11:28

E abi detager, kega, Ageakar, E uerkab abele le asoli Ade ra mer, E asesereda.

Luka 18:14

Kaka uabi detager, kega, Abele le bakeamu taba metaem, E debele, nole mokakalam nerute: abelelam E lagelag aule, le kebile; abele le E lagelag kebile, E aule.

Luka 22:29

Mokakalam kara Aba E kari ikuar abara baselaia, abkoreb kaka uabi ikuar,

Luka 22:30

Iaueakai uaba eroli, a ereli, abele leuer aro uteb kara baselaia ge, a emeri opole bao ge, a itimer Isaraela tuelf nosik.

Luka 4:18

Ege kari tumge Lamar Opole, abelelam E kari depegili etomeret abele mer uader nolea lu kak; ege E kari namarid idigiri uiaba nerkep okasosok, etomeret debe mer uader nolea uteb kak, pako diski pone sadmer, pako omare uader asiasi gaire gerger,

Ioane 20:29

Iesu abi detaut, kega, Toma ma oituli abelelam ma kari dasmer: uiaba uerkab le gaire le oituli, a nole asmer kak.